ಫ್ಲಿಪ್‌ಕಾರ್ಟ್ ಮೆಗಾಡೀಲ್‌ನಿಂದ ನಮಗೇನು ಲಾಭ ಗೊತ್ತಾ?

ಏಕಸ್ವಾಮ್ಯದ ಸಾಧ್ಯತೆ ತಪ್ಪಿತು!!

ಈ ಮೊದಲು ಫ್ಲಿಪ್‌ಕಾರ್ಟ್ ಕಂಪನಿಯನ್ನು ಅಮೆಜಾನ್ ಖರೀದಿಸಲಿದೆ ಎಂಬ ಮಾತು ಕೇಳಿ ಬರುತ್ತಿತ್ತು. ಒಂದು ವೇಳೆ ಅದು ನಿಜವಾಗಿದ್ದರೆ ದೇಶದ ಇ-ಕಾಮರ್ಸ್ ವಲಯದಲ್ಲಿ ಸ್ಪರ್ಧೆಯೇ ಇರುತ್ತಿರಲಿಲ್ಲ. ಅಮೆಜಾನ್ ಹೇಳಿದ್ದೇ ನಿಯಮ, ನಿಗದಿಪಡಿಸಿದ್ದೇ ದರ ಎನ್ನುವ ಪರಿಸ್ಥಿತಿ ಎದುರಾಗುವ ಅಪಾಯವಿತ್ತು. ಆದರೆ, ವಾಲ್‌ಮಾರ್ಟ್ ಪ್ರವೇಶದೊಂದಿಗೆ ಭಾರತದ ಇ-ಕಾಮರ್ಸ್ ಕ್ಷೇತ್ರದಲ್ಲಿ ಏಕಸ್ವಾಮ್ಯದ ಸಾಧ್ಯತೆ ತಪ್ಪಿದಂತೆ ಆಗಿದೆ.!!

ಗ್ರಾಹಕರಿಗೆ ಲಾಭವಾಗಲಿದೆಯೇ?

ತಯಾವುದೇ ಎರಡು ಅಥವಾ ಅದಕ್ಕಿಂತ ಹೆಚ್ಚಿನ ಕಂಪನಿಗಳ ನಡುವೆ ಸ್ಪರ್ಧೆ ಹೆಚ್ಚಾದಂತೆ ಆ ವಲಯದ ಗ್ರಾಹಕರಿಗೆ ಸಿಗುವ ರಿಯಾಯ್ತಿ ಸಹ ಹೆಚ್ಚಾಗುತ್ತದೆ. ವಾಲ್‌ಮಾರ್ಟ್‌ಮೂಲಕ ವಿವಿಧ ದೇಶಗಳ ಉತ್ಪನ್ನಗಳು ಕಡಿಮೆ ಬೆಲೆಗೆ ಭಾರತಕ್ಕೆ ಬರಲಿವೆ ಎಂಬ ನಿರೀಕ್ಷೆ ಇದೆ. ವಾಲ್‌ಮಾರ್ಟ್ ತನ್ನ ಎಲ್ಲ ನೂತನ ಗ್ರಾಹಕರಿಗೂ ವಿವಿಧ ರೀತಿಯ ಸೇವೆಗಳನ್ನು ನೀಡುವ ಗುರಿಯನ್ನು ಇಟ್ಟುಕೊಂಡಿದೆ. ಏಕೆಂದರೆ, ವಾಲ್‌ಮಾರ್ಟ್ ಗುರಿ ಅಮೆಜಾನ್ ಅನ್ನು ಮಣಿಸುವುದು.!!

ಉದ್ಯೋಗಾವಕಾಶ ಸೃಷ್ಟಿ!!

ಭಾರತದ ಮಾರುಕಟ್ಟೆಗೆ ವಾಲ್‌ಮಾರ್ಟ್ ರಂಗಪ್ರವೇಶ ಮಾಡಿರುವುದರಿಂದ ಭಾರತದಲ್ಲಿ ಬಂಡವಾಳ ಹೂಡಿಕೆ ಪ್ರಮಾಣ ಕೂಡ ಮತ್ತಷ್ಟು ಹೆಚ್ಚಾಗಲಿದೆ. ಎರಡು ದೈತ್ಯ ಕಂಪನಿಗಳ ಪೈಪೋಟಿಯು ಪೂರೈಕೆ ಸರಣಿಗಳ ಜೊತೆಗೆ ದೊಡ್ಡ ಮಟ್ಟದ ಉದ್ಯೋಗಾವಕಾಶ ಸೃಷ್ಟಿಗೂ ಕಾರಣವಾಗಲಿದೆ. ಮಾರುಕಟ್ಟೆ ಸ್ವಾಮ್ಯಕ್ಕಾಗಿ ನಡೆಯಲಿರುವ ಹೋರಾಟದಲ್ಲಿ ಸಹಜವಾಗಿಯೇ ಉದ್ಯೋಗಗಳು ಹುಟ್ಟಿಕೊಳ್ಳುತ್ತವೆ!!

ಮತ್ತಷ್ಟು ರಿಯಾಯ್ತಿಗಳು!!

ಭಾರತದ ಇ-ಕಾಮರ್ಸ್ ವಲಯದಲ್ಲಿ ಫ್ಲಿಪ್‌ಕಾರ್ಟ್ ಅಮತ್ತು ಅಮೆಜಾನ್ ಕಂಪೆನಿಗಳು ನಿಡುತ್ತಿದ್ದ ಬಿಗ್ ಬಿಲಿಯನ್ ಸೇಲ್ಸ್ ನಂತಹ ಕೊಡುಗೆಗಳಿಗೆ ಭಾರತದ ಗ್ರಾಹಕರು ಹೊಂದಿಕೊಂಡಿದ್ದಾರೆ. ಹಾಗಾಗಿ, ಇಂಥ ಆಫರ್‌ಗಳನ್ನು ಇನ್ನು ಮುಂದೆ ಇನ್ನೂ ಹೆಚ್ಚಾಗಿ ನಿರೀಕ್ಷಿಸಬಹುದು., ಏಕೆಂದರೆ, ಉತ್ಪನ್ನಗಳನ್ನು ಮಾರುವಂತೆ ವ್ಯಾಪಾರಿಗಳನ್ನು ಮತ್ತು ಕೊಳ್ಳುವಂತೆ ಗ್ರಾಹಕರನ್ನು ಎರಡೂ ಕಂಪನಿಗಳು ಓಲೈಸುವುದು ಸಹಜ. ಹೀಗಾಗಿ ಎರಡೂ ಕಂಪನಿಗಳು ಹೆಚ್ಚು ರಿಯಾಯ್ತಿಗಳನ್ನು ಘೋಷಿಸುವ ಸಾಧ್ಯತೆ ಇದೆ.

ಭಾರತದ ಇ–ಕಾಮರ್ಸ್!!

ಭಾರತದ ಇಂಟರ್ನೆಟ್ ಬಳಕೆದಾರರ ಸಂಖ್ಯೆ 45 ಕೋಟಿ ಇದ್ದು, ಇದರಲ್ಲಿ ಕೇವಲ 14ರಷ್ಟು ಮಂದಿ ಮಾತ್ರ ವಸ್ತುಗಳನ್ನು ಖರೀದಿಸುತ್ತಿದ್ದಾರೆ. 2020ರ ವೇಳೆಗೆ ಭಾರತದ ಒಟ್ಟು ಜನಸಂಖ್ಯೆಯಲ್ಲಿ ಯುವಜನರ ಸಂಖ್ಯೆ ಶೇ 50ರಷ್ಟಾಗುತ್ತದೆ ಎಂದು ಅಂದಾಜಿಸಲಾಗಿದೆ. ಹಾಗಾಗಿಯೇ, ಹೊಸ ತಲೆಮಾರು ಇ-ಕಾಮರ್ಸ್‌ಗೆ ಒಲಿಯಲಿದೆ ಎಂಬ ನಿರೀಕ್ಷೆಯನ್ನು ದೊಡ್ಡ ಕಂಪನಿಗಳು ಹೊಂದಿವೆ. ವಾಲ್‌ಮಾರ್ಟ್ ಅಷ್ಟುದೊಡ್ಡ ಮೊತ್ತಕ್ಕೆ ಫ್ಲಿಪ್‌ಕಾರ್ಟ್ ಖರೀದಿಸಲು ಇರುವ ಅನೇಕ ಕಾರಣಗಳ ಪೈಕಿ ಇದೂ ಕೂಡ ಒಂದು!!