ಸೋನಿ ಕಂಪೆನಿಯಿಂದ ಹೊಸ ವಾಕ್‌ಮ್ಯಾನ್‌ ಬಿಡುಗಡೆ!..ಜಬರ್ದಸ್ತ್‌ ಫೀಚರ್ಸ್‌!

ಸೋನಿ ಕಂಪೆನಿ ಗುಣಮಟ್ಟದ ಡಿವೈಸ್‌ಗಳಿಗೆ ಹೆಸರುವಾಸಿಯಾಗಿದೆ. ತನ್ನ ಭಿನ್ನ ಶ್ರೇಣಿಯ ಡಿವೈಸ್‌ಗಳ ಮೂಲಕ ಮಾರುಕಟ್ಟೆಯಲ್ಲಿ ತನ್ನದೇ ಆದ ಪ್ರಾಬಲ್ಯವನ್ನು ಹೊಂದಿದೆ. ಸದ್ಯ ಇದೀಗ ಸೋನಿ ಕಂಪೆನಿ ಹೊಸದಾಗಿ NW-A306 ವಾಕ್‌ಮ್ಯಾನ್ ಅನ್ನು ಬಿಡುಗಡೆ ಮಾಡಿದ. ಈ ವಾಕ್‌ಮ್ಯಾನ್ ಪ್ರೀಮಿಯಂ ಲುಕ್‌ ಮತ್ತು ಉತ್ತಮ ಗುಣಮಟ್ಟದ ಆಡಿಯೋ ಸಿಸ್ಟಂ ಅನ್ನು ಒಳಗೊಂಡಿದೆ. ಇದಲ್ಲದೆ ಈ ವಾಕ್‌ಮ್ಯಾನ್‌ ಅಲ್ಯೂಮಿನಿಯಂ ಫ್ರೇಮ್‌ ಅನ್ನು ಹೊಂದಿದ್ದು, ಕ್ಲಿಯರ್‌ ಆಂಡ್‌ ಸ್ಟೇಬಲ್‌ ಸೌಂಡ್‌ ಅನ್ನು ನೀಡಲಿದೆ.

ಹೌದು, ಸೋನಿ ಕಂಪೆನಿ ಹೊಸ ಸೋನಿ NW-A306 ವಾಕ್‌ಮ್ಯಾನ್‌ ಅನ್ನು ಲಾಂಚ್‌ ಮಾಡಿದೆ. ಈ ವಾಕ್‌ಮ್ಯಾನ್‌ ಅಪ್‌ಸ್ಕೇಲಿಂಗ್ ಮ್ಯೂಸಿಕ್‌ ಅನ್ನು ನೀಡಲಿದೆ. ಇದಕ್ಕಾಗಿ DSEE ಅಲ್ಟಿಮೇಟ್ ಅನ್ನು ಸೇರಿಸಲಾಗಿದೆ. ಇದಲ್ಲದೆ ಎಡ್ಜ್-ಎಐ ಮತ್ತು DSEE ಅಲ್ಟಿಮೇಟ್ ಸಂಕುಚಿತ ಡಿಜಿಟಲ್ ಮ್ಯೂಸಿಕ್ ಫೈಲ್‌ಗಳನ್ನು ಉನ್ನತ ಗುಣಮಟ್ಟದಲ್ಲಿ ನೀಡಲಿವೆ. ಇದನ್ನು ನೀವು ವಾಯರ್‌ಲೆಸ್‌ ಹೆಡ್‌ಫೋನ್‌ಗಳ ಮೂಲಕ ಆಲಿಸಬಹುದಾಗಿದೆ. ಹಾಗಾದ್ರೆ ಈ ಹೊಸ ವಾಕ್‌ಮ್ಯಾನ್‌ ವಿಶೇಷತೆ ಏನು? ಇದರ ಫೀಚರ್ಸ್‌ ಹೇಗಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಸೋನಿ NW-A306 ವಾಕ್‌ಮ್ಯಾನ್‌ 3.6 ಇಂಚಿನ HD TFT ಟಚ್ ಸ್ಕ್ರೀನ್ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 1280 x 720 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿದೆ. ಜೊತೆಗೆ ಬಿಳಿ LED-ಬ್ಯಾಕ್‌ಲೈಟ್ ಅನ್ನು ಒಳಗೊಂಡಿದೆ. ಇನ್ನು ವಾಕ್‌ಮ್ಯಾನ್‌ 360 ರಿಯಾಲಿಟಿ ಆಡಿಯೊ ಬೆಂಬಲವನ್ನು ನೀಡಲಿದೆ. ಇದು 360-ಡಿಗ್ರಿ ಗೋಳಾಕಾರದ ಸೌಂಡ್‌ ಸಿಸ್ಟಂ ಮೂಲಕ ವಿವಿಧ ಸೌಂಡ್‌ ಎಫೆಕ್ಟ್‌ಗಳನ್ನು ಅನುಭವಿಸಲು ಅನುಮತಿಸಲಿದೆ.

ಇನ್ನು ಈ ವಾಕ್‌ ಮ್ಯಾನ್‌ ವೈಫೈ ಬೆಂಬಲವನ್ನು ನೀಡಲಿದೆ. ಅಲ್ಲದೆ 32GB ಇಂಟರ್‌ ಸ್ಟೋರೇಜ್‌ ಅನ್ನು ಹೊಂದಿದೆ, ಜೊತೆಗೆ ಮೈಕ್ರೋ ಎಸ್‌ಡಿ ಕಾರ್ಡ್‌ ಮೂಲಕ ಸ್ಟೋರೇಜ್‌ ಸಾಮರ್ಥ್ಯವನ್ನು ವಿಸ್ತರಿಸಬಹುದಾಗಿದೆ. ಇದು ಹೈ-ರೆಸ್ ಆಡಿಯೊ, ಎಲ್‌ಡಿಎಸಿ, ಡಿಎಸ್‌ಡಿ ಮತ್ತು ಎಫ್‌ಎಲ್‌ಎಸಿ ಆಡಿಯೊ ಸ್ವರೂಪಗಳನ್ನು ಕೂಡ ಬೆಂಬಲಿಸುವ ಸಾಮರ್ಥ್ಯವಿದೆ. ಈ ವಾಕ್‌ಮ್ಯಾನ್‌ ಡಿಜಿಟಲ್ ಆಂಪ್ಲಿಫೈಯರ್ ಅನ್ನು ಬೆಂಬಲಿಸಲಿದೆ. ಅಲ್ಲದೆ ಮೀಡಿಯಾ ಪ್ಲೇಬ್ಯಾಕ್ ಕಂಟ್ರೋಲ್‌ ಅನ್ನು ಸಹ ಪಡೆದಿದೆ.

ಇದಲ್ಲದೆ ಈ ವಾಕ್‌ಮ್ಯಾನ್‌ ಬ್ಲೂಟೂತ್‌ ಕೋಡೆಕ್‌ ಬೆಂಬಲವನ್ನು ಪಡೆದಿದೆ. ಇನ್ನು ಈ ವಾಕ್‌ಮ್ಯಾನ್‌ 32 ಗಂಟೆಗಳ 96 kHz FLAC ಹೈ-ರೆಸಲ್ಯೂಶನ್ ಆಡಿಯೊ ಪ್ಲೇಬ್ಯಾಕ್ ಟೈಂ ಹಾಗೂ 36 ಗಂಟೆಗಳ 44.1 kHz FLAC ಪ್ಲೇಬ್ಯಾಕ್ ನೀಡಲಿದೆ. ಹಾಗೆಯೇ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ USB ಟೈಪ್-C, ಸ್ಟಿರಿಯೊ ಮಿನಿ-ಜಾಕ್ ಅನ್ನು ಬೆಂಬಲಿಸಲಿದೆ. ಅಲ್ಲದೆ ಷಫಲ್ ಪ್ಲೇಬ್ಯಾಕ್, ರಿಪೀಟ್ ಆಫ್, ರಿಪೀಟ್ 1 ಸಾಂಗ್, ರಿಪೀಟ್ ಆಲ್ ನಂತ ಫೀಚರ್ಸ್‌ಗಳನ್ನು ಒಳಗೊಂಡಿದೆ.

ಬೆಲೆ ಮತ್ತು ಲಭ್ಯತೆ
ಸೋನಿ NW-A306 ವಾಕ್‌ಮ್ಯಾನ್ ಪ್ರಸ್ತುತ ಯುರೋಪ್‌ನಲ್ಲಿ ಬಿಡುಗಡೆಯಾಗಿದೆ. ಇದರ ಬೆಲೆ UK ನಲ್ಲಿ £350 (ಅಂದಾಜು 34,840ರೂ.)ಆಗಿದೆ. ಇನ್ನು ಈ ವಾಕ್‌ಮ್ಯಾನ್‌ ಕಪ್ಪು ಮತ್ತು ನೀಲಿ ಬಣ್ಣಗಳಲ್ಲಿ ಬರಲಿದೆ.

ಇದಲ್ಲದೆ ಸೋನಿ ಕಂಪೆನಿ ಇತ್ತೀಚಿಗೆ ಭಾರತದಲ್ಲಿ ಹೊಸ ಸೋನಿ SRS-XV900 ಪಾರ್ಟಿ ಸ್ಪೀಕರ್ ಲಾಂಚ್‌ ಮಾಡಿದೆ. ಈ ಸ್ಪೀಕರ್‌ ಒಮ್ನಿ ಡೈರೆಕ್ಷನಲ್‌ ಸೌಂಡ್‌ ಅನ್ನು ಒದಗಿಸಲಿದೆ. ಜೊತೆಗೆ ಡೀಪ್‌ ಮತ್ತು ಪಂಚಿಯರ್‌ ಬಾಸ್‌ ಔಟ್‌ಪುಟ್‌ ಅನ್ನು ಆಕ್ಟಿವ್‌ ಮಾಡಲು ವೃತ್ತಾಕಾರದ ಡಾಯಾಫ್ರಾಮ್‌ ಅನ್ನು ಒಳಗೊಂಡಿದೆ. ಇದಲ್ಲದೆ ಸ್ಪೀಕರ್‌ನಲ್ಲಿ ಮಿಡ್‌ರೇಂಜ್‌ ಡ್ರೈವರ್‌ಗಳು ಮತ್ತು ಟ್ವಿಟರ್‌ಗಳನ್ನು ಸಹ ನೀಡಲಾಗಿದೆ.