ವಾಟ್ಸ್‌ಆಪ್ ಹೊಸ ಆಪ್‌ಡೇಟ್‌ ಕದ್ದ ಮಾಲು..!

ಸ್ನಾಪ್‌ ಚಾಟ್‌ ನಿಂದ ಕದ್ದಿದ್ದು..!

ಸದ್ಯ ವಾಟ್ಸ್‌ಆಪ್ ನೀಡಿರುವ ಆಪ್‌ಡೇಟ್‌ ನಲ್ಲಿರುವ ಸ್ಟೇಟಸ್ ಆಪ್‌ಡೇಟ್, ಮತ್ತೊಂದು ಜನಪ್ರಿಯ ಆಪ್ ಆಗಿರುವ ಸ್ನಾಪ್‌ಚಾಟ್‌ನಿಂದ ಕದ್ದಿದ್ದು ಎನ್ನಲಾಗಿದೆ. ಸದ್ಯ ವಾಟ್ಸ್‌ಆಪ್ ನೀಡಿರುವ ಆಯ್ಕೆಗಳು ಈ ಹಿಂದೆ ಸ್ನಾಪ್‌ಚಾಟ್‌ನಲ್ಲಿ 'ಸ್ಟೋರಿಸ್‌' ಎಂದು ಕರೆಯಲಾಗಿತ್ತು. ಅದು ಸಾಕಷ್ಟು ಜನಪ್ರಿಯತೆಯನ್ನು ಕಾಯ್ದು ಕೊಂಡಿತ್ತು. ಈ ಹಿನ್ನಲೆಯಲ್ಲಿ ವಾಟ್ಸ್ಆಪ್ ಅದನ್ನು ಕಾಪಿ ಮಾಡಿದೆ ಎನ್ನುವ ವಾದ ಜೋರಾಗಿದೆ.

ಎಮೋಜಿ, ಇಮೇಜ ಬಳಸಬಹುದು..!

ಸದ್ಯ ಸ್ಟೇಟಸ್ ಆಪ್‌ಡೇಟ್‌ನಲ್ಲಿ ಕ್ಯಾಮೆರಾ ಆಪ್ ಬಳಸಿಕೊಂಡು ಬಳಕೆದಾರರು ಪೋಟೋ ತೆಗೆಯಬಹುದು, ವಿಡಿಯೋ ಮಾಡಬಹುದು, ಅಲ್ಲದೇ ಆದರ ಮೇಲೆ ಟೆಕ್ಸ್ಟ್ ಮತ್ತು ಎಮೋಜಿಗಳಿಂದ ಬರೆಯಬಹುದಾಗಿದೆ, ಅಲ್ಲದೇ ಇದು 24 ಗಂಟೆಗಳ ನಂತರದಲ್ಲಿ ಅಳಿಸಿ ಹೋಗಲಿದೆ. ಈ ಎಲ್ಲಾ ಫಿಚರ್ ಗಳು ಸ್ನಾಪ್‌ಚಾಟ್‌ನಲ್ಲಿ 'ಸ್ಟೋರಿಸ್‌' ನಲ್ಲಿ ಇರುವುದು.

ವಾಟ್ಸ್‌ಆಪ್‌ ಮಾತ್ರವಲ್ಲ, ಕದ್ದವರು ಇನ್ನು ಇದ್ದಾರೆ..!

ಫೇಸ್‌ಬುಕ್‌ ಒಡೆತನಕ್ಕೆ ಸೇರಿದ ವಾಟ್ಸ್‌ಆಪ್‌ ಮಾತ್ರವೇ ಸ್ನಾಪ್‌ಚಾಟ್‌ 'ಸ್ಟೋರಿಸ್‌'ನ ಕದ್ದಿಲ್ಲ, ಈ ಹಿಂದೇ ಇದೇ ಆಯ್ಕೆಯನ್ನು ಫೇಸ್‌ಬುಕ್ ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ಅಳವಡಿಸಿತ್ತು, ನಂತರ ಮೆಸೆಂಜರ್‌ನಲ್ಲೂ ಇದೇ ಆಯ್ಕೆಗಳನ್ನು ನೀಡಿತ್ತು, ಈಗ ಅದನ್ನೇ ವಾಟ್ಸ್‌ಆಪ್‌ಗೆ ವರ್ಗಾಹಿಸಿದೆ. ಒಟ್ಟಿನಲ್ಲಿ ಸ್ನಾಪ್‌ಚಾಟ್‌ನಲ್ಲಿ 'ಸ್ಟೋರಿಸ್‌' ಫೇಸ್‌ಬುಕ್ ಮಾಲೀಕತ್ವದ ಎಲ್ಲಾ ಆಪ್‌ಗಳಲ್ಲಿಯೂ ಬೇರೆ ಬೇರೆ ಹೆಸರಿನಲ್ಲಿ ಕಾಪಿ ಮಾಡಲಾಗಿದೆ.

ಸ್ಟೇಟಸ್ ಆಪ್‌ಡೇಟ್‌..!

ಸದ್ಯ ವಾಟ್ಸ್‌ಆಪ್ ನೀಡಿರುವ ಸ್ಟೇಟಸ್ ಆಪ್‌ಡೇಟ್‌ ಆಯ್ಕೆಯೂ ಆಂಡ್ರಾಯ್ಡ್, ಐಎಸ್ಓ ಮತ್ತು ವಿಂಡೋಸ್‌ ಬಳಕೆದಾರಿಗೆ ಮುಕ್ತವಾಗಿದ್ದು, ಸುಮಾರು ಬಿಲಿಯನ್‌ ಸಂಖ್ಯೆಯಲ್ಲಿರುವ ವಾಟ್ಸ್ಆಪ್‌ ಬಳಕೆದಾರಿಗೆ ಈ ಆಯ್ಕೆಯೂ ದೊರೆಯಲಿದೆ.