ಶೀಘ್ರದಲ್ಲೇ ಲಭ್ಯವಾಗಲಿದೆ ಯುಟ್ಯೂಬ್‌ನಿಂದ ಶಾಪಿಂಗ್‌ ಮಾಡುವ ಅವಕಾಶ!

ಹೌದು, ಯುಟ್ಯೂಬ್‌ ತನ್ನ ವೀಡಿಯೋಗಳಲ್ಲಿ ತೋರಿಸಲಾದ ಉತ್ಪನ್ನಗಳನ್ನು ನೇರವಾಗಿ ಯುಟ್ಯೂಬ್‌ನಿಂದಲೇ ಖರೀದಿಸುವ ಅವಕಾಶವನ್ನು ನೀಡಲು ಮುಂದಾಗಿದೆ. ಈ ಕ್ರಮದಿಂದಾಗಿ "ಯೂಟ್ಯೂಬ್‌ನ ಹೆಚ್ಚಿನ ವೀಡಿಯೊಗಳನ್ನು ವೀಕ್ಷಕರು ಗಮನಿಸಬಹುದಾದ, ಕ್ಲಿಕ್ ಮಾಡುವ ಮತ್ತು ನೇರವಾಗಿ ಖರೀದಿಸುವಂತಹ ವಸ್ತುಗಳ ವಿಶಾಲ ಕ್ಯಾಟಲಾಗ್ ಆಗಿ ಪರಿವರ್ತಿಸುವ ಗುರಿಯನ್ನು ಹೊಂದಿದೆ" ಎಂದು ಹೇಳಲಾಗಿದೆ. ಇನ್ನುಳಿದಂತೆ ಈ ಫೀಚರ್ಸ್‌ನ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಯೂಟ್ಯೂಬ್ ವೀಡಿಯೊಗಳಲ್ಲಿ ಕಾಣಿಸಿಕೊಂಡ ಉತ್ಪನ್ನಗಳನ್ನು ಸುಲಭವಾಗಿ ಕಂಡುಹಿಡಿಯಲು ಮತ್ತು ಖರೀದಿಸಲು ಜನರಿಗೆ ನಾವು ಹೊಸ ಮಾರ್ಗವನ್ನು ಪರೀಕ್ಷಿಸುತ್ತಿದ್ದೇವೆ ಎಂದು ಯೂಟ್ಯೂಬ್ ಬೆಂಬಲ ಪುಟದಲ್ಲಿ ತಿಳಿಸಿದೆ. ಕಂಪನಿಯು ಸೀಮಿತ ಸಂಖ್ಯೆಯ ಕ್ರಿಯೆಟರ್ಸ್‌ಗಳ ಜೊತೆಗೆ ಈ ಫೀಚರ್ಸ್‌ ಅನ್ನು ಪ್ರಾಯೋಗಿಕವಾಗಿ ನಡೆಸುತ್ತಿದೆ. ಅದರಲ್ಲಿ ಅವರು ಕೆಲವು ಉತ್ಪನ್ನಗಳನ್ನು ತಮ್ಮ ವೀಡಿಯೊಗಳಿಗೆ ಸೇರಿಸಬಹುದು. ವೀಡಿಯೊದ ಕೆಳಗಿನ ಎಡ ಮೂಲೆಯಲ್ಲಿ ಶಾಪಿಂಗ್ ಬ್ಯಾಗ್ ಐಕಾನ್ ಅನ್ನು ಸೇರಿಸಲಾಗುತ್ತದೆ ಎನ್ನಲಾಗಿದೆ.

ಇನ್ನು ಈ ಫೀಚರ್ಸ್‌ ಅನ್ನು ವೀಕ್ಷಕರು ವೈಶಿಷ್ಟ್ಯಗೊಳಿಸಿದ ಉತ್ಪನ್ನಗಳ ಪಟ್ಟಿಯನ್ನು ನೋಡಲು ಕ್ಲಿಕ್ ಮಾಡಬಹುದು ಮತ್ತು ಸಂಬಂಧಿತ ವೀಡಿಯೊಗಳು ಮತ್ತು ಖರೀದಿ ಆಯ್ಕೆಗಳು ಸೇರಿದಂತೆ ಪ್ರತಿಯೊಂದು ಉತ್ಪನ್ನದ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಅನ್ವೇಷಿಸಬಹುದು. ಐಒಎಸ್, ಆಂಡ್ರಾಯ್ಡ್ ಮತ್ತು ಡೆಸ್ಕ್‌ಟಾಪ್‌ ಗಳಲ್ಲಿ ಯುಎಸ್‌ನಲ್ಲಿ ಬಳಕೆದಾರರಿಗೆ ಈ ಫೀಚರ್ಸ್‌ ಲೈವ್ ಆಗಿದೆ. ಈ ಬೆಳವಣಿಗೆ ಗೂಗಲ್ ಇ-ಕಾಮರ್ಸ್ ಜಾಗದಲ್ಲಿ ದೊಡ್ಡದಾಗಲು ಬಯಸಿದೆ ಎಂದು ಸೂಚಿಸುತ್ತದೆ. ಇದು ಅಮೆಜಾನ್ ನಂತಹ ದೊಡ್ಡ ಪ್ಲಾಟ್‌ಫಾರ್ಮ್‌ಗಳಿಗೆ ಪ್ರತಿಸ್ಪರ್ಧಿಯಾಗಬಹುದು.

ಇದರೊಂದಿಗೆ ಕಳೆದ ವಾರ, ಗೂಗಲ್ ಗೂಗಲ್ ಸರ್ಚ್‌ನಲ್ಲಿ ಶಾಪಿಂಗ್ ಅನುಭವವನ್ನು ಅಪ್ಡೇಟ್‌ ಅನ್ನು ಮಾಡಿದೆ. ಇದರಲ್ಲಿ ಬಳಕೆದಾರರು ಬಟ್ಟೆ ಅಥವಾ ಬೂಟುಗಳಂತಹ ಉತ್ಪನ್ನಗಳನ್ನು ಹುಡುಕಿದಾಗ ಜಾಗತಿಕವಾಗಿ ಅಂಗಡಿಗಳಿಂದ ಹೆಚ್ಚು ಜನಪ್ರಿಯ ಉತ್ಪನ್ನಗಳನ್ನು ಒಳಗೊಂಡಿರುವ ಹೊಸ ವಿಭಾಗವು ಕಾಣಿಸುತ್ತದೆ. ನವೀಕರಣಕ್ಕೆ ಮೊದಲು, ಉತ್ಪನ್ನವನ್ನು ಹುಡುಕಲು ಪ್ರಯತ್ನಿಸುವಾಗ ಹುಡುಕಾಟ ಫಲಿತಾಂಶಗಳು ವಿಭಿನ್ನ ಉತ್ಪನ್ನಗಳು ಮತ್ತು ಅಂಗಡಿಗಳಿಗೆ ಲಿಂಕ್‌ಗಳನ್ನು ಮಾತ್ರ ತೋರಿಸುತ್ತವೆ. ನವೀಕರಣವು ಮೊಬೈಲ್ ಬಳಕೆದಾರರಿಗೆ ಮಾತ್ರ ಲಭ್ಯವಿರುತ್ತದೆ ಎಂಬುದನ್ನು ಗಮನಿಸಬಹುದಾಗಿದೆ..