ನೀವು ವಾಟ್ಸ್‌ಆಪ್‌ ನಲ್ಲೇ ಪೇಮೆಂಟ್ ಮಾಡಬಹುದು: ನಿಮ್ಮ ಫೋನಿನಲ್ಲಿ ಲಭ್ಯವಿಲ್ಲವೇ? ಹಾಗಿದ್ರೆ ಹೀಗೇ ಮಾಡಿ

ವಾಟ್ಸ್‌ಆಪ್ ನಲ್ಲಿ UPI ಆಯ್ಕೆ:

ವಾಟ್ಸ್‌ಆಪ್ ಕೊನೆಗೂ UPI ಆಯ್ಕೆಯನ್ನು ನೀಡಲು ಮುಂದಾಗಿದೆ. P2P ಸೇವೆಯನ್ನು ಇದು ನೀಡಲಿದೆ ಎನ್ನಲಾಗಿದೆ. ಅಲ್ಲದೇ ಇದು ಬ್ಯಾಂಕ್ ಟು ಬ್ಯಾಂಕ್ ಟ್ರಾನ್ಸಫರ್ ಆಯ್ಕೆಯನ್ನು ಹೊಂದಿದೆ. ಸದ್ಯ ಪೇಮೆಂಟ್ ಆಯ್ಕೆಯನ್ನು ಬಿಡುಗಡೆ ಮಾಡಿರುವ ವಾಟ್ಸ್‌ಆಪ್ ಆವೃತ್ತಿ 2.17.295 ನಲ್ಲಿ ದೊರೆಯಲಿದೆ.

ನೀವು ಬಿಟಾ ಆವೃತ್ತಿಯನ್ನು ಬಳಸಬೇಕೆ:

ವಾಟ್ಸ್‌ಆಪ್ ಹೊಸದಾಗಿ ನೀಡುವ ಯಾವುದೇ ಆಯ್ಕೆಯನ್ನು ನೀವೇ ಮೊದಲು ಬಳಕೆ ಮಾಡಿಕೊಳ್ಳಬೇಕಾಗಿದೆ, ಪ್ಲೇ ಸ್ಟೋರಿನಲ್ಲಿ ವಾಟ್ಸ್ಆಪ್ ಆಪ್‌ ಓಪನ್ ಮಾಡಿ ಅಲ್ಲಿ ಬಿಟಾ ಬಳಕೆದಾರರಾಗಿ ಸೇರ್ಪಡೆಗೊಳ್ಳಿರಿ.

ಈಗಾಗಲೇ ಅಮೆರಿಕಾದಲ್ಲಿ ಸೇವೆ ಆರಂಭ:

ಫೇಸ್‌ಬುಕ್ ಒಡೆತನದ ವಾಟ್ಸ್‌ಆಪ್ ವಿಶ್ವದಲ್ಲೇ ಅತೀ ಹೆಚ್ಚು ಬಳಕೆ ಮಾಡುವ ಸೋಶಿಯಲ್ ಮೆಸೆಜಿಂಗ್ ಆಪ್ ಆಗಿದ್ದು, ಈಗಾಗಲೇ ಅಮೆರಿಕಾದಲ್ಲಿ ವಾಟ್ಸ್ಆಪ್ ಪೇಮೆಂಟ್ ಸೇವೆಯನ್ನು ಆರಂಭಿಸಿದೆ ಎನ್ನಲಾಗಿದೆ.

ಹೈಕ್ ಈಗಾಗಲೇ ಪೇಮೆಂಟ್ ಆಯ್ಕೆಯನ್ನು ನೀಡಿದೆ:

ವಾಟ್ಸ್‌ಆಪ್ ಪ್ರತಿ ಸ್ಪರ್ಧಿ ಹೈಕ್ ಈಗಾಗಲೇ ಪೇಮೆಂಟ್ ಆಯ್ಕೆಯನ್ನು ಜೂನ್ ತಿಂಗಳಿನಲ್ಲಿಯೇ ಬಿಡುಗಡೆ ಮಾಡಿತ್ತು. ಹೀಗಾಗಿ ವಾಟ್ಸ್‌ಆಪ್ ಸಹ ವೇಗವಾಗಿ ತನ್ನ ಬಳಕೆದಾರಿಗೆ ಪೇಮೆಂಟ್ ಆಯ್ಕೆಯನ್ನು ನೀಡಲು ಮುಂದಾಗಿದೆ.

ಬೇರೆ ಆಪ್‌ಗಳಿಗೆ ಹೊಡೆತ:

ವಾಟ್ಸ್ಆಪ್ ಪೇಮೆಂಟ್ ಸೇವೆಯನ್ನು ಆರಂಭಿಸುವುದರಿಂದ ಬೇರೆ ಪೇಮೆಂಟ್ ಆಪ್ ಗಳಿಗೆ ಹೊಡೆತ ಬೀಳಲಿದೆ. ಏಕೆಂದರೆ ವಾಟ್ಸ್‌ಆಪ್ ಬಳಕೆ ಮಾಡುವ ಜನರು ಬೇರೆ ಆಪ್ ಗಳನ್ನು ಸುಮ್ಮನೆ ಇನ್‌ಸ್ಟಾಲ್ ಮಾಡಿಕೊಳ್ಳುವುದಿಲ್ಲ ಎನ್ನಲಾಗಿದೆ.