ಪ್ಲೇ ಸ್ಟೋರಿನಿಂದ 7 ಲಕ್ಷ ಆಪ್‌ಗಳನ್ನು ಕಿತ್ತು ಹಾಕಿದ ಗೂಗಲ್ : ಕಾರಣ ಗೊತ್ತಾ..?

ಒಂದು ಲಕ್ಷ ಡೆವಲಪರ್‌ಗಳು:

ಗೂಗಲ್ ತನ್ನ ಪ್ಲೇ ಸ್ಟೋರಿನಲ್ಲಿ ನಿಯಮಗಳನ್ನು ಉಲ್ಲಂಘನೆ ಮಾಡಿದ ಆಪ್‌ ಡೆವಲಪರ್ ಗಳನ್ನು ನಿಷೇಧ ಮಾಡಿದ್ದು, ಕಳೆದ ವರ್ಷದಿಂದಲೇ ಈ ಕಾರ್ಯವನ್ನು ಆರಂಭಿಸಿದೆ ಎನ್ನಲಾಗಿದೆ. ಇದಕ್ಕಾಗಿಯೇ ಕೃತಕ ಬುದ್ಧಿಮತ್ತೆ ಮತ್ತು ಯಾಂತ್ರಿಕ ಬುದ್ದಿಮತ್ತೆಯ ಸಹಾಯವನ್ನು ಪಡೆದುಕೊಂಡಿದೆ ಎನ್ನಲಾಗಿದೆ. ಸುಮಾರು ಒಂದು ಲಕ್ಷ ಡೆವಲಪರ್ ಗಳನ್ನು ನಿಷೇಧ ಮಾಡಿದೆ.

7 ಲಕ್ಷ ಆಪ್‌ಗಳು:

ಗೂಗಲ್ ಪಾಲಿಸಿ ಉಲ್ಲಂಘಿಸುವುದಲ್ಲದೇ, ಬೇರೆ ಆಪ್‌ಗಳನ್ನು ಕಾಪಿ ಮಾಡಿಕೊಂಡು ಕಾರ್ಯನಿರ್ವಹಿಸುವುದರೊಂದಿಗೆ ಗ್ರಾಹಕರನ್ನು ಜಾಹಿರಾತಿನ ಮೂಲಕ ವಂಚನೆ ಮಾಡುತ್ತಿದ್ದ ಸುಮಾರು 7 ಲಕ್ಷ ಆಪ್‌ಗಳನ್ನು ಪ್ಲೇ ಸ್ಟೋರಿನಿಂದ ಗೂಗಲ್ ತೆಗೆದು ಹಾಕಿದೆ ಎನ್ನಲಾಗಿದೆ. ಇದರಿಂದಾಗಿ ಆಂಡ್ರಾಯ್ಡ್ ಬಳಕೆದಾರರಿಗೆ ಸಹಾಯವಾಗಿದೆ.

ಮಾಲ್ವೇರ್ ತಡೆಗೆ:

ಈಗಾಗಲೇ ಪ್ಲೇ ಸ್ಟೋರ್ ಮೂಲಕ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಿಗೆ ಮಾಲ್ವರ್ ದಾಳಿಯನ್ನು ನಡೆಸುವ ಸಾಧ್ಯತೆ ಇದ್ದು, ಈ ಹಿನ್ನಲೆಯಲ್ಲಿ ಬ್ಯಾಡ್ ಆಪ್‌ಗಳನ್ನು ನಿರ್ಮೂಲನೆಗೊಳಿಸಲು ಗೂಗಲ್ ಮುಂದಾಗಿದೆ. ಇದರಿಂದಾಗಿ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳು ಮಾಲ್ವೇರ್ ದಾಳಿಯಿಂದ ಸುರಕ್ಷಿತವಾಗಲಿದೆ.