ಗೂಗಲ್ ಮ್ಯಾಪಿಗೂ ಶಾಕ್ ನೀಡಲಿದೆ ಬೆಂಗಳೂರು 'ಬಿಬಿಎಂಪಿ' ಮ್ಯಾಪ್!!

ಬಿಬಿಎಂಪಿ ಡಿಜಿಟಲ್ ಸಂಖ್ಯೆ!!

ನಗರದಲ್ಲಿನ ಪ್ರತಿಯೊಂದು ಮನೆಗೆ ಪ್ರತ್ಯೇಕ ಡಿಜಿಟಲ್‌ ಸಂಖ್ಯೆ ನೀಡುವ ಪ್ರಕ್ರಿಯೆಯನ್ನು ಬಿಬಿಎಂಪಿ ಆರಂಭಿಸಿದ್ದು, ಈ ಡಿಜಿಟಲ್ ಸಂಖ್ಯೆಯನ್ನು ಬೆಂಗಳೂರಿನ ಪ್ರತಿಯೊಂದು ಮನೆಗೂ ನೀಡಲಿದೆ. ಕೇವಲ ಈ ಸಂಖ್ಯೆಯ ಮೂಲಕ ಮನೆ ವಿಳಾಸ, ತೆರಿಗೆ ಪಾವತಿ ಮತ್ತು ಇನ್ನಿತರ ಎಲ್ಲಾ ಮಾಹಿತಿಯನ್ನು ಬಿಬಿಎಂಪಿ ಪಡೆಯಲಿದೆ.!!

ಬಿಬಿಎಂಪಿ ಡಿಜಿ ಆಪ್‌!!

ಡಿಜಿಟಲ್ ಸಂಖ್ಯೆಯನ್ನು ಬೆಂಗಳೂರಿನ ಪ್ರತಿಯೊಂದು ಮನೆಗೂ ನೀಡಲಿರುವ ಬಿಬಿಎಂಪಿ ಇದರ ಸಹಾಯದಿಂದಲೇ ಸಾರ್ವಜನಿಕರಿಗೂ ಸಹಾಯವಾಗುವಂತೆ ಯೋಜನೆ ರೂಪಿಸಿದ್ದು, ಅದಕ್ಕಾಗಿ ಬಿಬಿಎಂಪಿ ಡಿಜಿ ಆಪ್‌ ಪರಿಚಯಿಸಲಿದೆ.!! ಈ ಆಪ್‌ನಲ್ಲಿ ಡಿಜಿಟಲ್ ಸಂಖ್ಯೆ ಒತ್ತಿದರೆ ಆ ಸಂಖ್ಯೆಯ ಮನೆಗೆ ಮ್ಯಾಪ್ ಮೂಡಲಿದೆ !!

ಗೂಗಲ್ ಮ್ಯಾಪಿಗೂ ಸೆಡ್ಡು!!

ಬಿಬಿಎಂಪಿ ಡಿಜಿ ಆಪ್‌ನಲ್ಲಿ ಡಿಜಿಟಲ್ ಸಂಖ್ಯೆ ಒತ್ತಿದರೆ ಆ ಸಂಖ್ಯೆಯ ಮನೆಗೆ ಮ್ಯಾಪ್ ಮೂಡಲಿದ್ದು, ಈ ಆಪ್‌ನಲ್ಲಿ ಗೂಗಲ್ ಮ್ಯಾಪಿಗೂ ಸೆಡ್ಡು ಹೊಡೆಯುವಂತೆ ಮನೆಯ ನಿಖರ ರೂಟ್‌ಮ್ಯಾಪ್ ತೋರಿಸಲಿದೆ.! ಆಪ್‌ನಲ್ಲಿ ಡಿಜಿಟಲ್ ಸಂಖ್ಯೆ ಒತ್ತಿದರೆ ನೇರವಾಗಿ ಮನೆಗೆ ದಾರಿಯನ್ನು ಹುಡುಕಿಕೊಡಲಿದೆ ಈ ಆಪ್.!!

15 ದಿನಗಳಲ್ಲಿ ಚಾಲನೆ!!

ನಗರದಲ್ಲಿನ ಪ್ರತಿಯೊಂದು ಮನೆಗೆ ಪ್ರತ್ಯೇಕ ಡಿಜಿಟಲ್‌ ಸಂಖ್ಯೆ ನೀಡುವ ಪ್ರಕ್ರಿಯೆಯು ಅಂತಿಮ ಹಂತದಲ್ಲಿದೆ. ಮುಂದಿನ 15 ದಿನಗಳೊಳಗೆ ಈ ಯೋಜನೆಗೆ ಚಾಲನೆ ನೀಡಲಾಗುವುದು ಎಂದು ಬಿಬಿಎಂಪಿ ಆಯುಕ್ತರು ತಿಳಿಸಿದ್ದಾರೆ ‘‘ಬಿಬಿಎಂಪಿಯು 800 ಚ.ಕಿ.ಮೀ ವಿಸ್ತೀರ್ಣ ಹೊಂದಿದ್ದು, ಪ್ರತಿ 100 ಚ.ಕಿ.ಮೀ ಗೆ ಗ್ರಿಡ್‌ ಮಾಡಿ, ನಕ್ಷೆ ರೂಪಿಸಲಾಗುತ್ತಿದೆ ಎಂದು ಹೇಳಿದ್ದಾರೆ.!!

9 ಡಿಜಿಟಲ್‌ ಸಂಖ್ಯೆ!!

ನಗರದಲ್ಲಿರುವ ಪ್ರತಿ ಮನೆಗೂ 9 ಡಿಜಿಟಲ್‌ ಸಂಖ್ಯೆ ನೀಡಲಾಗುತ್ತಿದೆ. ಖಾಲಿ ನಿವೇಶನಗಳಿಗೂ ಸಂಖ್ಯೆ ಕೊಡಲಾಗುತ್ತದೆ. ಇನ್ನು ಮುಂದೆ ವಿಳಾಸಕ್ಕೆ ಹೆಸರು, ಮುಖ್ಯರಸ್ತೆ, ಪಿನ್‌ಕೋಡ್‌ ಬೇಕಾಗುವುದಿಲ್ಲ. ಕೇವಲ ಡಿಜಿಟಲ್‌ ಸಂಖ್ಯೆ ನಮೂದಿಸಿದರೆ ಸಾಕು, ತಲುಪಬೇಕಾದ ಮನೆಗೆ ಆಪ್‌ ಕರೆದೊಯ್ಯಲಿದೆ.!!