ಲೋಕಸಭಾ ಎಲೆಕ್ಷನ್ ಗಾಗಿ ಟ್ವೀಟರ್ ಖಾತೆ ತೆರೆದ ಭಾರತೀಯ ಚುನಾವಣಾ ಆಯೋಗ

ಚುನಾವಣಾ ಆಯೋಗದ ಟ್ವೀಟರ್ ಖಾತೆ:

ಭಾರತೀಯ ಚುನಾವಣಾ ಆಯೋಗವು ಟ್ವೀಟರ್ ಖಾತೆ ತೆರೆದ ನಂತರದಿಂದ ನಿರಂತರವಾಗಿ ಟ್ವೀಟರ್ ಬಳಕೆದಾರರಿಗೆ ಮುಂಬರುವ ಎಲೆಕ್ಷನ್ ನಲ್ಲಿ ಮತದಾನ ಮಾಡುವ ಬಗ್ಗೆ ಜಾಗೃತಿ ಮೂಡಿಸುತ್ತಲೇ ಇದೆ. ಅಷ್ಟೇ ಅಲ್ಲ ಲೋಕಸಭಾ ಎಲೆಕ್ಷನ್ 2019 ರ ದಿನಾಂಕವನ್ನು ಕೂಡ ಜಿಐಎಫ್, ವೀಡಿಯೋ ಮತ್ತು ಗ್ರಾಫಿಕ್ಸ್ ಗಳ ಮೂಲಕ ತಿಳಿಸುತ್ತಿದೆ. ಇದರಲ್ಲಿ ಕೆಲವು

ಶಾರ್ಟ್ ಫಿಲ್ಮ್ ಬಿಡುಗಡೆ:

ಶಾರ್ಟ್ ಫಿಲ್ಮ್ ಮೂಲಕ ಮತವನ್ನು ಯಾಕೆ ಹಾಕಬೇಕು ಮತ್ತು ಹಾಕದೇ ಇದ್ದರೆ ಅದು ಹೇಗೆ ನಿಮಗೆ ತೊಂದರೆಯಾಗುತ್ತದೆ ಎಂಬ ಬಗ್ಗೆ ಚುನಾವಣಾ ಆಯೋಗ ಟ್ವೀಟರ್ ಮೂಲಕ ಜನರಿಗೆ ತಿಳಿಸುತ್ತಿದೆ.

ಜನಜಾಗೃತಿ ಕಾರ್ಯಕ್ರಮ:

ಟ್ವೀಟರ್ ಗೆ ಸೇರುವುದು ಮಾತ್ರವೇ ಅಲ್ಲ ಭಾರತೀಯ ಚುನಾವಣಾ ಆಯೋಗವು ಸಿಸ್ಟಮ್ಯಾಟಿಕ್ ವೋಟರ್ಸ್ ಎಜುಕೇಷನ್ ಮತ್ತು ಎಲೆಕ್ಟ್ರಾಲ್ ಪಾರ್ಟಿಸಿಪೇಷನ್ ಪ್ರೋಗ್ರಾಮ್ (SVEEP) ನ್ನು ಮೈಕ್ರೋ ಬ್ಲಾಗಿಂಗ್ ಫ್ಲಾಟ್ ಫಾರ್ಮ್ ನಲ್ಲಿ ಜನಜಾಗೃತಿ ಮೂಡಿಸುವ ಕೆಲಸ ಮಾಡಿದೆ.

ಮತದಾನ ಹೆಚ್ಚಿಸುವ ಉದ್ದೇಶ:

ಮುಂಬರುವ ಎಲೆಕ್ಷನ್ ನಲ್ಲಿ ಬೇರೆಬೇರೆ ಹಂತದ ಮತದಾನದ ಬಗ್ಗೆ ಜನರಿಗೆ ತಿಳಿಸುವುದಕ್ಕೆ ಮತ್ತು ಒಟ್ಟಾರೆ ಮತದಾನ ಶೇಕಡಾವನ್ನು ಹೆಚ್ಚಿಸುವ ಉದ್ದೇಶವನ್ನು ಎಲೆಕ್ಷನ್ ಕಮಿಷನ್ ಹೊಂದಿದೆ.

ಟ್ವೀಟರ್ ಇಂಡಿಯಾ ಹೇಳಿಕೆ:

"ಭಾರತವು ಜಗತ್ತಿನ ಅತೀ ದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರ ಮತ್ತು ಮುಂಬರುವ ಎಲೆಕ್ಷನ್ ಟ್ವೀಟರ್ ನ ಬಹುಮುಖ್ಯ ಆದ್ಯತೆಯ ವಿಚಾರವಾಗಿದೆ. ಕಳೆದ ಕೆಲವು ತಿಂಗಳುಗಳಿಂದ ನಾವು ನಮ್ಮಲ್ಲಿ ನಡೆಯುವ ಸಂಭಾಷಣೆಯ ಭದ್ರತೆ ಮತ್ತು ಅದರ ಮಹತ್ವದ ಬಗ್ಗೆ ಜೊತೆಗೆ ಒಟ್ಟಾರೆ ಫ್ಲ್ಯಾಟ್ ಫಾರ್ಮ್ ನಆರೋಗ್ಯದ ಬಗ್ಗೆ ಸಾಕಷ್ಟು ಹೆಜ್ಜೆಗಳನ್ನು ಕೈಗೊಂಡಿದ್ದೆ. ಚುನಾವಣಾ ಆಯೋಗವು ಈ ನಿಟ್ಟಿನಲ್ಲಿ ಟ್ವೀಟರ್ ಗೆ ಸೇರಿ ಜನರಿಗೆ ಮತದಾನದ ಅರಿವು ಮೂಡಿಸುತ್ತಿರುವುದು ನಮಗೆ ಹೆಮ್ಮೆಯ ವಿಚಾರ ಎಂದು ಟ್ವೀಟರ್ ಇಂಡಿಯಾದ ಡೈರೆಕ್ಟರ್ ಆಗಿರುವ ಮಹಿಮಾ ಕೌಲ್ ಹೇಳಿದ್ದಾರೆ.

ಹ್ಯಾಷ್ ಟ್ಯಾಗ್ ಗಳು:

ಇದೇ ಸಂದರ್ಬದಲ್ಲಿ ಟ್ವೀಟರ್ ಇಂಡಿಯಾ ಕೂಡ ಮುಂಬರುವ ಎಲೆಕ್ಷನ್ ಗೆ ಜನರಲ್ಲಿ ಜಾಗೃತಿ ಮೂಡಿಸುವುದಕ್ಕೆ ಹಲವು ಕ್ರಮಗಳನ್ನು ಕೈಗೊಂಡಿದೆ. ಸ್ಪೆಷಲ್ ಎಮೋಜಿಗಳನ್ನು ಬಿಡುಗಡೆಗೊಳಿಸಲಾಗಿದ್ದು ಅದು ಪಾರ್ಲಿಮೆಂಟ್ ನಂತೆ ಗೋಚರಿಸುತ್ತದೆ ಮತ್ತು ಅದರಲ್ಲಿರುವ ಹ್ಯಾಷ್ ಟ್ಯಾಗ್ ಗಳಿದೆ- -- #LokSabhaElections2019, #IndiaDecides2019, #IndiaElections2019 ಇನ್ನೂ ಹಲವು ಹ್ಯಾಷ್ ಟ್ಯಾಗ್ ಗಳಿದ್ದು ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಇದು ಎತ್ತಿಹಿಡಿಯುವಂತಿದೆ. ಭಾರತದಲ್ಲಿ ಈ ಹ್ಯಾಷ್ ಟ್ಯಾಗ್ ಗಳು 12 ವಿಭಿನ್ನ ಭಾಷೆಗಳಲ್ಲಿ ಲಭ್ಯವಿದೆ ಅವುಗಳೆಂದರೆ ಇಂಗ್ಲೀಷ್ , ಹಿಂದಿ, ಉರ್ದು, ತಮಿಳು, ತೆಲುಗು ಮತ್ತು ಪಂಜಾಬಿ ಇನ್ನೂ ಹಲವು ಭಾಷೆಗಳು ಇದರಲ್ಲಿ ಸೇರಿವೆ.