ಇಂಟರ್‌ನೆಟ್‌ ಬಳಕೆದಾರರಿಗೆ ಗೌಪ್ಯತೆ ಹಾಗೂ ಸುರಕ್ಷತೆ ದೊಡ್ಡ ಸಮಸ್ಯೆಯಾಗಿದೆ. ಈ ಸಮಸ್ಯೆಗೆ ಪರಿಹಾರವಾಗಗಿ ಬ್ರೇವ್ ಸಾಫ್ಟ್‌ವೇರ್, ಬ್ರೇವ್ ಎಂಬ ಹೊಸ ವೆಬ್ ಬ್ರೌಸರ್‌ನ್ನು ಬಿಡುಗಡೆಗೊಳಿಸಿದೆ. ಈ ಬ್ರೌಸರ್ ಸದ್ಯ ವಿಂಡೋಸ್, ಮ್ಯಾಕ್‌ ಒಎಸ್‌, ಲಿನಕ್ಸ್, ಆಂಡ್ರಾಯ್ಡ್ ಮತ್ತು ಐಒಎಸ್‌ನಲ್ಲಿ ಉಚಿತವಾಗಿ ಲಭ್ಯವಿದ್ದು, ಡೌನಲೋಡ್‌ ಮಾಡಿಕೊಳ್ಳಬಹುದು.
ಬ್ರೇವ್ ಬ್ರೌಸರ್ ಇನ್‌-ಬ್ಯುಲ್ಟ್ ಆಡ್‌ ಬ್ಲಾಕರ್‌ನೊಂದಿಗೆ ಬರುತ್ತಿದ್ದು, ವೆಬ್‌ಸೈಟ್‌ಗಳು ನಿಮ್ಮನ್ನು ಟ್ರ್ಯಾಕ್ ಮಾಡುವುದನ್ನು ಈ ಬ್ರೌಸರ್‌ನಿಂದ ತಡೆಯಬಹುದು. ಬಳಕೆದಾರರ ಬ್ರೌಸಿಂಗ್ ಡೇಟಾ ಸಂಗ್ರಹಿಸುವುದಿಲ್ಲ ಮತ್ತು ಡೇಟಾವನ್ನು ಥರ್ಡ್‌ ಪಾರ್ಟಿಗಳಿಗೆ ಮಾರಾಟ ಮಾಡಲ್ಲ ಎಂದು ಬ್ರೇವ್ ಸಾಫ್ಟ್‌ವೇರ್ ಹೇಳಿದೆ. ಪ್ರತಿ ಸೈಟ್ ಆಧಾರಿತ ಸುರಕ್ಷತೆಯನ್ನು ಕಸ್ಟಮೈಸ್ ಮಾಡಲು ಬಳಕೆದಾರರಿಗೆ ಬ್ರೌಸರ್ ಆಯ್ಕೆಗಳನ್ನು ನೀಡುತ್ತದೆ. ಬ್ರೌಸರ್‌ನಿಂದ ಎಷ್ಟು ಜಾಹೀರಾತುಗಳು ಮತ್ತು ಟ್ರ್ಯಾಕರ್‌ಗಳನ್ನು ನಿರ್ಬಂಧಿಸಲಾಗಿದೆ ಎಂಬುದನ್ನು ತೋರಿಸುವ ಡ್ಯಾಶ್‌ಬೋರ್ಡ್ ಕೂಡ ನಿಮಗೆ ಲಭ್ಯವಿದೆ.
ಫಿಶಿಂಗ್, ಮಾಲ್‌ವೇರ್ ಮತ್ತು ಮಾಲ್ವರ್ಟೈಸಿಂಗ್ ಅನ್ನು ನಿರ್ಬಂಧಿಸುವ ಡೀಫಾಲ್ಟ್ ಸೆಟ್ಟಿಂಗ್‌ಗಳನ್ನು ಹೊಂದಿದ್ದು ವಿಶ್ವಾಸದಿಂದ ಕಂಟೆಂಟ್‌ ಬ್ರೌಸ್ ಮಾಡಬಹುದು. ಅಲ್ಲದೆ, ಸುರಕ್ಷತೆಗೆ ಅಪಾಯವನ್ನೊಡ್ಡುವ ಪ್ಲಗ್‌ಇನ್‌ಗಳನ್ನು ಪೂರ್ವನಿಯೋಜಿತವಾಗಿ ನಿಷ್ಕ್ರಿಯಗೊಳಿಸಲಾಗುತ್ತದೆ. ಪ್ರಸ್ತುತ ಬೀಟಾ ಆವೃತ್ತಿಯಲ್ಲಿರುವ ಬ್ರೇವ್ ಸಿಂಕ್.ನಲ್ಲಿ ನಿಮ್ಮ ಆದ್ಯತೆಯ ಸೆಟ್ಟಿಂಗ್‌ಗಳು ಮತ್ತು ಬುಕ್‌ಮಾರ್ಕ್‌ಗಳನ್ನು ಎನ್‌ಕ್ರಿಪ್ಟ್ ಮತ್ತು ಸಿಂಕ್ರೊನೈಸ್ ಮಾಡಿ ಸಕ್ರಿಯಗೊಳಿಸಬಹುದು. ಆದಾಗ್ಯೂ, ನಿಮ್ಮ ಡೇಟಾ ಡೀಕ್ರಿಪ್ಟ್ ಮಾಡಲು ಯಾವುದೇ ಕೀಲಿಗಳನ್ನು ಬ್ರೇವ್ ಹೊಂದಿಲ್ಲ ಎಂದು ಕಂಪನಿ ಹೇಳಿದೆ.
ಸುರಕ್ಷತೆಯ ಹೊರತಾಗಿ, ಗೂಗಲ್ ಕ್ರೋಮ್ ಮತ್ತು ಮೊಜಿಲ್ಲಾ ಫೈರ್‌ಫಾಕ್ಸ್‌ಗಿಂತ 3x ರಿಂದ 6x ವೇಗದ ಸರ್ಫಿಂಗ್ ಅನುಭವದ ಭರವಸೆಯನ್ನು ಬ್ರೇವ್ ಬ್ರೌಸರ್ ನೀಡುತ್ತದೆ. ಕಂಪನಿಯು ತನ್ನ ವೆಬ್‌ಸೈಟ್‌ನಲ್ಲಿ ಈ ಮೂರು ಬ್ರೌಸರ್‌ಗಳಲ್ಲಿನ ಬ್ರೌಸಿಂಗ್ ವೇಗದ ಹೋಲಿಕೆ ವಿಡಿಯೋವನ್ನು ಸಹ ಪೋಸ್ಟ್ ಮಾಡಿದೆ.
ನಿಮ್ಮ ಹಳೆಯ ಬ್ರೌಸರ್‌ನಿಂದ ನಿಮ್ಮ ಸೆಟ್ಟಿಂಗ್‌ಗಳನ್ನು ಆಮದು ಮಾಡಿಕೊಳ್ಳಬಹುದಾಗಿದ್ದು, ಡೀಫಾಲ್ಟ್ ಸರ್ಚ್ ಎಂಜಿನ್, ವಿಸ್ತರಣೆಗಳು ಮತ್ತು ಪ್ಲಗ್‌ಇನ್‌ಗಳು, URLಗಳು, ಪಿನ್ ಮಾಡಿದ ಟ್ಯಾಬ್‌ಗಳು ಮತ್ತು ಹೆಚ್ಚಿನದನ್ನು ಇಂಪಾರ್ಟ್‌ ಮಾಡಿಕೊಳ್ಳಬಹುದಾಗಿದೆ.
ಬ್ರೇವ್ ಒಂದು ಯೋಜನೆಯನ್ನು ಕೂಡ ಪ್ರಾರಂಭಿಸಿದ್ದು, ಇದರಡಿಯಲ್ಲಿ ಬಳಕೆದಾರರು ರಚನೆಕಾರರಿಗೆ ಸಲಹೆ ನೀಡಬಹುದು ಹಾಗೂ ಮಾಸಿಕ ವೆಬ್‌ಸೈಟ್‌ಗಳಿಗೆ ಕೊಡುಗೆಯನ್ನು ನೀಡಬಹುದು. ಬ್ರೇವ್ ರಿವಾರ್ಡ್‌ಗಳನ್ನು ಆನ್ ಮಾಡಿ ಮತ್ತು ನೀವು ಹೆಚ್ಚಾಗಿ ಭೇಟಿ ನೀಡುವ ಸೈಟ್‌ಗಳಿಗೆ ಹಿಂತಿರುಗಬಹುದು. ಬ್ರೇವ್ ಮೂಲಕ ಗೌಪ್ಯತೆ-ಗೌರವಿಸುವ ಜಾಹೀರಾತುಗಳನ್ನು ವೀಕ್ಷಿಸಲು ಆಗಾಗ್ಗೆ ಫ್ಲೈಯರ್ ತರಹದ ಟೋಕನ್‌ಳನ್ನು (ಬಿಎಟಿ) ಸಂಪಾದಿಸಿ ಮತ್ತು ನೀವು ಇಷ್ಟಪಡುವ ವಿಷಯಕ್ಕೆ ಧನಸಹಾಯ ಮಾಡಲು ಸಹಾಯ ಮಾಡಿ ಎಂದು ಬ್ರೇವ್ ಹೇಳಿದೆ.