ನೂತನ ಆಂಡ್ರಾಯ್ಡ್ ಓರಿಯೊನಲ್ಲಿದೆ ಹೊಸ ಆಚ್ಚರಿಗಳು: ಇಲ್ಲಿದೇ ನೋಡಿ.!

ಪಿಚ್ಚರ್ ಇನ್ ಪಿಚ್ಚರ್:

ನೂತನ ಆಂಡ್ರಾಯ್ಡ್ ಓರಿಯೊದಲ್ಲಿ ನೀವು ಒಂದೇ ಬಾರಿಗೆ ಒಂದೇ ಸ್ಕ್ರಿನ್‌ನಲ್ಲಿ ಎರಡು ಕಾರ್ಯವನ್ನು ಮಾಡಬಹುದು. ಅದುವೇ ಮಲ್ಟಿ ವಿಂಡೋ ಆಯ್ಕೆ ಇಲ್ಲವಾದರು. ನೀವು ವಿಡಿಯೋ ನೋಡುತ್ತಿರುವ ಸಂದರ್ಭದಲ್ಲಿಯೇ ಮೇಸೆಜ್ ಸ್ವೀಕರಿಸಿ ಅದಕ್ಕೆ ರಿಪ್ಲೇ ಸಹ ಮಾಡಬಹುದಾಗಿದೆ.

ನೋಟಿಫಿಕೇಷನ್:

ಈ ಬಾರಿ ಆಂಡ್ರಾಯ್ಡ್ ನೋಟಿಫಿಕೇಷನ್ ಐಓಎನ್‌ನಲ್ಲಿ ಇದ್ದ ಆಯ್ಕೆಯನ್ನು ಎರವಲು ಪಡೆದುಕೊಂಡಿದ್ದು, ನೋಟಿಫಿಕೇಷನ್ ನೋಡುವ ಸಲುವಾಗಿ ನೀವು ಶಾರ್ಟ್ ಕಟ್ ಬಳಕೆ ಮಾಡಿಕೊಳ್ಳಬಹುದಾಗಿದೆ. ಅಲ್ಲದೇ ಅದನ್ನು ಕ್ಲಿಯರ್ ಮಾಡುವುದು ಸುಲಭವಾಗಲಿದೆ.

ಆಂಡ್ರಾಯ್ಡ್ ಇನ್ಸ್‌ಟೆಂಟ್ ಆಪ್ಸ್:

ಗೂಗಲ್ ಈಗಾಗಲೇ ಇನ್ಸ್‌ಟೆಂಟ್ ಆಪ್ಸ್‌ಗಳನ್ನು ಬಿಡುಗಡೆ ಮಾಡಲು ಮುಂದಾಗಿದ್ದು, ಇದು ಆಂಡ್ರಾಯ್ಡ್ ಓರಿಯೊದಿಂದಲೇ ಶುರುವಾಗಲಿದೆ. ಇದರಲ್ಲಿ ನೀವು ಆಪ್‌ಗಳನ್ನು ಇನ್‌ಸ್ಟಾಲ್ ಮಾಡದೆ ಬ್ರೌಸ್ ಮಾಡಬಹುದಾಗಿದೆ.

ಕನೆಕ್ಟವಿಟಿ:

ಈ ಹೊಸ ಓಎಸ್‌ನಲ್ಲಿ ಕನೆಕ್ಟವಿಟಿಯೂ ಉತ್ತಮವಾಗಿದೆ ಎನ್ನಲಾಗಿದೆ. ಹೈ ಕ್ವಾಲಿಟಿ ಬ್ಲೂಟೂಟ್ ಆಡಿಯೋ, Wi-Fi ಅವೇರ್ ಹೊಂದಿದ್ದು, ಇಂಟರ್ನೆಟ್ ಇಲ್ಲದೆಯೂ Wi-Fi ಕಾರ್ಯನಿರ್ವಹಿಸುವಂತೆ ಮಾಡಲಾಗಿದೆ.

ಗೂಗಲ್ ಪ್ಲೇ ಪ್ರೋಟೆಕ್ಟ್:

ಗೂಗಲ್ ನೂತನವಾಗಿ ಪರಿಚಯ ಮಾಡಿರುವ ಗೂಗಲ್ ಪ್ಲೆ ಪ್ರೋಟೆಕ್ಟ್ ಆಯ್ಕೆಯೂ ಓರಿಯೊದಲ್ಲಿ ಲಭ್ಯವಿರಲಿದೆ. ಇದು ಫೇಕ್ ಆಪ್‌ಗಳನ್ನು ಮತ್ತು ಮಾಲ್ವೇರ್ ಗಳನ್ನ ತಡೆಯುವ ಕಾರ್ಯವನ್ನು ಮಾಡಲಿದೆ.

ದೀರ್ಘ ಬ್ಯಾಟರಿ ಬಾಳಿಕೆ:

ಆಂಡ್ರಾಯ್ಡ್ ಓರಿಯೊದಲ್ಲಿ ಮೊಬೈಲ್ ಬ್ಯಾಟರಿಯನ್ನು ಕಡಿಮೆ ಪ್ರಮಾಣದಲ್ಲಿ ಬಳಕೆ ಮಾಡಿಕೊಳ್ಳುವ ತಂತ್ರಜ್ಞಾನವನ್ನು ಅಳವಡಿಸಲಾಗಿದ್ದು, ಇದರಿಂದ ನಿಮ್ಮ ಸ್ಮಾರ್ಟ್‌ಫೋನ್ ಬ್ಯಾಟರಿ ಹೆಚ್ಚಿನ ಬಾಳಿಕೆ ಬರಲಿದೆ.