ಶಿಯೋಮಿಯಿಂದ ಹೊಸ ಸ್ಮಾರ್ಟ್‌ಟಿವಿ ಲಾಂಚ್‌! ಮಲ್ಟಿ ಪಾರ್ಟಿಶನ್‌ ಬ್ಯಾಕ್‌ಲೈಟಿಂಗ್‌ ವಿಶೇ‍ಷ!

ಹೌದು, ಶಿಯೋಮಿ ಕಂಪೆನಿ ಹೊಸ ಮಿ ಟಿವಿ ES70 ಬಿಡುಗಡೆ ಮಾಡಿದೆ. ಇದು ಮೀಡಿಯಾಟೆಕ್‌ MT9638 A55 ಕ್ವಾಡ್-ಕೋರ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಸ್ಮಾರ್ಟ್‌ಟಿವಿ ಡ್ಯುಯಲ್‌ ಬ್ಯಾಂಡ್‌ 2,4GHz/5GHz Wi-Fi ಅನ್ನು ಬೆಂಬಲಿಸುತ್ತದೆ ಮತ್ತು ಡಾಲ್ಬಿ ಮತ್ತು DTS ಡ್ಯುಯಲ್ ಡಿಕೋಡಿಂಗ್ ಅನ್ನು ಬೆಂಬಲಿಸುತ್ತದೆ. ಇದಲ್ಲದೆ ಡ್ಯುಯಲ್ ಏರ್ ಡಕ್ಟ್ ವಿನ್ಯಾಸವನ್ನು ಹೊಂದಿದೆ. ಇನ್ನುಳಿದಂತೆ ಈ ಸ್ಮಾರ್ಟ್‌ಟಿವಿ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಶಿಯೋಮಿ ಮಿ ಟಿವಿ ES70 ಸ್ಮಾರ್ಟ್‌ಟಿವಿ 70 ಇಂಚಿನ 4K ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 3840 x 2160 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಪಡೆದುಕೊಂಡಿದೆ. ಇನ್ನು ಡಿಸ್‌ಪ್ಲೇ ನ 97.8% ಸ್ಕ್ರೀನ್ ಟು ಬಾಡಿ ಅನುಪಾತವನ್ನು ಒಳಗೊಂಡಿದೆ. ಇದು ಯೋಗ್ಯವಾದ ವೃತ್ತಿಪರ ಪ್ರದರ್ಶನ-ಮಟ್ಟದ ಬಣ್ಣದ ನಿಖರತೆ ಮತ್ತು DCI-P3 94% ವೈಡ್ ಕಲರ್ ಗ್ಯಾಮಟ್ ಅನ್ನು ನೀಡಲಿದೆ. ಜೊತೆಗೆ ಈ ಸ್ಮಾರ್ಟ್‌ಟಿವಿ 1.07 ಶತಕೋಟಿ ಕಲರ್‌ ಡಿಸ್‌ಪ್ಲೇ ಮತ್ತು MEMC ಮೋಷನ್‌ ಸಂಪ್ಲಿಮೆಂಟರಿ ಫ್ರೇಮ್ ಅನ್ನು ಬೆಂಬಲಿಸುತ್ತದೆ.

ಇನ್ನು ಈ ಸ್ಮಾರ್ಟ್‌ಟಿವಿಯ ವಿಶೇಷತೆ ಎಂದರೆ ಮಲ್ಟಿ ಪಾರ್ಟಿಶನ್‌ ಬ್ಯಾಕ್‌ಲೈಟ್‌ ಟೆಕ್ನಾಲಜಿಯನ್ನು ಹೊಂದಿರುವುದು. ಇದು 700 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ನೀಡಲಿದ್ದು, 4,096-ಲೆವೆಲ್‌ ಡಿಮ್ಮಿಂಗ್‌ ಅನ್ನು ಬೆಂಬಲಿಸುತ್ತದೆ. ಜೊತೆಗೆ ಇದರ ಎಂಬೆಡೆಡ್ ಸೂಪರ್-ರೆಸಲ್ಯೂಶನ್ ಅಲ್ಗಾರಿದಮ್ ಇಮೇಜ್‌ ಅನ್ನು ರಿಯಲ್‌ ಟೈಂನಲ್ಲಿ ವಿಶ್ಲೇಷಿಸಲು ಮತ್ತು ನಾಯ್ಸ್‌ ಅನ್ನು ಕಡಿಮೆ ಮಾಡಲು ಸಹಾಯ ಮಾಡಲಿದೆ. ಇದಲ್ಲದೆ ಲೋ-ರೆಸಲ್ಯೂಶನ್ ಚಲನಚಿತ್ರವನ್ನು ನೋಡುವಾಗಲೂ ಈ ಸ್ಮಾರ್ಟ್‌ಟಿವಿ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ.

ಶಿಯೋಮಿ ಮಿ ಟಿವಿ ES70 ಸ್ಮಾರ್ಟ್‌ಟಿವಿ ಮೀಡಿಯಾಟೆಕ್‌ MT9638 A55 ಕ್ವಾಡ್-ಕೋರ್ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದು 2GB+32GB ಇಂಟರ್‌ ಸ್ಟೋರೇಜ್‌ ಅನ್ನು ಒಳಗೊಂಡಿದೆ. ಇನ್ನು ಸ್ಮಾರ್ಟ್‌ಟಿವಿಯಲ್ಲಿ ಶಿಯೋ Ai ಅನ್ನು ಬಳಸಿಕೊಂಡು ಲಾಂಗ್‌-ಫಿಲ್ಡ್‌ ವಾಯ್ಸ್‌ ಕಂಟ್ರೋಲ್‌ ಅನ್ನು ಸಹ ಬೆಂಬಲಿಸಲಾಗುತ್ತದೆ. ಇದನ್ನು ಶಿಯೋಮಿ ಸ್ಮಾರ್ಟ್ ಇಕೋಸಿಸ್ಟಮ್‌ಗೆ ಲಿಂಕ್ ಮಾಡಬಹುದು. ಜೊತೆಗೆ ಸ್ಕ್ರೀನ್ ಪ್ರೊಜೆಕ್ಷನ್‌ಗಾಗಿ ಆಂಡ್ರಾಯ್ಡ್‌, iOS, ವಿಂಡೋಸ್‌ ಮತ್ತು ಮ್ಯಾಕ್‌ನೊಂದಿಗೆ ಹೊಂದಿಕೊಳ್ಳುತ್ತದೆ.

ಇನ್ನು ಈ ಸ್ಮಾರ್ಟ್‌ಟಿವಿ ಡ್ಯುಯಲ್-ಬ್ಯಾಂಡ್ 2,4GHz/5GHz Wi-Fi ಅನ್ನು ಬೆಂಬಲಿಸುತ್ತದೆ. ಅಲ್ಲದೆ ಡಾಲ್ಬಿ ಮತ್ತು DTS ಡ್ಯುಯಲ್ ಡಿಕೋಡಿಂಗ್ ಅನ್ನು ಬೆಂಬಲಿಸುತ್ತದೆ. ಇದು ಎರಡು 12.5W ಹೈ-ಪವರ್ ಆಡಿಯೊ ಸಿಸ್ಟಮ್‌ಗಳೊಂದಿಗೆ ಡ್ಯುಯಲ್ ಏರ್ ಡಕ್ಟ್ ವಿನ್ಯಾಸವನ್ನು ಕೂಡ ಒಳಗೊಂಡಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಮೂರು HDMI ಇಂಟರ್‌ಫೇಸ್‌ಗಳು, ಎರಡು USB ಪೋರ್ಟ್‌ಗಳು, AV ಇನ್‌ಪುಟ್, ನೆಟ್‌ವರ್ಕ್ ಪೋರ್ಟ್ ಮತ್ತು ಆಂಟೆನಾ ಇಂಟರ್‌ಫೇಸ್ ಅನ್ನು ಹೊಂದಿದೆ.

ಪ್ರಸ್ತುತ ಈ ಸ್ಮಾರ್ಟ್‌ಟಿವಿ ಚೀನಾದಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಇದು ಚೀನಾದಲ್ಲಿ 4,499 ಯುವಾನ್ (ಅಂದಾಜು 51,046ರೂ) ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ. ಈ ಸ್ಮಾರ್ಟ್‌ಟಿವಿ ಭಾರತದ ಮಾರುಕಟ್ಟೆಗೆ ಎಂಟ್ರಿ ನೀಡುವ ಬಗ್ಗೆ ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.