ಇಂದಿನಿಂದ ಸ್ಯಾಮ್ಸಂಗ್ ಗ್ಯಾಲಕ್ಸಿ A8(2018) ಮಾರಾಟ ಪ್ರಾರಂಭ!..ಪ್ರಿ-ಆರ್ಡರ್ ಮಾಡಿ!!

ಕಳೆದ ತಿಂಗಳು ಸ್ಯಾಮ್ಸಂಗ್ ಕಂಪೆನಿಯು ಗ್ಯಾಲಕ್ಸಿ A8(2018) ಮತ್ತು ಗ್ಯಾಲಕ್ಸಿ A8+ (2018) ಮೊಬೈಲ್ಗಳ ಲಾಂಚ್ ಅನ್ನು ಘೋಷಿಸಿತ್ತು. ಈ ಸ್ಮಾರ್ಟ್ಫೋನ್ಗಳ ಅನಾವರಣದ ಸಮಯದಲ್ಲಿ ಈ ಸ್ಮಾರ್ಟ್ಫೋನ್ಗಳ ಮಾರಾಟ ಜನವರಿ 2018 ರಲ್ಲಿ ಆರಂಭವಾಗಲಿದೆ ಎಂದು ಸ್ಯಾಮ್ಸಂಗ್ ತಿಳಿಸಿತ್ತು.

ನಾವು ಹೊಸ ವರ್ಷಕ್ಕೆ ಕಾಲಿರಿಸುತ್ತಿರುವಂತೆಯೇ ಕೋರಿಯಾ ಹೆರಾಲ್ಡ್ ನ ವರದಿಯೊಂದು ಬಂದಿದ್ದು, ಈ ವರದಿಯ ಅನುಸಾರ ಸ್ಯಾಮ್ಸಂಗ್ ನೂತನ ಗ್ಯಾಲಕ್ಸಿ A8(2018) ನ ಮಾರಾಟವನ್ನು ದಕ್ಷಿಣ ಕೋರಿಯಾದಲ್ಲಿ KT ಕಾರ್ಪ್ ಮೂಲಕ ಈ ವಾರದಿಂದ ಪ್ರಾರಂಭಿಸಲಿದೆ. ಅಲ್ಲದೆ ಈ ಗ್ಯಾಲಕ್ಸಿ A8(2018) ಈಗಾಗಲೇ ಪ್ರಿ-ಆರ್ಡರ್ ಗೆ ಲಭ್ಯವಿದ್ದು ಜನವರಿ 5, ಶುಕ್ರವಾರದಿಂದ ಇದರ ಮಾರಾಟ ಪ್ರಾರಂಭವಾಗಲಿದೆ. ಗ್ಯಾಲಕ್ಸಿ A8 (2018) ನ ಬೆಲೆ 599,500 ವಾನ್( ಅಂದಾಜು ರೂ 36,000) ಇರಲಿದೆ ಎನ್ನುತ್ತದೆ ಲಭ್ಯವಿರುವ ವರದಿಗಳು.

ಈ ವರದಿಗಳು ಗ್ಯಾಲಕ್ಸಿ A8 (2018) ನ ಫೀಚರ್ಗಳ ಮೇಲೂ ಬೆಳಕು ಹರಿಸಿದೆ. ಆದರೆ ಇದರ ದೊಡ್ಡ ಆವೃತ್ತಿಯಾದ ಗ್ಯಾಲಕ್ಸಿ A8+(2018) ನ ಕುರಿತು ಯಾವುದೇ ಮಾಹಿತಿ ಈ ವರದಿಗಳಲ್ಲಿ ಲಭ್ಯವಿಲ್ಲ. ಅಲ್ಲದೆ ಸ್ಯಾಮ್ಸಂಗ್ ಗ್ಯಾಲಕ್ಸಿ A8(2018) ದಕ್ಷಿಣ ಕೊರಿಯಾ ದ ಹೊರತು ಇತರ ಜಾಗತಿಕ ಮಾರುಕಟ್ಟೆಗಳಲ್ಲಿ ಲಭ್ಯವಾಗಲಿದೆಯೇ ಎಂಬುದರ ಕುರಿತು ಯಾವುದೇ ಮಾಹಿತಿ ಇಲ್ಲ.

ಈ ಹೊಸ ಸ್ಯಾಮ್ಸಂಗ್ ಗ್ಯಾಲಕ್ಸಿ A8 ಸ್ಮಾರ್ಟ್ಫೋನ್ಗಳ ಕುರಿತು ಹೇಳುವುದಾದರೆ, ಈ ಸ್ಮಾರ್ಟ್ಫೋನ್ಗಳು ಇನ್ಫಿನಿಟಿ ಡಿಸ್ಪ್ಲೇ ವಿನ್ಯಾಸವನ್ನು ಹೊಂದಿದ್ದು ಗ್ಯಾಲಕ್ಸಿ S8 ಫ್ಲ್ಯಾಗ್ಶಿಪ್ ಮೊಬೈಲ್ಗಳನ್ನೇ ಹೋಲುತ್ತದೆ. ಎರಡೂ ಸಾಧನಗಳು ಗೇರ್ VR ಮತ್ತು ಕಾಂಟ್ಯಾಕ್ಟ್ಲೆಸ್ ಮೊಬೈಲ್ ಪಾವತಿ ಸೇವೆಯಾದ ಸ್ಯಾಮ್ಸಂಗ್ ಪೇ ಸಾಮರ್ಥ್ಯವನ್ನು ಹೊಂದಿದೆ.

ಮತ್ತೊಂದು ವಿಶೇಷವೆಂದರೆ ಗ್ಯಾಲಕ್ಸಿ A8(2018) ಮತ್ತು ಗ್ಯಾಲಕ್ಸಿ A8+(2018) ಡ್ಯುಯಲ್ ಸೆಲ್ಫೀ ಕ್ಯಾಮೆರಾ ಹೊಂದಿರುವ ಮೊದಲ ಸ್ಯಾಮ್ಸಂಗ್ ಸ್ಮಾರ್ಟ್ಫೋನ್ಗಳಾಗಿವೆ.

ಇನ್ನು ಗ್ಯಾಲಕ್ಸಿ A8(2018) ನ ಫೀಚರ್ಗಳ ಕುರಿತು ಹೇಳುವುದಾದರೆ ಇದರಲ್ಲಿದೆ 5.6 ಇಂಚ್ FHD+ ಇನ್ಫಿನಿಟಿ ಡಿಸ್ಪ್ಲೇ 18.5:9 ಆಸ್ಪೆಕ್ಟ್ ಅನುಪಾತದೊಂದಿಗೆ. ಇನ್ನು ಎಕ್ಸಿನೋಸ್ 7885 SoC ಹೊಂದಿರುವ ಗ್ಯಾಲಕ್ಸಿ A8(2018) 4GB RAM ಹೊಂದಿದ್ದು, 32GB ಮತ್ತು 64GB ಆಂತರಿಕ ಸ್ಟೋರೇಜ್ ಸಾಮರ್ಥ್ಯದ ಎರಡು ಆವೃತ್ತಿಗಳಲ್ಲಿ ಲಭ್ಯವಿದೆ.

ಇದರ ಪ್ರೈಮರಿ ಕ್ಯಾಮೆರಾ 16MP ಸೆನ್ಸರ್, f/1.7 ಅಪರ್ಚರ್ ಮತ್ತು ಡಿಜಿಟಲ್ ಇಮೇಜ್ ಸ್ಟೆಬಿಲೈಸೇಶನ್ ಸಾಮರ್ಥ್ಯ ಹೊಂದಿದೆ. ಇನ್ನು ಇದರ ಡ್ಯುಯಲ್ ಸೆಲ್ಫೀ ಕ್ಯಾಮೆರಾ 16MP ಮತ್ತು 8MP ಸೆನ್ಸರ್ಗಳನ್ನು ಹೊಂದಿದ್ದು f/1.9 ಅಪರ್ಚರ್ ಮತ್ತು ಬೋಕೇ ಮೊಡ್ ಗೆ ಲೈವ್ ಫೋಕಸ್ ಸಪೋರ್ಟ್ ಕೂಡ ಹೊಂದಿದೆ.

ಸ್ಯಾಮ್ಸಂಗ್ ಗ್ಯಾಲಕ್ಸಿ A8(2018) ಆಂಡ್ರಾಯ್ಡ್ 7.1 ನುಗಾಟ್ ಆಪರೇಟಿಂಗ್ ಸಿಸ್ಟಮ್ ಹೊಂದಿದೆ. 4G VoLTE, USB ಟೈಪ್-ಸಿ ಪೋರ್ಟ್ ಮತ್ತು ಇತರ ಕನೆಕ್ಟಿವಿಟಿ ಆಯ್ಕೆಗಳು ಇದರಲ್ಲಿದೆ. ಧೂಳು ಮತ್ತು ನೀರಿನ ವಿರುದ್ಧ ಹೊಂದಿರುವ ರೆಸಿಸ್ಟೆನ್ಸ್ ಅಥವಾ ಪ್ರತಿರೋಧಕ್ಕೆ IP68 ರೇಟಿಂಗ್ ಪಡೆದಿದ್ದು, ಫೋನ್ ನ ಹಿಂಬದಿಯಲ್ಲಿ ಫಿಂಗರ್ಪ್ರಿಂಟ್ ಸೆನ್ಸರ್ ಹೊಂದಿದೆ. ಅಲ್ಲದೆ ಸ್ಯಾಮ್ಸಂಗ್ ಗ್ಯಾಲಕ್ಸಿ A8(2018)ನಲ್ಲಿದೆ 3000mAh ಸಾಮರ್ಥ್ಯದ ಬ್ಯಾಟರಿ.