ವಾಟ್ಸ್‌ಆಪ್ ನಂತರ ಇನ್ಸ್ಟಾಗ್ರಾಂನಲ್ಲೂ ಗ್ರೂಪ್ ವೀಡಿಯೋ ಕಾಲಿಂಗ್!!

ಗ್ರೂಪ್ ವೀಡಿಯೋ ಚಾಟ್

ಇನ್ಸ್ಟಾಗ್ರಾಂ ಕೂಡ ವಾಟ್ಸ್ ಆಪ್ ನಂತೆ ನಾಲ್ಕು ಮಂದಿ ನಡೆಸಬಹುದಾದ ಗ್ರೂಪ್ ವೀಡಿಯೋ ಕಾಲಿಂಗ್ ಗೆ ಅವಕಾಶ ನೀಡಲಿದೆ.ವೀಡಿಯೋ ಕಾಲ್ ಆರಂಭಿಸಲು ನೀವು ಡೈರೆಕ್ಟ್ ಇನ್ ಬಾಕ್ಸ್ ನಲ್ಲಿ ಕಾಂಟ್ಯಾಕ್ಟ್ ನ್ನು ತೆರೆಯಿರಿ ಮತ್ತು ಮೇಲ್ಬಾಗದ ಬಲ ಮೂಲೆಯಲ್ಲಿರುವ ವೀಡಿಯೋ ಐಕಾನ್ ನ್ನು ಟ್ಯಾಪ್ ಮಾಡಿ. ಇನ್ನೊಂದು ಕುತೂಹಲಕಾರಿ ವಿಚಾರವೇನೆಂದರೆ ಈ ವೀಡಿಯೋ ಕಾಲ್ ಪರದೆಯನ್ನು ಮಿನಿಮೈಜ್ ಮಾಡಬಹುದು ಮತ್ತು ನೀವು ಇನ್ನೆತರೆ ಟಾಸ್ಕ್ ಗಳನ್ನೂ ಪೂರೈಸಬಹುದು.

ವಿಡಿಯೋ ಕಾಲಿಂಗ್ ಜೊತೆ ಮಾಡಿ ಇತರ ಕೆಲಸ

ವೀಡಿಯೋ ಕಾಲಿಂಗ್ ಪರದೆಯನ್ನು ಮಿನಿಮೈಜ್ ಮಾಡಿ ಸ್ಟೋರಿಯನ್ನು ಪೋಸ್ಟ್ ಮಾಡಬಹುದು, ಶೇರ್ ಮಾಡಬಹುದು ಮತ್ತು ಫೀಡ್ ಗಳನ್ನು ಪರೀಕ್ಷಿಸಬಹುದು. ವೀಡಿಯೋ ಕಾಲ್ ನ ಸಂದರ್ಬದಲ್ಲಿ ಕ್ಯಾಮರಾ ಐಕಾನ್ ನೀಲಿ ಬಣ್ಣಕ್ಕೆ ತಿರುಗಿರುತ್ತೆ. ನೀವು ಇತರೆ ಬಳಕೆದಾರರನ್ನು ವೀಡಿಯೋ ಕಾಲಿಂಗ್ ಗೆ ಕರೆಯಬಹುದು ಮತ್ತು ಅಗತ್ಯವಿಲ್ಲದೇ ಇರುವವರನ್ನು ವೀಡಿಯೋ ಕಾಲ್ ಮಾಡದಂತೆ ತಡೆಯುವ ಆಯ್ಕೆಯೂ ಇದೆ. ಮ್ಯೂಟ್ ಬಟನ್ ಒಂದು ಲಭ್ಯವಿದ್ದು, ಇದು ನೋಟಿಫಿಕೇಷನ್ ಗಳನ್ನು ತಡೆಯಲು ನೆರವಾಗುತ್ತದೆ.

ಕಸ್ಟಮ್ AR ಫಿಲ್ಟರ್ಸ್

ಫೇಸ್ ಬುಕ್ ಇತ್ತೀಚೆಗಷ್ಟೇ AR ಕ್ಯಾಮರಾ ಎಫೆಕ್ಟ್ ವೈಶಿಷ್ಟ್ಯವನ್ನು ಪರಿಚಯಿಸಿತ್ತು. ಈಗ ಇದು ಇನ್ಸ್ಟಾಗ್ರಾಂನಲ್ಲೂ ಲಭ್ಯವಿದೆ. ನಿಮ್ಮ ಫಾಲೋ ಮಾಡುವ ಸೆಲೆಬ್ರಿಟಿ ಮತ್ತು ಬ್ರ್ಯಾಂಡ್ ಗಳಿಗೆ ಕಸ್ಟಮ್ ಫೇಸ್ ಫಿಲ್ಟರ್, ವರ್ಡ್ ಎಫೆಕ್ಟ್ ಮತ್ತು ಸ್ಟಿಕ್ಕರ್ ಗಳನ್ನು ತಮ್ಮ ಫಾಲೋವರ್ ಗಳಿಗಾಗಿ ಹಾಕುವ ಅವಕಾಶವಿರುತ್ತದೆ. ನೀವು ಫಾಲೋ ಮಾಡುವ ಸೆಲೆಬ್ರಿಟಿ ಇಲ್ಲವೇ ಬ್ರಾಂಡ್ ಗಳು ಕ್ರಿಯೇಟ್ ಮಾಡಿದ ಕಸ್ಟಮ್ ಕ್ಯಾಮರಾ ಎಫೆಕ್ಟ್ ನ್ನು ಮಾತ್ರ ನೀವು ನೋಡಬಹುದಾಗಿದೆ.
ಒಂದು ವೇಳೆ ನೀವು ಅಕೌಂಟ್ ನ್ನು ಫಾಲೋ ಮಾಡುವುದಿಲ್ಲ ಆದರೆ ಸೃಷ್ಟಿಸಿದ ಕ್ಯಾಮರಾ ಎಫೆಕ್ಟ್ ನ್ನು ಗಮನಿಸಿದರೆ, ನೀವು ಕೂಡ ಟ್ರೈ ಮಾಡಬಹುದು ಮತ್ತು ನಿಮ್ಮ ಇನ್ಸ್ಟಾಗ್ರಾಂ ಕ್ಯಾಮರಾ ಕ್ಕೆ ಅದನ್ನು ಸೇರಿಸಿಕೊಳ್ಳಬಹುದು.

ಪರ್ಸ್ನಲೈಸ್ಡ್ ಎಕ್ಸ್ಫೋರ್ ಫೀಡ್

ಎಕ್ಸ್ಫ್ಲೋರ್ ಫೀಡ್ ನ್ನು ಮರುವಿನ್ಯಾಸಗೊಳಿಸಲಾಗಿದ್ದು ಅಡ್ಡಲಾಗಿರುವ ಟ್ರೇ ಒಂದು ಪುಟದ ಮೇಲ್ಬಾಗದಲ್ಲಿ ಇದೆ ಮತ್ತು ಇದರಲ್ಲಿ ಫ್ಯಾಷನ್, ಕ್ರೀಡೆ, ಕಲೆ ಹಾಗೂ ಇತರೆ ಕೆಲವು ಚಾನಲ್ ಗಳನ್ನು ಹೋಸ್ಟ್ ಮಾಡಲು ಅವಕಾಶವಿದೆ. ನೀವು ಈ ಜಾಗದಿಂದ ನಿಮಗೆ ಇಷ್ಟವಾಗುವ ವಿಷಯವನ್ನು ಪಡೆಯಬಹುದು. ಬಳಕೆದಾರರ ಆಸಕ್ತಿಗೆ ಅನುಗುಣವಾಗಿ ಅಲ್ಲಿ 'For You' ಕಾರ್ಡ್ ಹೋಸ್ಟಿಂಗ್ ಕೂಡ ಇದ್ದು, ಕಸ್ಟಮೈಸ್ ಮಾಡಲಾದ ವಿಷಯದ ಶ್ರೇಣಿಯನ್ನು ಹೋಸ್ಟ್ ಮಾಡಲು ಅವಕಾಶವಿರುತ್ತದೆ.
ಇದು ತಮ್ಮದೇ ಆದ ವಯಕ್ತಿಕ ಟ್ರೆಂಡ್ ಮತ್ತು ಆಸಕ್ತಿಯನ್ನು ಅನ್ವೇಷಣೆ ಮಾಡಲು ಸಹಕಾರ ನೀಡುತ್ತದೆ. ಅನ್ವೇಷಣೆ ಮಾಡಲು ಮತ್ತು ವಿಷಯಗಳನ್ನು ಕಂಡುಕೊಳ್ಳಲು ಚಾನಲ್ ಗಳ ಟ್ರೇ ಕೆಳಗೆ ಸಾಮಾನ್ಯ ಹ್ಯಾಶ್ ಟ್ಯಾಗ್ ಗಳ ಸಾಲು ಇದೆ.