ಕೂಡಲೇ 'ಸರಾಹ್ ಆಪ್' ಡಿಲೀಟ್ ಮಾಡಿ..ರಹಸ್ಯವಲ್ಲ ಈ ಆಪ್‌!!

ಸರಾಹ್ ಕಂಪನಿಯ ಸರ್ವರ್ ಬಳಿ ನಿಮ್ಮೆಲ್ಲಾ ಮಾಹಿತಿ!!

ಹೆಚ್ಚಿನ ಜನಮನ ಗೆದ್ದಿದ್ದ ಸರಾಹ್ ಆಪ್‍ ಕುತಂತ್ರಿ ಕೆಲಸವನ್ನು ಸಹ ಮಾಡುತ್ತಿದೆ. ಈ ಆಪ್ ಇನ್‍ಸ್ಟಾಲ್ ಮಾಡಿದರೆ ಅದು ನಿಮ್ಮ ಫೋನ್‌ನಲ್ಲಿರುವ ಎಲ್ಲಾ ಮೊಬೈಲ್‌ ಸಂಖ್ಯೆಗಳನ್ನು ಸಂಗ್ರಹಿಸಿ ಸರಾಹ್ ಕಂಪನಿಯ ಸರ್ವರ್‌ಗೆ ಕಳುಹಿಸುತ್ತದೆ ಎಂಬುದು ಬಹಳ ಜನರಿಗೆ ಇನ್ನು ತಿಳಿದಿಲ್ಲ.!!

ಭದ್ರತಾ ವಿಶ್ಲೇಷಕರಾದ ಜಾಚರಿ ಜೂಲಿಯನ್ ಹೇಳಿದ್ದೇನು?

ಸರಾಹ್ ಆಪ್‌ಗೆ ಲಾಗಿನ್ ಆದ ಕೂಡಲೇ ಅದು ನಿಮ್ಮ ಇಮೇಲ್ ಮತ್ತು ಫೋನ್ ಕಾಂಟಾಕ್ಟ್ ನಂಬರ್‌ಗಳನ್ನು ಸಂಗ್ರಹಿಸುತ್ತದೆ ಎಂದು ಜೂಲಿಯನ್ ಹೇಳಿದ್ದಾರೆ. ಈ ಬಗ್ಗೆ ದ ಇಂಟರ್‍‍ಸೆಪ್ಟ್ ಮಾಧ್ಯಮ ವರದಿ ಮಾಡಿದೆ. ಬಿ ಮಾನಿಟರಿಂಗ್ ಸಾಫ್ಟ್‌ವೇರ್ BURP Suite ಮೂಲಕ ಸರಾಹ್ ಖಾಸಗಿ ಮಾಹಿತಿಗಳನ್ನು ಸಂಗ್ರಹಿಸುತ್ತದೆ ಎನ್ನಲಾಗಿದೆ.!!

ಕಾಂಟಾಕ್ಟ್ ನಂಬರ್‌ಗಳನ್ನು ಸಂಗ್ರಹಿಸುವುದು ಯಾಕೆ?

ಆಪ್ ಇನ್‍ಸ್ಟಾಲ್ ಮಾಡಿದ ನಂತರ ನಿಮ್ಮ ಕಾಂಟಾಕ್ಟ್ ಸಂಖ್ಯೆಗಳನ್ನು access( ಆಕ್ಸೆಸ್) ಮಾಡಲೇ ಎಂಬ ಪ್ರಶ್ನೆಯನ್ನು ಸಹರಾ ಕೇಳುತ್ತದೆ. ಇದಕ್ಕೆ Allow ಎಂದು ಒತ್ತಿದರೆ ಮಾತ್ರ ಮುಂದೆ ಹೋಗಬಹುದಾಗಿದೆ. ಆದರೆ, ನಮ್ಮಲ್ಲಿರುವ ಕಾಂಟಾಕ್ಟ್ ನಂಬರ್ ಬಳಸಿ ಸ್ನೇಹಿತರನ್ನು ಹುಡುಕುವ ಸೌಲಭ್ಯವೂ ಆಪ್‌ನಲ್ಲಿಲ್ಲ.ಹೀಗಿರುವಾಗ ಕಾಂಟಾಕ್ಟ್ ನಂಬರ್‌ಗಳನ್ನು ಸರಾಹ್ ಸಂಗ್ರಹಿಸುವುದು ಯಾಕೆ?

ಮಾಹಿತಿ ಬಿಡುಗಡೆ ಆಗುತ್ತದೆ.!!

ನಿಮಗೆ ಅನಾಮಧೇಯವಾಗಿ ಯಾರು ಮೇಸೆಜ್ ಮಾಡಿದರೆ ಎನ್ನುವ ಮಾಹಿತಿಯನ್ನು ನೀವು ಬಯಸಿದರೆ ಅದನ್ನು ಬಯಲು ಮಾಡುವೇ ಎಂದು ಸರಾಹ್ ಮುಖ್ಯಸ್ಥ ಹೇಳಿಕೆಯನ್ನು ನೀಡಿದ್ದಾರೆ. ಜೊತೆಗೆ, ಭವಿಷ್ಯದಲ್ಲಿ ಸರಾಹ್ ಆಪ್ ಮತ್ತಷ್ಟು ಅಪ್‌ಡೇಟ್ ಮಾಡುವುದಾಗಿ ಹೇಳಿಕೊಂಡಿದ್ದಾರೆ.

ಕಾಂಟಾಕ್ಟ್ ನಂಬರ್‌ ಸಂಗ್ರಹ ಮಾಡುವುದಿಲ್ಲ!!

ಮೊಬೈಲ್‍ನಲ್ಲಿರುವ ದಾಖಲೆಗಳನ್ನು ಸಂಗ್ರಹಿಸಬೇಕೆ ಎಂಬ ಮನವಿಗಳನ್ನು ಮುಂದಿನ ಅಪ್‌ಡೇಟ್ ಬರುವ ಹೊತ್ತಿಗೆ ತೆಗೆದುಹಾಕಲಾಗುವುದು ಎಂದು ಸರಾಹ್ ಮುಖ್ಯಸ್ಥ ತೌಫೀಖ್ ಟ್ವೀಟ್ ಮಾಡಿದ್ದಾರೆ. ಆದರೆ, ಅವರು ಕಾರಣ ನೀಡದೇ ಇಲ್ಲಿಯವರೆಗೂ ಏಕೆ ನಂಬರ್‌ಗಳನ್ನು ಸಂಗ್ರಹಿಸುತ್ತಿದ್ದರು ಎಂಬುದು ತಿಳಿದಿಲ್ಲ.!!