ಫೋನಿನಲ್ಲಿ ಸುಲಭವಾಗಿ ವಿಡಿಯೊ ಎಡಿಟ್ ಮಾಡಲು ಈ ಆಪ್ಸ್‌ ಬೆಸ್ಟ್!

ಹೌದು, ಬಹುತೇಕ ಬಳಕೆದಾರರು ಚಿಕ್ಕ-ಪುಟ್ ವಿಡಿಯೊಗಳನ್ನು ಅವರೇ ಎಡಿಟ್ ಮಾಡಿ ಸೋಶಿಯಲ್‌ ಸೈಟ್‌ಗಳಲ್ಲಿ ಅಪ್‌ಲೋಡ್ ಮಾಡಿತ್ತಾರೆ. ಈ ನಿಟ್ಟಿನಲ್ಲಿ ಕ್ಚಿಕ್‌ ಆಗಿ ವಿಡಿಯೊ ಎಡಿಟಿಂಗ್‌ ಮಾಡುವ ಆಪ್‌ಗಳು ಈಗ ಹೆಚ್ಚು ಟ್ರೆಂಡಿಂಗ್‌ನಲ್ಲಿ ಕಾಣಿಸಿಕೊಳ್ಳುತ್ತಿವೆ. ಈ ವಿಡಿಯೊ ಎಡಿಟಿಂಗ್ ಆಪ್‌ಗಳು ಬೇಸಿಕ್ ಎಡಿಟಿಂಗ್ ಫೀಚರ್ಸ್‌ ಜೊತೆಗೆ ನೂತನ ಆಯ್ಕೆಗಳನ್ನು ಒಳಗೊಂಡಿವೆ. ಈ ಲೇಖನದಲ್ಲಿ ಬೆಸ್ಟ್‌ ವಿಡಿಯೊ ಎಡಿಟಿಂಗ್ ಆಪ್‌ಗಳ ಬಗ್ಗೆ ತಿಳಿಸಲಾಗಿದೆ ಮುಂದೆ ಓದಿರಿ.

VivaCut- ವಿವಾ ಕಟ್

ವಿವಾಕಟ್ ಆಪ್‌ ವೀಡಿಯೊ ಎಡಿಟಿಂಗ್‌ನ ಪ್ರಮುಖ ಆಪ್‌ಗಳಲ್ಲಿ ಒಂದಾಗಿದೆ. ಈ ಆಪ್‌ನಲ್ಲಿ ಹಲವಾರು ಫೀಚರ್ಸ್‌ಗಳಿವೆ. ಹಾಗೆಯೇ ಡಬಲ್ ಎಕ್ಸ್‌ಪೋಶರ್‌ ಆಯ್ಕೆ ಇದ್ದು, ಕ್ಲಿಪ್‌ಗಳನ್ನು ಒಟ್ಟಿಗೆ ಸಂಯೋಜಿಸಬಹುದು. ನಿಮ್ಮ ವೀಡಿಯೊ ತುಣುಕುಗಳಿಗೆ ನೀವು ಚಿತ್ರಗಳನ್ನು ಸೇರಿಸಬಹುದು. ಕಂಪನಿಯು ಶೀಘ್ರದಲ್ಲೇ 'ಅನಿಮೇಟೆಡ್ ಟೆಕ್ಸ್ಟ್' ಆಯ್ಕೆಯನ್ನು ತರಲು ಯೋಜಿಸುತ್ತಿದೆ.

InShot- ಇನ್‌ಶಾಟ್‌

ಸರಳವಾಗಿ ವಿಡಿಯೊ ಎಡಿಟ್‌ ಮಾಡುವ ಆಪ್‌ಗಳ ಪೈಕಿ ಇನ್‌ಶಾಟ್‌ ಸಹ ಹೆಚ್ಚು ಟ್ರೆಂಡಿಂಗ್‌ನಲ್ಲಿ ಕಾಣಿಸಿಕೊಂಡಿದೆ. ಈ ಆಪ್‌ ಇನ್ಶಾಟ್ ಫಿಲ್ಟರ್‌ಗಳು, ವೀಡಿಯೊ ಟ್ರಿಮ್ಮಿಂಗ್ ಮತ್ತು ಶಾರ್ಟ್ ವೀಡಿಯೊಗಳನ್ನು ಎಡಿಟ್‌ ಮಾಡುವ ಆಯ್ಕೆಗಳು ಇವೆ. ಜೊತೆಗೆ ಮ್ಯೂಸಿಕ್, ಗ್ರಿಡ್‌ ಸೇರಿದಂತೆ ಹಲವು ಆಕರ್ಷಕ ಆಯ್ಕೆಗಳು ಇದರಲ್ಲಿವೆ.

VideoShow- ವಿಡಿಯೊ ಶೋ

ಸಾಮಾಜಿಕ ಮಾಧ್ಯಮ ತುಣುಕುಗಳನ್ನು ಎಡಿಟ್ ಮಾಡಲು ವೀಡಿಯೊ ಶೋ ಉತ್ತಮ ಅಪ್ಲಿಕೇಶನ್ ಆಗಿದೆ. ಹೆಚ್‌ಡಿ ವೀಡಿಯೊಗಳನ್ನು ರಫ್ತು ಮಾಡಲು ಈ ಅಪ್ಲಿಕೇಶನ್ ಅನುಮತಿಸುತ್ತದೆ. ಮ್ಯೂಸಿಕ್ ಸೇರಿಸಬಹುದಾಗಿದೆ. ಹಲವಯ ಫಿಲ್ಟರ್‌ಗಳ ಆಯ್ಕೆಗಳನ್ನು ಈ ಅಪ್ಲಿಕೇಶನ್ ಒಳಗೊಂಡಿದೆ.

PowerDirector- ಪವರ್‌ ಡೈರೆಕ್ಟರ್

ಪವರ್‌ಡೈರೆಕ್ಟರ್ ಆಪ್‌ ಅಗತ್ಯ ಹಾಗೂ ಆಕರ್ಷಕ ವಿಡಿಯೊ ಎಡಿಟಿಂಗ್‌ ಆಯ್ಕೆಗಳನ್ನು ಪಡೆದುಕೊಂಡಿದೆ. ಈ ಆಪ್‌ನಲ್ಲಿ ಕ್ವಿಕ್‌ ಆಗಿ ವಿಡಿಯೊ ಎಡಿಟ್ ಮಾಡಬಹುದಾಗಿದೆ. ಮ್ಯೂಸಿಕ್ ಸೇರಿಸುವ, ಬ್ಯಾಕ್‌ಗ್ರೌಂಡ್‌ ಬದಲಿಸುವ, ವಿಡಿಯೊ ಸ್ಟೆಬಿಲೈಜರ್ ಹಾಗೂ ಫಿಲ್ಟರ್‌ಗಳು ಸೇರಿದಂತೆ ಹಲವು ಫೀಚರ್ಸ್‌ಗಳನ್ನು ಹೊಂದಿದೆ.

Film Maker Pro- ಫಿಲ್ಮ್ ಮೇಕರ್ ಪ್ರೊ

ಫಿಲ್ಮ್ ಮೇಕರ್ ಪ್ರೊ ವಿಡಿಯೊ ಎಡಿಟಿಂಗ್ ಅಪ್ಲಿಕೇಶನ್ ಅತ್ಯುತ್ತಮ ಆಂಡ್ರಾಯ್ಡ್‌ ಆಪ್‌ ಆಗಿದೆ. FX, ಟೆಂಪ್ಲೆಟ್, 100 ಉಚಿತ ಮ್ಯೂಸಿಕ್ ಆಯ್ಕೆಗಳು, ಸೇರಿದಂತೆ ಸ್ಟಿಕ್ಕರ್ ಆಯ್ಕೆಗಳು ಸಹ ಈ ಆಪ್‌ ಒಳಗೊಂಡಿದೆ.