ಪ್ರೀತಿ ವ್ಯಕ್ತಪಡಿಸಲು ಫೇಸ್‌ಬುಕ್‌ನ ಹೊಸ ಫೀಚರ್‌ 'ಸಿಕ್ರೇಟ್‌ ಕ್ರಶ್‌'!

ಏನಿದು ಸಿಕ್ರೇಟ್ ಕ್ರಶ್

ಡೇಟಿಂಗ್ ಆಪ್‌ ಈ ಫೀಚರ್‌ನಲ್ಲಿ ಬಳಕೆದಾರರು ತಮ್ಮ ಫ್ರೆಂಡ್‌ಲಿಸ್ಟ್‌ನಲ್ಲಿರುವ ಯಾರ ಮೇಲಾದರೂ ಕ್ರಶ್‌ ಆಗಿದ್ದರೇ ಅದನ್ನು ವ್ಯಕ್ತಪಡಿಸಲು ಫೇಸ್‌ಬುಕ್ ಈ ಸಿಕ್ರೇಟ್ ಕ್ರಶ್ ಆಯ್ಕೆಯನ್ನು ಪರಿಚಯಿಸಿದೆ. ಹೀಗಾಗಿ ನಿಮ್ಮ ಫ್ರೆಂಡ್‌ಲಿಸ್ಟ್‌ನಲ್ಲಿ ಇಷ್ಟವಾಗಿರುವ 9 ಜನರಿಗೆ ನಿಮ್ಮ ಕ್ರಶ್ ಇಂಗಿತವನ್ನು ತಿಳಿಸಲು ಈ ಆಯ್ಕೆ ಅವಕಾಶ ಮಾಡಿಕೊಡುತ್ತದೆ.

ಮ್ಯೂಚಲ್ ಕ್ರಶ್

ನಿಮ್ಮ ಫ್ರೆಂಡ್‌ಲಿಸ್ಟ್‌ನಲ್ಲಿ ನಿಮಗೆ ಇಷ್ಟವಾಗಿರುವ 9 ಜನರಿಗೆ ಕ್ರಶ್‌ ಇಂಗಿತವನ್ನು ತಿಳಿಸಿದಾಗ ಆ ಒಂಬತ್ತು ಜನರಲ್ಲಿ ಯಾರಾದರೂ ಮರಳಿ ಅವರ ಕ್ರಶ್‌ ಇಂಗಿತವನ್ನು ತಿಳಿಸಿದರೇ ನಂತರ ಪರಸ್ಪರ ಮ್ಯೂಚಲ್ ಕ್ರಶ್‌ ಎಂದು ಪರಿಗಣಿಸಿಕೊಳ್ಳಬಹುದು. ನಿಮ್ಮ ಫ್ರೆಂಡ್‌ಲಿಸ್ಟ್‌ನಲ್ಲಿದ್ದವರೂ ಈ ಆಯ್ಕೆಯನ್ನು ಬಳಸದಿದ್ದರೂ ನೀವು ನಿಮ್ಮ ಕ್ರಶ್‌ ಇಂಗಿತವನ್ನು ತಿಳಿಸಿಬಹುದು.

ವಯಸ್ಕರಿಗೆ ಮಾತ್ರ

ಫೇಸ್‌ಬುಕ್‌ನ ಈ ಸಿಕ್ರೇಟ್‌ ಕ್ರಶ್‌ ಫೀಚರ್‌ ಅನ್ನು ಫೇಸ್‌ಬುಕ್‌ ಬಳಕೆದಾರರು ಬಳಕೆಮಾಡಬಹುದಾಗಿದ್ದು, ಆದರೆ 18 ವಯಸ್ಸು ಮತ್ತು 18 ವಯಸ್ಸಿಗಿಂತ ಮೇಲ್ಪಟ್ಟ ಬಳಕೆದಾರರು ಆಪ್‌ ಬಳಸಬಹುದಾಗಿದೆ. ಇದು ಪ್ರೀತಿಯ ವಿಷಯವಾಗಿದ್ದರಿಂದ ಫೇಸ್‌ಬುಕ್‌ ಈ ಆಪ್‌ನ ಸೇವೆಯನ್ನು ಕೇವಲ ವಯಸ್ಕರಿಗೆ ಮಾತ್ರ ಸೀಮಿತ ಮಾಡಿದೆ.

ಜಾಹಿರಾತು ಮುಕ್ತ

ಬಹುತೇಕ ಡೇಟಿಂಗ್‌ ಆಪ್‌ಗಳು ಜಾಹಿರಾತುಗಳು ಹೆಚ್ಚಾಗಿ ಕಂಡುಬರುತ್ತವೆ ಆದರೆ ಫೇಸ್‌ಬುಕ್‌ನ ಸಿಕ್ರೇಟ್‌ ಕ್ರಶ್‌ ಡೇಟಿಂಗ್ ಆಪ್‌ ಸಂಪೂರ್ಣ ಜಾಹಿರಾತು ಮುಕ್ತವಾಗಿದ್ದು, ಯಾವುದೇ ಪೇಯ್ಡ್‌ ಫೀಚರ್ಸ್‌ಗಳು ಸಹ ಇರುವುದಿಲ್ಲ ಎನ್ನಲಾಗಿದೆ.

19 ರಾಷ್ಟ್ರಗಳಲ್ಲಿ ಲಭ್ಯ

ಫೇಸ್‌ಬುಕ್‌ನ ಈ ಹೊಸ ಡೇಟಿಂಗ್ ಆಪ್‌ ಪ್ರಸ್ತುತ ಬ್ರೇಜಿಲ್‌, ಮೆಕ್ಸಿಕೊ, ಕೆನಡಾ, ಕೊಲಂಬಿಯಾ, ಥೈಲ್ಯಾಂಡ್, ಸಿಂಗಪೂರ್, ಮಲೇಷ್ಯಾ, ಮತ್ತು ಫಿಲಿಫೈನ್ಸ್ ರಾಷ್ಟ್ರಗಳನ್ನು ಒಳಗೊಂಡಂತೆ ಸುಮಾರು 19 ರಾಷ್ಟ್ರಗಳಲ್ಲಿನ ಬಳಕೆದಾರರಿಗೆ ದೊರೆಯುತ್ತಿದೆ. ಮುಂದಿನ ದಿನಗಳಲ್ಲಿ ಇತರೆ ರಾಷ್ಟ್ರಗಳಿಗೂ ವಿಸ್ತರಿಸಲಿದೆ ಎನ್ನಲಾಗಿದೆ.