ವಿವೋ ಸಹಭಾಗಿತ್ವದಲ್ಲಿ ಬರಲಿದೆ ಕೈಗೆಟಕುವ ಬೆಲೆಯ ಜಿಯೋ ಸ್ಮಾರ್ಟ್‌ಫೋನ್‌!

ಹೌದು, ರಿಲಾಯನ್ಸ್‌ ಜಿಯೋ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆಯಲ್ಲಿ ವಿವೊ ಸಹಭಾಗಿತ್ವದಲ್ಲಿ ಹೊಸ ಹೆಜ್ಜೆ ಇಡಲು ಸಿದ್ದತೆ ನಡೆಸಿದೆ ಎನ್ನುವ ಮಾಹಿತಿ ದೊರೆತಿದೆ. ರಿಲಯನ್ಸ್ ಜಿಯೋ ಗೂಗಲ್‌ನೊಂದಿಗೆ ಕೈಗೆಟುಕುವ 4G ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಲು ಪ್ಲ್ಯಾನ್‌ ರೂಪಿಸುತ್ತಿದೆ ಎನ್ನುವ ಸಮಯದಲ್ಲಿಯೇ ಈ ಅಪ್‌ಡೇಟ್ ಬರುತ್ತದೆ. ಕಂಪನಿಯು ತನ್ನ ಮುಂಬರುವ ಹ್ಯಾಂಡ್‌ಸೆಟ್‌ಗಳನ್ನು ತಯಾರಿಸಲು ದೇಶೀಯ ಹ್ಯಾಂಡ್‌ಸೆಟ್ ತಯಾರಕರೊಂದಿಗೆ ಚರ್ಚಿಸುತ್ತಿದೆ ಎನ್ನಲಾಗಿದೆ. ಅಷ್ಟಕ್ಕೂ ಜಿಯೋ ರೂಪಿಸಿರುವ ಪ್ಲ್ಯಾನ್‌ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ರಿಲಯನ್ಸ್ ಜಿಯೋ ವಿವೋ ಸಹಭಾಗಿತ್ವದಲ್ಲಿ ಸ್ಮಾರ್ಟ್‌ಫೋನ್‌ಗಳನ್ನ ಪರಿಚಯಿಸುವುದಕ್ಕೆ ಮುಂದಾಗಿದೆ ಎಂದು ಹೇಳಲಾಗ್ತಿದೆ. ಆದರೆ ಇದಕ್ಕೂ ಮೊದಲು ಐಟೆಲ್ ಕಂಪೆನಿ ಜೊತೆ ಮಾತುಕತೆ ನಡೆಸುತ್ತಿದೆ ಎಂದು ಸಹ ವರದಿಯಾಗಿತ್ತು. ಆದರೆ ಇದೀಗ ವಿವೋ ಜೊತೆಗೆ ಹೆಜ್ಜೆ ಹಾಕುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇನ್ನು ಈ ಸಹಭಾಗಿತ್ವದಲ್ಲಿ ಬರುವ ಸ್ಮಾರ್ಟ್‌ಫೋನ್‌ ಜೊತೆಗೆ ಜಿಯೋ ಒಟಿಟಿ ಅಪ್ಲಿಕೇಶನ್‌ಗಳು, ಶಾಪಿಂಗ್ ಪ್ರಯೋಜನಗಳು, ರಿಯಾಯಿತಿಗಳು, ಸ್ಕ್ರೀನ್‌ ರಿಪ್ಲೇಸ್‌ ಮೆಂಟ್‌ ಸೇರಿದಂತೆ ಹೆಚ್ಚಿನ ರೀತಿಯ ವಿಶೇಷತೆಗಳನ್ನು ಒದಗಿಸವುದಕ್ಕೆ ರಿಲಾಯನ್ಸ್‌ ಜಿಯೋ ಮುಂದಾಗಿದೆ ಎನ್ನಲಾಗಿದೆ.

ಇನ್ನು ಒಟಿಟಿ ಮತ್ತು ಡೇಟಾ ಪ್ರಯೋಜನಗಳು ಡಿಫರೆನ್ಷಿಯೇಟರ್‌ಗಳಲ್ಲಿ ಒಂದಾಗಿದೆ. ಇದಲ್ಲದೆ ಜಿಯೋ ಕಂಪೆನಿ ಪ್ರಮುಖ ಸ್ಮಾರ್ಟ್‌ಫೋನ್ ಪ್ಲೇಯರ್‌ಗಳೊಂದಿಗೆ ಕೈಜೋಡಿಸುವುದು ರಿಲಯನ್ಸ್ ಜಿಯೋ ತನ್ನ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಅಲ್ಲದೆ ಜಿಯೋ 4G ಫೀಚರ್ ಫೋನ್ ಬಳಕೆದಾರರನ್ನು ಸ್ಮಾರ್ಟ್‌ಫೋನ್ ಬಳಕೆದಾರರನ್ನಾಗಿ ಪರಿವರ್ತಿಸಲು ಸಹಾಯ ಮಾಡುತ್ತದೆ. ಏಕೆಂದರೆ ಜಿಯೋ ವಿವೋ ಸಹಭಾಗಿತ್ವದಲ್ಲಿ ಕೇವಲ 8,000. ರೂ ಬೆಲೆಯ ಸ್ಮಾರ್ಟ್‌ಫೋನ್ ಪರಿಚಯಿಸುವ ಪ್ಲ್ಯಾನ್‌ ಇದೆ. ಇದರಿಂದ ಇದು ರಿಲಯನ್ಸ್ ಜಿಯೋಗೆ ಸ್ಮಾರ್ಟ್‌ಫೋನ್‌ ವಲಯದಲ್ಲೂ ಸಂಚಲನ ಸೃಷ್ಟಿಸಲಿದೆ ಎನ್ನಲಾಗಿದೆ.