ಸ್ಯಾಮ್‌ಸಂಗ್‌ನಿಂದ ಹೊಸ ಗೇಮಿಂಗ್‌ ಮಾನಿಟರ್‌ ಬಿಡುಗಡೆ! ಬೆಲೆ ಎಷ್ಟು?

ಹೌದು, ಸ್ಯಾಮ್‌ಸಂಗ್‌ ಕಂಪೆನಿ ಭಾರತದಲ್ಲಿ ತನ್ನ ಒಡಿಸ್ಸಿ ಮಾನಿಟರ್‌ ಸರಣಿಯಲ್ಲಿ ಹೊಸ ಗೇಮಿಂಗ್‌ ಮಾನಿಟರ್ ಪರಿಚಯಿಸಿದೆ. ಇದು 60W ಔಟ್‌ಪುಟ್ ಮತ್ತು ಡಾಲ್ಬಿ ಅಟ್ಮಾಸ್ ಬೆಂಬಲಿಸುವ ನಾಲ್ಕು ಸ್ಪೀಕರ್‌ಗಳನ್ನು ಒಳಗೊಂಡಿದೆ. ಜೊತೆಗೆ ಈ ಮಾನಿಟರ್‌ ಹೈಟ್ ಅಡ್ಜಸ್ಟಬಲ್ ಸ್ಟ್ಯಾಂಡ್ ಹೊಂದಿದ್ದು, ಕಾಕ್‌ಪಿಟ್ ಮೋಡ್ ಮೂಲಕ ಡಿಸ್‌ಪ್ಲೇಯನ್ನು ತಿರುಗಿಸಲು ಬಳಸಬಹುದಾಗಿದೆ. ಹಾಗಾದ್ರೆ ಈ ಹೊಸ ಗೇಮಿಂಗ್‌ ಮಾನಿಟರ್‌ ವಿಶೇಷತೆ ಏನು? ಇದರ ಬೆಲೆ ಎಷ್ಟಿದೆ? ಇದೆಲ್ಲದರ ವಿವರವನ್ನು ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಸ್ಯಾಮ್‌ಸಂಗ್‌ ಒಡಿಸ್ಸಿ ಆರ್ಕ್‌ ಕರ್ವ್ಡ್ ಮಾನಿಟರ್ 55 ಇಂಚಿನ 1000R ಕರ್ವ್ಡ್‌ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 2,160 x 3,840 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಜೊತೆಗೆ 165Hz ರಿಫ್ರೆಶ್ ರೇಟ್ ಮತ್ತು 16:9 ರಚನೆಯ ಅನುಪಾತವನ್ನು ಪಡೆದಿದೆ. ಇದು ಸ್ಯಾಮ್‌ಸಂಗ್‌ನ ನ್ಯೂರಲ್ ಕ್ವಾಂಟಮ್ ಪ್ರೊಸೆಸರ್ ಅಲ್ಟ್ರಾದಲ್ಲಿ ಕಾರ್ಯನಿರ್ವಹಿಸಲಿದೆ. ಅಲ್ಲದೆ ಕ್ವಾಂಟಮ್ ಮಿನಿ ಎಲ್‌ಇಡಿ ಬ್ಯಾಕ್‌ಲೈಟಿಂಗ್ ಅನ್ನು ಒಳಗೊಂಡಿದೆ.

ಇನ್ನು ಈ ಮಾನಿಟರ್ AMD ಫ್ರೀಸಿಂಕ್ ಪ್ರೀಮಿಯಂ ಪ್ರೊ ಅನ್ನು ಬೆಂಬಲಿಸಲಿದೆ. ಇದರಿಂದ ಗೇಮರುಗಳಿಗಾಗಿ ವೇರಿಯಬಲ್ ರಿಫ್ರೆಶ್ ರೇಟ್‌ಗಳ ಬೆಂಬಲವನ್ನು ನೀಡಲಿದೆ. ಜೊತೆಗೆ ಆರ್ಕ್ ಡಯಲ್ ಕಂಟ್ರೋಲರ್‌ ಮೂಲಕ ಬಳಕೆದಾರರು ಸ್ಕ್ರೀನ್‌ ಗಾತ್ರವನ್ನು 27-ಇಂಚಿನ ಡಿಸ್‌ಪ್ಲೇಗೆ ಬದಲಾಯಿಸಬಹುದಾಗಿದೆ. ಇದಲ್ಲದೆ ಸ್ಕ್ರೀನ್‌ನ ಅನುಪಾತವನ್ನು 16:9, 21:9 ಮತ್ತು 32:9 ರ ನಡುವೆ ಸೆಟ್‌ ಮಾಡುವುದಕ್ಕೆ ಅವಕಾಶವನ್ನು ಕೂಡ ನೀಡಲಾಗಿದೆ ಎಂದು ಸ್ಯಾಮ್‌ಸಂಗ್‌ ಕಂಪೆನಿ ಹೇಳಿಕೊಂಡಿದೆ.

ಇದಲ್ಲದೆ ಈ ಗೇಮಿಂಗ್‌ ಮಾನಿಟರ್‌ನಲ್ಲಿ ಕಾಕ್‌ಪಿಟ್‌ ಮೋಡ್‌ ನೀಡಲಿದೆ. ಇದರ ಮೂಲಕ ಬಳಕೆದಾರರು HAS ನೊಂದಿಗೆ ಡಿಸ್‌ಪ್ಲೇಯನ್ನು ತಿರುಗಿಸುವುದಕ್ಕೆ ಸಾಧ್ಯವಾಗಲಿದೆ. ಮಾನಿಟರ್‌ನ ಡಿಸ್‌ಪ್ಲೇಯನ್ನು ಓರೆಯಾಗಿಸಬಹುದು ಮತ್ತು ಪಿವೋಟ್ ಕೂಡ ಮಾಡಬಹುದು. ಈ ಮಾನಿಟರ್‌ನಲ್ಲಿ ಮಲ್ಟಿ ವ್ಯೂ ಪಂಕ್ಷನ್‌ ಅನ್ನು ಒಂದೇ ಸಮಯದಲ್ಲಿ ವೀಕ್ಷಿಸುವುದಕ್ಕೆ ಅವಕಾಶ ಕೂಡ ಲಭ್ಯವಾಗಲಿದೆ.

ಈ ಗೇಮಿಂಗ್‌ ಮಾನಿಟರ್‌ ಒಟ್ಟು ನಾಲ್ಕು ಸ್ಪೀಕರ್‌ಗಳು ಮತ್ತು ಎರಡು ವೂಫರ್‌ಗಳನ್ನು ಹೊಂದಿದೆ. ಇವುಗಳು ಒಟ್ಟು 60W ಔಟ್‌ಪುಟ್ ಅನ್ನು ನೀಡುತ್ತದೆ. ಈ ಸ್ಪೀಕರ್‌ಗಳು ಡಾಲ್ಬಿ ಅಟ್ಮಾಸ್ ಆಡಿಯೊವನ್ನು ಹೊಂದಿವೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ನಾಲ್ಕು HDMI 2.1 ಪೋರ್ಟ್‌ಗಳು ಮತ್ತು ಈಥರ್ನೆಟ್ ಪೋರ್ಟ್ ಅನ್ನು ಒಳಗೊಂಡಿವೆ.

ಬೆಲೆ ಮತ್ತು ಲಭ್ಯತೆ

ಭಾರತದಲ್ಲಿ ಸ್ಯಾಮ್‌ಸಂಗ್ 55-ಇಂಚಿನ ಒಡಿಸ್ಸಿ ಆರ್ಕ್ ಕರ್ವ್ಡ್ ಮಾನಿಟರ್ 2,19,999ರೂ. ಬೆಲೆಯನ್ನು ಹೊಂದಿದೆ. ಇದನ್ನು ಸ್ಯಾಮ್‌ಸಂಗ್‌ ಕಂಪನಿಯ ಅಧಿಕೃತ ಆನ್‌ಲೈನ್ ಸ್ಟೋರ್ ಸ್ಯಾಮ್‌ಸಂಗ್ ಶಾಪ್ ಮೂಲಕ ಕಪ್ಪು ಬಣ್ಣದ ಆಯ್ಕೆಯಲ್ಲಿ ಖರೀದಿಸಬಹುದಾಗಿದೆ.

ಆಫರ್‌ ಏನಿದೆ?

ಅಕ್ಟೋಬರ್ 9 ರೊಳಗೆ ಈ ಮಾನಿಟರ್‌ ಅನ್ನು ಖರೀದಿಸುವ ಗ್ರಾಹಕರಿಗೆ 10,000ರೂ. ತ್ವರಿತ ಕಾರ್ಟ್ ರಿಯಾಯಿತಿಯನ್ನು ಪಡೆದುಕೊಳ್ಳಬಹುದಾಗಿದೆ. ಜೊತೆಗೆ 2TB ಪೋರ್ಟಬಲ್ SSD T7 ಶೀಲ್ಡ್ USB 3.2 ಸಾಲಿಡ್‌ ಸ್ಟೇಟ್‌ ಡ್ರೈವ್ ಅನ್ನು ಅಕ್ಟೋಬರ್ 10 ಮತ್ತು ಅಕ್ಟೋಬರ್ 31 ರ ನಡುವೆ ಆರ್ಡರ್ ಮಾಡಿದರೆ ಗ್ರಾಹಕರಿಗೆ 10,000ರೂ. ಡಿಸ್ಕೌಂಟ್‌ ಪಡೆದುಕೊಳ್ಳಬಹುದಾಗಿದೆ.