ಟ್ವಿಟ್ಟರ್ ಸಿಇಒ ಗೂಗಲ್ ಸರ್ಚ್ ಬಳಸುವುದಿಲ್ಲವಂತೆ!..ಏಕೆ ಗೊತ್ತಾ?

ಹೌದು, ಟ್ವಿಟ್ಟರ್ ಸಿಇಒ ಜ್ಯಾಕ್ ಡಾರ್ಸೆ ಅವರು ಟ್ವಿಟ್ ಒಂದರಲ್ಲಿ ಗೂಗಲ್‌ಗೆ ಪರ್ಯಾಯವಾಗಿರುವ 'ಡಕ್‌ಡಕ್‌ಗೋ' ಸರ್ಚ್ ಎಂಜಿನ್ ಅನ್ನು ಹೊಗಳಿದ್ದಾರೆ. 'ನಾನು ಡಕ್ ಡಕ್ಗೊವನ್ನು ಪ್ರೀತಿಸುತ್ತೇನೆ. ಇದು ನನ್ನ ಡೀಫಾಲ್ಟ್ ಸರ್ಚ್ ಎಂಜಿನ್ ಆಗಿದೆ. ಅಪ್ಲಿಕೇಶನ್ ಇನ್ನೂ ಉತ್ತಮವಾಗಿದೆ! ಎಂದು ಹೇಳಿಕೊಂಡಿದ್ದಾರೆ. ಅಂದರೆ, ಅವರು ನೇರವಾಗಿ ಗೂಗಲ್ ಬಗ್ಗೆ ಹೇಳದೇ ಇದ್ದರೂ ಸಹ ಗೂಗಲ್‌ಗೆ ಪರ್ಯಾಯವಾಗಿರುವ 'ಡಕ್‌ಡಕ್‌ಗೋ' ಸರ್ಚ್ ಎಂಜಿನ್ ಹೆಸರಿಸುವ ಮೂಲಕ ಗೂಗಲ್ ಅನ್ನು ಟ್ರೋಲ್ ಮಾಡುವ ಉದ್ದೇಶ ಅವರಲ್ಲಿದೆ ಎಂದು ಹೇಳಲಾಗಿದೆ.

ನಾವು ತಿಳಿಯಬೇಕಾದ ವಿಷಯವೆಂದರೆ, 'ಡಕ್‌ಡಕ್‌ಗೋ' ಎಂಬ ಸರ್ಚ್ ಎಂಜಿನ್ ನಿಜವಾಗಿಯೂ ಒಂದು ಅತ್ಯುತ್ತಮ ಸರ್ಚ್ ಎಂಜಿನ್ ಆಗಿದೆ. ಜಾಹೀರಾತುಗಳೊಂದಿಗೆ ಅದು ತನ್ನ ಬಳಕೆದಾರರನ್ನು ಅನುಸರಿಸುವುದಿಲ್ಲ ಅಥವಾ ಅವರ ಐಪಿ ವಿಳಾಸಗಳನ್ನು ಟ್ರ್ಯಾಕ್ ಮಾಡುವುದಿಲ್ಲ ಎಂದು ಡಕ್‌ಡಕ್‌ಗೋ' ಕಂಪೆನಿ ಸ್ಪಷ್ಟಪಡಿಸುತ್ತದೆ. ಕಳೆದ ವರ್ಷ ಅಕ್ಟೋಬರ್‌ನಲ್ಲಿ, ಕಂಪನಿಯು ಒಂದು ದಿನದಲ್ಲಿ ಎಷ್ಟು ಹುಡುಕಾಟಗಳನ್ನು ಹೊಡೆದಿದೆ ಎಂದು ಟ್ವೀಟ್ ಮಾಡಿದೆ. ಅಂದರೆ, ಡಕ್‌ಡಕ್‌ಗೋ' ಬಳಕೆದಾರರ ಸಂಖ್ಯೆ ಹೆಚ್ಚುತ್ತಿರುವುದನ್ನು ನಾವು ನೋಡಬಹುದು.

"ಒಂದು ದಿನದಲ್ಲಿ 10 ಮಿಲಿಯನ್ ಖಾಸಗಿ ಹುಡುಕಾಟಗಳನ್ನು ತಲುಪಲು ನಮಗೆ ಏಳು ವರ್ಷಗಳು ಬೇಕಾದವು, ನಂತರ 20 ಮಿಲಿಯನ್ ಅನ್ನು ಹೊಡೆಯಲು ಇನ್ನೂ ಎರಡು ವರ್ಷಗಳು ಮತ್ತು ಈಗ ಒಂದು ವರ್ಷದ ನಂತರ ನಾವು 30 ಮಿಲಿಯನ್ ತಲುಪದ್ದೇವೆ" ಎಂದು 'ಡಕ್‌ಡಕ್‌ಗೋ' ತಿಳಿಸಿದೆ. ಒಂದು ದಿನದಲ್ಲಿ ಗೂಗಲ್ ಮಾಡುವ 3 ಬಿಲಿಯನ್ ಪ್ಲಸ್ ಹುಡುಕಾಟಗಳಿಗೆ ಹೋಲಿಸಿದರೆ 30 ಮಿಲಿಯನ್ ನಿಜಕ್ಕೂ ಚಿಕ್ಕದಾಗಿದೆ. ಆದರೆ ಗೌಪ್ಯತೆ ದೃಷ್ಟಿಯಲ್ಲಿ ನೋಡಿದರೆ ಡಕ್‌ಡಕ್‌ಗೋ ಬಳಸಲು ಯಾವಾಗಲೂ ಇದೊಂದು ಉತ್ತಮ ಕಾರಣವಾಗುತ್ತದೆ.

"ನಮ್ಮ ಗೌಪ್ಯತೆ ನೀತಿ ಸರಳವಾಗಿದೆ: ನಿಮ್ಮ ಯಾವುದೇ ವೈಯಕ್ತಿಕ ಮಾಹಿತಿಯನ್ನು ನಾವು ಸಂಗ್ರಹಿಸುವುದಿಲ್ಲ ಅಥವಾ ಹಂಚಿಕೊಳ್ಳುವುದಿಲ್ಲ" ಎಂದು ಡಕ್‌ಡಕ್‌ಗೋ ಸ್ಪಷ್ಟವಾಗಿ ಹೇಳುತ್ತದೆ. ಇದರಿಂದ ಹೆಚ್ಚೆಚ್ಚು ಬಳಕೆದಾರರನ್ನು ಆಕರ್ಷಿಸಲು ಸಂಸ್ಥೆಗೆ ನೆರವಾಗುತ್ತದೆ. ಡಕ್‌ಡಕ್‌ಗೊ ಬಳಕೆದಾರರ ಸಂಖ್ಯೆ ಅಥವಾ ಹುಡುಕಾಟಗಳು ಸಾಕಷ್ಟು ಚಿಕ್ಕದಾಗಿರಬಹುದು. ಆದರ ಅವರು ಜ್ಯಾಕ್ ಡಾರ್ಸಿಯಂತಹ ಉನ್ನತ ವ್ಯಕ್ತಿಯನ್ನು ತಮ್ಮ ಬಳಕೆದಾರನನ್ನಾಗಿ ಕಂಡುಕೊಂಡಿರುವುದು ಡಕ್‌ಡಕ್‌ಗೊಗೆ ಸಾಕಷ್ಟು ಶಕ್ತಿಯನ್ನು ನೀಡಿದೆ ಎಂದು ಹೇಳಬಹುದು.