ಲಾಂಚ್ ಆಯ್ತ ಹೊಸ IRCTC ಬುಕಿಂಗ್ ಆಪ್: ರೈಲು ಪ್ರಯಾಣ ಇನಷ್ಟು ಸುಲಭ

ಮುಂದಿನ ತಲೆಮಾರಿನ ಇ-ಟಿಕೇಟ್:

'IRCTC Rail Connect app' ಮುಂದಿನ ತಲೆಮಾರಿನ ಟಿಕೇಟಿಂಗ್ ಆಪ್ ಆಗಿದ್ದು, ಬಳಕೆದಾರರ ಸ್ನೇಹಿಯಾಗಿದೆ. ಈ ಹಿಂದಿನ ಆಪ್ ಗಳಂತೆ ಬಳಕೆದಾರರನ್ನು ಗೊಂದಲಪಡಿಸದೆ ಸುಲಭವಾಗಿ ಟಿಕೇಟ್ ಬುಕ್ ಮಾಡಲು ಈ ಆಪ್ ಸಹಾಯಕಾರಿಯಾಗಿದೆ. ಈ 'IRCTC Rail Connect app' ದಿನದ 24 ಗಂಟೆಯೂ ಕಾರ್ಯ ನಿರ್ವಹಿಸಲಿದೆ ಎನ್ನಲಾಗಿದೆ. ಯಾವ ಸಂದರ್ಭದಲ್ಲಿ ಬೇಕಾದರು ಈ ಆಪ್ ಬಳಸಿ ಟಿಕೇಟ್ ಬುಕ್ ಮಾಡುವ ಅವಕಾಶವನ್ನು ನೀಡಲಾಗಿದೆ.

ಸೆಕ್ಯೂರಿಟಿಗೆ ಹೆಚ್ಚಿನ ಆದ್ಯತೆ:

'IRCTC Rail Connect app'ನಲ್ಲಿ ಭದ್ರತೆಗೆ ಹೆಚ್ಚಿನ ಆದ್ಯತೆಯನ್ನು ನೀಡಲಾಗಿದ್ದು, ನಿಮ್ಮ ಹಳೇಯ ಯುಸರ್ ಐಡಿ ಮತ್ತು ಪಾಸ್‌ವರ್ಡ್ ನೀಡಿ ಲಾಗಿನ್ ಆಗಬಹುದು ಇಲ್ಲವೇ ಹೊಸದಾಗಿ ರಿಜಿಸ್ಟ್ರೆಷನ್ ಮಾಡಿಕೊಳ್ಳಬಹುದು. ಒಮ್ಮೆ ಲಾಗಿನ್ ಆದ ನಂತರ ನಾಲ್ಕು ಅಂಕೆಗಳ ಪಿನ್ ಕೊಡ್ ನೀಡಬೇಕು. ಮುಂದೆ ಮತ್ತೆ ಆಪ್ ಗೆ ಲಾಗ್ ಆಗುವ ಸಮಯದಲ್ಲಿ ಈ ಕೋಡ್ ನೀಡಿದರೆ ಸಾಕು.

ಪೇಮೆಂಟ್ ಮಾಡುವುದು ಸುಲಭ:

ಈ ಹೊಸ ಆಪ್ ನಲ್ಲಿ ಟಿಕೆಟ್ ಬುಕ್ ಮಾಡಿದ ನಂತರ ವಿವಿಧ ಬ್ಯಾಂಕುಗಳಿಂದ ನೇರವಾಗಿ ನೆಟ್ ಬ್ಯಾಂಕಿಂಗ್ ಮೂಲಕ ಹಣ ಪಾವತಿ ಮಾಡುವ ಅವಕಾಶ ಈ ಆಪ್ ನಲ್ಲಿದೆ. ಇದಲ್ಲದೇ ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಮತ್ತು ಈ ವಾಲೆಟ್ ಗಳಿಂದಲೂ ಹಣ ಪಾವತಿ ಮಾಡಬಹುದಾಗಿದೆ. ಪೇಟಿಮ್, ಪೇಯೂ, ಮೊಬಿಕ್ವಿಕ್ ಬಳಸಬಹುದಾಗಿದೆ. ಇದರೊಂದಿಗೆ IRCTC ಇ-ವಾಲೆಟ್ ಅನ್ನು ಪರಿಚಯಿಸಿದ್ದು, ಈ ಮೂಲಕ ಪ್ರಯಾಣಿಕರು IRCTC ಇ-ವಾಲೆಟ್‌ಗೆ ಹಣ ತುಂಬಿ ಮುಂದಿನ ದಿನದಲ್ಲಿ ಬಳಸಬಹುದಾಗಿದೆ.

ಏರ್ ಟಿಕೇಟ್, ಊಟವನ್ನು ಬುಕ್ ಮಾಡಬಹುದು:

'IRCTC Rail Connect app'ನಲ್ಲಿ ಏರ್ ಟಿಕೇಟ್ ಬುಕ್ ಮಾಡಬುಹುದಾಗಿದ್ದು, ರೈಲಿನಲ್ಲಿ ನಿಮಗೆ ಬೇಕಾದ ಊಟವನ್ನು ಬುಕ್ ಮಾಡಿಕೊಳ್ಳುವ ಅವಕಾಶ ಇದೆ. ಒಂದೇ ಆಪ್ ನಲ್ಲಿ ವಿವಿಧ ರೀತಿಯ ಅವಕಾಶಗಳನ್ನು ಒಳಗೊಂಡಿದೆ ಎನ್ನಬಹುದಾಗಿದೆ.