ಮೊಬೈಲ್ ನಂಬರ್ ಫೋರ್ಟ್ ಮಾಡಿಸುವ ಮುನ್ನ ಇಲ್ಲೋಮ್ಮೆ ನೋಡಿ..!

By Srinidhi

Published: Tuesday, December 19, 2017, 10:25 [IST]

ಮೊಬೈಲ್ ನಂಬರ್ ಫೋರ್ಟಬಲಿಟಿ ಇಂದಿನ ದಿನದಲ್ಲಿ ಹೆಚ್ಚಾಗುತ್ತಿದ್ದು, ಟೆಲಿಕಾಂ ಕಂಪನಿಗಳು ಒಂದಕ್ಕಿಂದ ಒಂದು ಉತ್ತಮ ಆಫರ್ ಗಳನ್ನು ಲಾಂಚ್ ಮಾಡುತ್ತಿರುವ ಹಿನ್ನಲೆಯಲ್ಲ ಗ್ರಾಹಕರು ಸಹ ಒಂದರಿಂದ ಮತ್ತೊಂದು ಕಂಪನಿಗೆ ವಲಸೆ ಹೋಗುತ್ತಿರುವುದನ್ನು ನಾವು ಕಾಣಬಹುದಾಗಿದೆ. ಈ ಹಿನ್ನಲೆಯಲ್ಲಿ ಪೋರ್ಟ್ ಆಗುವ ಸಂದರ್ಭದಲ್ಲಿ ಕಂಪನಿಗಳು ಗ್ರಾಹಕರಿಗೆ ಹೆಚ್ಚಿನ ದರಗಳನ್ನು ವಿಧಿಸುತ್ತಿದೆ.

ಮೊಬೈಲ್ ನಂಬರ್ ಫೋರ್ಟ್ ಮಾಡಿಸುವ ಮುನ್ನ ಇಲ್ಲೋಮ್ಮೆ ನೋಡಿ..!

ಓದಿರಿ: ಜಿಯೋ ಕ್ರಿಸ್‌ಮಸ್ ಗಿಫ್ಟ್: ಮಿಲಿಯನ್ ಬಳಕೆದಾರರಿಗೆ ಹೊಸ ಸೇವೆ.!

ಆದರೆ ಇದಕ್ಕೆ ಕಡಿವಾಣ ಹಾಕಲು ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಮುಂದಾಗಿದ್ದು, ಟೆಲಿಕಾಂ ಬಳಕೆದಾರರಿಗೆ ಸಹಾಯವಾಗುವಂತೆ ಪೋರ್ಟಬಲಿಟಿ ದರವನ್ನು ಶೇ.80% ರಷ್ಟು ಕಡಿಮೆ ಮಾಡಲು ಮುಂದಾಗಿದೆ ಈ ಮೂಲಕ ಗ್ರಾಹಕರಿಗೆ ಹೆಚ್ಚಿನ ಲಾಭವನ್ನು ಮಾಡಿಕೊಡಲಿದೆ ಮತ್ತು ಆಯ್ಕೆಯ ಸ್ವಾತಂತ್ರವನ್ನು ಹೆಚ್ಚು ಮಾಡಲಿದೆ.

ಪ್ರಸ್ತುತ ದರಗಳು:

ಸದ್ಯ ಟೆಲಿಕಾಂ ಕಂಪನಿಗಳು ಮೊಬೈಲ್ ನಂಬರ್ ಪೋರ್ಟಬಲಿಟಿ ಸಂದರ್ಭದಲ್ಲಿ ರೂ.19 ದರವನ್ನು ವಿಧಿಸುತ್ತಿದ್ದು, ಇದನ್ನು ರೂ.4ಕ್ಕೆ ಇಳಿಸಲು ಟ್ರಾಯ್ ಮುಂದಾಗಿದೆ. ಈ ಮೂಲಕ ಗ್ರಾಹಕರ ಮೇಲಿನ ಹೊರೆಯನ್ನು ಕಡಿಮೆ ಮಾಡುವ ಪ್ರಯತ್ನವನ್ನು ಮಾಡುತ್ತಿದೆ ಎನ್ನಲಾಗಿದೆ. ಇದಕ್ಕಿಂತ ಹೆಚ್ಚಿನ ದರವನ್ನು ವಿಧಿಸುವಂತಿಲ್ಲ ಎನ್ನಲಾಗಿದೆ.

ಹೆಚ್ಚಾಗುತ್ತಿದೆ MNP:

ವರ್ಷದಿಂದ ವರ್ಷಕ್ಕೆ ಮಾರುಕಟ್ಟೆಯಲ್ಲಿ MNP ಹೆಚ್ಚಾಗುತ್ತಿದ್ದು, 2014-15ರಲ್ಲಿ 3.68 ಕೋಟಿ MNP ರಿಕ್ವೇಸ್ಟ್ ಬಂದಿದ್ದು, ಇದೇ 2016-17ರಲ್ಲಿ ದ್ವಿಗುಣವಾಗಿದ್ದು, 6.36 ಕೋಟಿ MNP ರಿಕ್ಚೇಸ್ಟ್ ಅನ್ನು ಸ್ವೀಕರಿಸಲಾಗಿದೆ ಎಂದು ಟ್ರಾಯ್ ತಿಳಿಸಿದೆ.

ಜಿಯೋ ಸಹಾಯಕ್ಕಾಗಿ:

ಈಗಾಗಲೇ ಹೆಚ್ಚು ಮಂದಿ ಜಿಯೋ ಕಡೆಗೆ ತಮ್ಮ ಒಲವು ತೋರಿಸಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ಸಹಾಯಕ್ಕಾಗಿ ಟ್ರಾಯ್ ಈ ಕಾರ್ಯಕ್ಕೆ ಮುಂದಾಗಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ. ಇದರಿಂದಾಗಿ ಬೇರೆ ಕಂಪನಿಗಳು ಗ್ರಾಹಕರನ್ನು ಕಳೆದುಕೊಳ್ಳಲಿದ್ದಾರೆ.