ಬಹುನೀರಿಕ್ಷಿತ ಆಂಡ್ರಾಯ್ಡ್ 'O' ಓರಿಯೊ ಬಿಡುಗಡೆ..!

ಮತ್ತೊಂದು ಸಿಹಿ ತಿಂಡಿ:

ಪ್ರತಿ ಬಾರಿ ನೂತನ ಆಂಡ್ರಾಯ್ಡ್ ಬಿಡುಗಡೆ ಮಾಡಿದ ಸಂದರ್ಭದಲ್ಲಿ ಗೂಗಲ್ ಹೊಸದೊಂದು ಸಿಹಿತಿಂಡಿಯ ಹೆಸರನ್ನು ಇಡುವುದು ವಾಡಿಕೆ. ಈ ಹಿನ್ನಲೆಯಲ್ಲಿ ಈ ಬಾರಿ ತನ್ನ ಆಂಡ್ರಾಯ್ಡ್‌ಗೆ O ನಿಂದ ಶುರುವಾಗ ಯಾವ ಹೆಸರನ್ನು ಇಡಲಿದೆ ಎನ್ನುವುದು ತೀವ್ರ ಕುತೂಹಲಕ್ಕೆ ಕಾರಣವಾಗಿತ್ತು. ಓರಿಯೊ ಎಂದು ನಾಮಕರಣ ಮಾಡಿದರುವುದರಿಂದ ಎಲ್ಲಾ ಕುತೂಹಲಗಳಿಗೂ ತೆರೆಬಿದ್ದಿದೆ.

ಎರಡು ಪಟ್ಟು ಅಧಿಕ ವೇಗ:

ಆಂಡ್ರಾಯ್ಡ್ 'O' ಎರಡು ಪಟ್ಟು ಅಧಿಕ ವೇಗವನ್ನು ಹೊಂದಿದೆ ಎನ್ನಲಾಗಿದೆ. ಈಗಾಗಲೇ ಬಳಗೆ ಮುಕ್ತವಾಗಿರುವ ಆಂಡ್ರಾಯ್ಡ್ ನ್ಯೂಗಾಗಿಂತಲೂ ಹೆಚ್ಚಿನ ವೇಗವನ್ನು ಹೊಂದಿದರಲಿದೆ. ಈ ಆಂಡ್ರಾಯ್ಡ್ ಮೊದಲಿಗೆ ಗೂಗಲ್ ಫೋನ್‌ಗಳಿಗೆ ಲಭ್ಯವಿರಲಿದೆ.

ಬ್ಯಾಕ್‌ಗ್ರೌಂಡ್ ಟಾಸ್ಕ್ ನಿರ್ವಾಹಣೆ:

ಇದಲ್ಲದೇ ಬ್ಯಾಕ್‌ಗ್ರಾಂಡ್‌ನಲ್ಲಿ ನಡೆಯುವ ಟಾಸ್ಕ್‌ಗಳನ್ನು ಗೂಗಲ್ ಓರಿಯೊನೇ ನೋಡಿಕೊಳ್ಳಲಿದೆ. ಅಲ್ಲದೇ ಇದರಿಂದ ನಿಮ್ಮ ಬ್ಯಾಟರಿ ಬ್ಯಾಕಪ್ ಸಹ ಉತ್ತಮವಾಗಿರಲಿದೆ. ಜೊತೆಗೆ ಮೊಬೈಲ್ ವೇಗವು ಹೆಚ್ಚಾಗಿರಲಿದೆ.

ಆಟೋ ಫಿಲ್:

ನೂತನ ಆಂಡ್ರಾಯ್ಡ್ ಓರಿಯೊದಲ್ಲಿ ನಿಮ್ಮ ಲಾಗ್‌ ಇನ್‌ಗಳನ್ನು ಆಂಡ್ರಾಯ್ಡ್ ನೆನಪಿಟ್ಟುಕೊಳ್ಳಲಿದ್ದು, ಈ ಹಿಂದೆ ಕ್ರೋಮ್ ಮತ್ತು ಐಓಎಸ್‌ನಲ್ಲಿ ಮಾತ್ರವೇ ಈ ಆಯ್ಕೆ ಲಭ್ಯವಿತ್ತು. ಸದ್ಯ ಇದು ಆಂಡ್ರಾಯ್ಡ್‌ಗೂ ದೊರೆಯುತ್ತಿದೆ. ಇದರಿಂದ ನಿಮ್ಮ ಫೇವರೆಟ್ ಆಪ್‌ಗಳ ಬಳಕೆ ಮತ್ತಷ್ಟು ಸಲುಭವಾಗಲಿದೆ.