ಕೇಂದ್ರ ಸರ್ಕಾರದಿಂದ ಎಲ್ಲೆಡೆ ಪಬ್ಲಿಕ್‌ ವೈ-ಫೈ ನೆಟ್‌ವರ್ಕ್‌: ಟ್ರಾಯ್‌!!

ಡಿಜಿಟಲ್ ಇಂಡಿಯಾ ಕಾರ್ಯಕ್ರಮದ ಅಂಗವಾಗಿ ಭಾರತ ಸರ್ಕಾರ ನೀಡುತ್ತಿರುವ ಪಬ್ಲಿಕ್‌ ವೈ-ಫೈ ನೆಟ್‌ವರ್ಕ್‌ ಸ್ಥಾಪಿಸಬೇಕಿರುವ ಜಾಗಗಳನ್ನು ಗುರುತಿಸುವ ಕಾರ್ಯ ನಡೆಯುತ್ತಿದ್ದು, ಇನ್ನು 20 ರಿಂದ 25 ದಿನಗಳಲ್ಲಿ ಕಾರ್ಯ ಪೂರ್ಣಗೊಳ್ಳುತ್ತದೆ ಎಂದು ಭಾರತೀಯ ಟೆಲಿಕಾಂ ನಿಯಂತ್ರಣ ಸಂಸ್ಥೆ ಟ್ರಾಯ್ ಹೇಳಿದೆ.

ಈ ಬಗ್ಗೆ ಮಾತನಾಡಿದ ಟ್ರಾಯ್ ಅಧ್ಯಕ್ಷ ಆರ್‌ ಎಸ್‌ ಶರ್ಮಾ ಪಬ್ಲಕ್‌ ವೈ-ಫೈ ಮೂಲಕ ಕಡಿಮೆ ದರದಲ್ಲಿ ಇಂಟರ್‌ನೆಟ್‌ ಒದಗಿಸುವ ಯೋಜನೆ ಪ್ರಗತಿಯಲ್ಲಿದೆ. ಮತ್ತು ಮಹತ್ವಪೂರ್ಣವಾಗಿದೆ. ಹಾಗಾಗಿ, ನಾವು ಇನ್ನು 20 ರಿಂದ 25 ದಿನಗಳಲ್ಲಿ ವೈ-ಫೈ ನೆಟ್‌ವರ್ಕ್‌ಗಳನ್ನು ಎಲ್ಲಿ ಸ್ಥಾಪಿಸಬೇಕು ಎಂಬ ಪಟ್ಟಿಯನ್ನು ಬಿಡುಗಡೆ ಮಾಡುತ್ತೇವೆ ಎಂದು ತಿಳಿಸಿದರು.

10 ದಿವಸಗಳಲ್ಲಿಯೇ 1 ಕೋಟಿ ಡೌನ್‌ಲೋಡ್!.. ಭೀಮ್ ದಾಖಲೆ! ಮೋದಿ ಹೇಳಿದ್ದೇನು?

ಭಾರಿ ಕಡಿಮೆ ದರದಲ್ಲಿ ಸರ್ಕಾರವೇ ವೈ-ಫೈ ನೆಟ್‌ವರ್ಕ್‌ ಹಾಟ್‌ಸ್ಪಾಟ್‌ಗಳನ್ನು ನೀಡುತ್ತಿದ್ದು, ಪ್ರಸ್ತುತ ಅಂತರ್ಜಾಲಕ್ಕೆ ತಗುಲುವ ವೆಚ್ಚಕ್ಕಿಂತ ಶೇ 90 % ಪರ್ಸೆಂಟ್‌ ಡಿಸ್ಕೌಂಟ್‌ನಲ್ಲಿ ಇಂಟರ್‌ನೆಟ್‌ ನೀಡುವುದಾಗಿ ಸರ್ಕಾರ ಹೇಳಿದೆ. ಈ ವೈ-ಫೈ ನೆಟ್‌ವರ್ಕ್‌ ಸ್ಥಾಪಿಸಬೇಕಿರುವ ಕಾರ್ಯ ಸರ್ಕಾರದ ಅಂಗಸಂಸ್ಥೆ ಟ್ರಾಯ್‌ ಹೊಣೆಗಾರಿಕೆಯಾಗಿದೆ.

ಡಿಜಿಟಲ್ ಇಂಡಿಯಾದ ಮುಖ್ಯ ಗುರಿ, ಎಲ್ಲಾ ವ್ಯವಹಾರವನ್ನು ಹೆಚ್ಚಿಸುವುದಾಗಿದೆ. ಹಾಗಾಗಿ, ಕಡಿಮೆ ದರದಲ್ಲಿ ಇಂಟರ್‌ನೆಟ್ ನೀಡುವ ಸೌಲಭ್ಯವನ್ನು ಒದಗಿಸಲಾಗುತ್ತಿದೆ ಎಂದು ಶರ್ಮಾ ಅವರು ತಿಳಿಸಿದ್ದಾರೆ.ಇನ್ನು ಸಂಪೂಣ ಉಚಿತ ವೈ-ಫೈ ನೀಡುವ ಬಗ್ಗೆಯೂ ಮಾತನಾಡಿದ ಅವರು, ಪೂರ್ಣ ಪ್ರಮಾಣದ ಉಚಿತ ಇಂಟರ್‌ನೆಟ್‌ ಸೌಲಭ್ಯ ನೀಡುವುದು ಸಮಂಜಸವಲ್ಲ, ಹಾಗಾಗಿ ಪ್ರಸ್ತುತ ಇಂಟರ್‌ನೆಟ್‌ ದರದಲ್ಲಿ ಕೇವಶ 10% ಮಾತ್ರ ಹಣವನ್ನು ಪಡೆಯಲಾಗುವುದು ಎಂದು ತಿಳಿಸಿದ್ದಾರೆ.