ಗೂಗಲ್ ನಿಮ್ಮ ಧ್ವನಿಯನ್ನು ಕೇಳದಂತೆ ಮಾಡಬೇಕೆ ? ಇಲ್ಲಿದೆ ಉಪಾಯ!

ನಮ್ಮೆಲ್ಲಾ ಚಟುವಟಿಕೆಗಳನ್ನು ವಿವರವಾಗಿ ಗೂಗಲ್ ಗಮನಿಸುತ್ತದೆ ಎನ್ನುವುದು ಗೊತ್ತಿರುವ ಸಂಗತಿ. ಬಳಕೆದಾರರ ಬಳಕೆಯ ಅನುಭವವನ್ನು ಸುಧಾರಿಸಲು ಮಾಹಿತಿಯನ್ನು ಸಂಗ್ರಹಿಸುತ್ತದೆ. ಒಂದು ವೇಳೆ ನೀವು ಗೂಗಲ್ ನ ಧ್ವನಿ ಸಹಾಯಕವನ್ನು (ವಾಯ್ಸ್ ಅಸಿಸ್ಟೆಂಟ್) ಉಪಯೋಗಿಸುತ್ತಿದ್ದರೆ ಅಂತರ್ಜಾಲ ಜಾಲಾಡುವ ಜೊತೆಗೆ ಅಲಾರಾಮ್ ಇಡುವುದು, ಕಾಲ್ ಮಾಡುವುದು ಹೀಗೆ ಇತ್ಯಾದಿ ಗಳನ್ನು ಮಾಡಬಹುದು.

ಅದೇನಿದ್ದರೂ, ನೀವು ನೀಡಿದ ಪ್ರತಿ ಆದೇಶ ಗೂಗಲ್ ಡಾಟಾಬೇಸ್ ನಲ್ಲಿ ಧ್ವನಿ ಕಡತವಾಗಿ ಸಂಗ್ರಹವಾಗುತ್ತದೆ. ತಲೆ ಕೆಡ್ತಿದ್ಯಾ ? ಚಿಂತಿಸಬೇಡಿ. ಕೇಳುವುದನ್ನು ನಿಲ್ಲಿಸಲು ಮತ್ತು ಸಂಗ್ರಹವಾಗಿರುವುದನ್ನು ಅಳಿಸಲು ಆಯ್ಕೆಗಳಿವೆ. ಅದರ ಬಗ್ಗೆ ಇಂದು ತಿಳಿಯೋಣ.

ಗೂಗಲ್ ಧ್ವನಿ ಸಹಾಯಕವನ್ನು ನಿಲ್ಲಿಸುವುದು ಹೇಗೆ ?

ಹೆಜ್ಜೆ 1: ಮೊದಲು, ಸೆಟ್ಟಿಂಗ್ಸ್ ಗೆ ಹೋಗಿ -> ಗೂಗಲ್ ಅನ್ನು ಆಯ್ಕೆ ಮಾಡಿ.

ಹೆಜ್ಜೆ 2: ಸರ್ವಿಸ್ ಹೆಡರ್ ಒಳಗೆ ಸರ್ಚ್ ಅನ್ನು ಒತ್ತಿ.

ಹೆಜ್ಜೆ 3: ವಾಯ್ಸ್ ಎಂಟ್ರಿ ಆಯ್ಕೆ ಮಾಡಿ, ಅಲ್ಲಿ ನಿಮಗೆ ವಾಯ್ಸ್ ಮ್ಯಾಚ್ ಆಯ್ಕೆ ಕಾಣುವುದು.

ಹೆಜ್ಜೆ 4: ಈಗ 'ಸೇ ಓಕೆ ಗೂಗಲ್ ಎನಿಟೈಮ್’ ನ ಆಫ್ ಮಾಡಿ.

ಅಥವಾ

ಹೆಜ್ಜೆ 1: ಗೂಗಲ್ ಆಪ್ ಒತ್ತಿ ಮತ್ತು ಮೇಲೆ ಎಡಗಡೆ ಮೂಲೆಯಲ್ಲಿ ಇರುವ ಮೂರು ಅಡ್ಡ ಗೆರೆಗಳನ್ನು ಒತ್ತಿ.

ಹೆಜ್ಜೆ 2: 'ಸೆಟ್ಟಿಂಗ್ಸ್ ' ಒತ್ತಿ

ಹೆಜ್ಜೆ 3: ವಾಯ್ಸ್ ಆಯ್ಕೆ ಮಾಡಿ -> ಓಕೆ ಗೂಗಲ್ ಡಿಟೆಕ್ಷನ್

ಹೆಜ್ಜೆ 4: 'ಸೇ ಓಕೆ ಗೂಗಲ್ ಎನಿಟೈಮ್’ ಫೀಚರ್ ಡಿಸೇಬಲ್ ಮಾಡಲು ಸ್ಲೈಡರ್ ಅನ್ನು ಸರಿಸಿ.

ಗೂಗಲ್ ಅಕೌಂಟ್ ಗೆ ನಿಮ್ಮ ಧ್ವನಿ ರೆಕಾರ್ಡಿಂಗ್ ಲಿಂಕ್ ಆಗುವುದನ್ನು ನಿಲ್ಲಿಸಲು :

ಹೆಜ್ಜೆ 1: ಈಗ ಗೂಗಲ್ ಆಕ್ಟಿವಿಟಿ ಕಂಟ್ರೋಲ್ಸ್ ಪುಟಕ್ಕೆ ಹೋಗಿ ಮತ್ತು ನಿಮ್ಮ ಅಕೌಂಟ್ ಗೆ ಲಾಗಿನ್ ಆಗಿ.

ಹೆಜ್ಜೆ 2: ವಾಯ್ಸ್ ಆಂಡ್ ಆಡಿಯೊ ಆಕ್ಟಿವಿಟಿ ಕಾಣುವ ತನಕ ಸ್ಕ್ರಾಲ್ ಮಾಡುತ್ತಾ ಹೋಗಿ.

ಹೆಜ್ಜೆ 3: ಈಗ ಸ್ಲೈಡರ್ ಅನ್ನು ಆಫ್ ಮಾಡಿ ಮತ್ತು ನಿಮ್ಮ ಧ್ವನಿ ರೆಕಾರ್ಡಿಂಗ್ ಗೂಗಲ್ ಅಕೌಂಟ್ ನೊಂದಿಗೆ ಜೋಡಣೆಗೊಳ್ಳುವುದನ್ನು ನಿಲ್ಲಿಸಿ.

ನಿಮ್ಮ ಫೋನಿನ ಮೈಕ್ರೊಫೋನನ್ನು ಗೂಗಲ್ ಉಪಯೋಗಿಸದಂತೆ ಬ್ಲಾಕ್ ಮಾಡುವುದು ಹೇಗೆ:

ಹೆಜ್ಜೆ 1: ಸೆಟ್ಟಿಂಗ್ಸ್ -> ಆಪ್ಸ್ ಆಂಡ್ ನೋಟಿಫಿಕೇಷನ್ಸ್

ಹೆಜ್ಜೆ 2: ಡಿವೈಜ್ ನಲ್ಲಿ ಇನ್ಸಟಾಲ್ ಮಾಡಿರುವ ಆಪ್ಸ್ ಗಳನ್ನು ನೋಡಲು 'ಸೀ ಆಲ್ ಆಪ್ಸ್’ ಆಯ್ಕೆ ಮಾಡಿ.

ಹೆಜ್ಜೆ 3: ಗೂಗಲ್ ಆಪ್ ಸಿಗುವ ತನಕ ಕೆಳಗೆ ಸ್ಕ್ರಾಲ್ ಮಾಡಿ ನಂತರ ಆಯ್ಕೆ ಮಾಡಿ.

ಹೆಜ್ಜೆ 4: ಪರ್ಮಿಷನ್ಸ್ ಮೇಲೆ ಒತ್ತಿ ಮತ್ತು ಮೈಕ್ರೋಫೋನಿನ ಸ್ಲೈಡರ್ ನ ಟೊಗಲ್ ಆಫ್ ಮಾಡಿ.