ಆಂಡ್ರಾಯ್ಡ್ ಗೇಮ್ ಡೌನ್‌ಲೋಡ್ ಮಾಡುವ ಮುನ್ನ ಗೇಮ್ ಆಡಬಹುದು!!

ಸ್ಮಾರ್ಟ್‌ಫೋನಿನಲ್ಲಿ ಆಟವಾಡುತ್ತಾ ಎಂಜಾಯ್ ಮಾಡುವವರಿಗೆ ಗೂಗಲ್ ಹೊಸದೊಂದು ವೈಶಿಷ್ಟ್ಯವನ್ನು ನೀಡಿದೆ. ಆಪ್‌ಸ್ಟೋರ್‌ನಲ್ಲಿರುವ ಲಕ್ಷಾಂತರ ಗೇಮ್‌ಗಳಲ್ಲಿ ಅತ್ಯುತ್ತಮ ಗೇಮ್ ಯಾವುದು ಎಂಬುದನ್ನು ಡೌನ್‌ಲೋಡ್ ಮಾಡದೇ ತಿಳಿಯಬಹುದಾದ ಆಯ್ಕೆಯನ್ನು ಗೂಗಲ್ ತನ್ನ ಆಪ್‌ ಸ್ಟೋರ್‌ನಲ್ಲಿ ಹೊರತಂದಿದೆ.!!

ಹೌದು, ಆಪ್‌ಸ್ಟೋರ್‌ಗೆ ಬಂದಿರುವ ನೂತನ ಗೇಮ್ ಯಾವುದು ಮತ್ತು ಹೇಗಿದೆ ಎಂದು ಪ್ರತಿದಿನ ಸಾವಿರಾರು ಗೇಮ್‌ಗಳನ್ನು ಆಂಡ್ರಾಯ್ಡ್ ಬಳಕೆದಾರರು ಡೌನ್‌ಲೋಡ್ ಮಾಡುತ್ತಿದ್ದಾರೆ. ಆದರೆ, ಇವುಗಳಲ್ಲಿ ಹಲವು ಗೇಮ್‌ಗಳು ಅಷ್ಟೇನು ಉತ್ತಮವಾಗಿಲ್ಲದೇ ಇರುವುದರಿಂದ ಅವುಗಳನ್ನು ಡಿಲೀಟ್ ಮಾಡುವವರ ಸಂಖ್ಯೆ ಕೂಡ ಹೆಚ್ಚಿದೆ.!!

ಹಾಗಾಗಿ, ಗ್ರಾಹಕರ ಮನಸ್ಥಿತಿಯನ್ನು ಮನಗೊಂಡಿರುವ ಗೂಗಲ್ ಹೊಸ "ಆರ್ಕೇಡ್" ಟ್ಯಾಬ್‌ನಲ್ಲಿ ವೀಡಿಯೊ ಟ್ರೈಲರ್‌ಗಳನ್ನು ಪರಿಶೀಲಿಸಬಹುದಾದ ಹಾಗೂ ಆ ಗೇಮ್‌ ಅನ್ನು ಡೌನ್‌ಲೋಡ್ ಮಾಡದೇ ಆಡಬಹುದಾದ ಆಯ್ಕೆಯನ್ನು ತಂದಿದೆ. ಇದರಿಂದ ಆಂಡ್ರಾಯ್ಡ್ ಬಳಕೆದಾರರು ಗೇಮ್ ಅನುಭವ ಪಡೆದ ನಂತರ ಗೇಮ್ ಡೌನ್‌ಲೋಡ್ ಮಾಡಬಹುದು.!!

ಇದಕ್ಕಾಗಿಯೇ ಗೂಗಲ್ ಪ್ಲೇಸ್ಟೋರ್‌ನಲ್ಲಿ ಗೂಗಲ್ ಪ್ಲೇ ಗೇಮ್ ಅಪ್ಲಿಕೇಶನ್ ಅನ್ನು ಮರುವಿನ್ಯಾಸಗೊಳಿಸಿದೆ. ಹಾಗಾಗಿ, ಇನ್ಮುಂದೆ ಆಂಡ್ರಾಯ್ಡ್ ಬಳಕೆದಾರರು ಆಪ್‌ ಸ್ಟೋರ್‌ನಲ್ಲಿರುವ ಯಾವ ಗೇಮ್ ಉತ್ತಮವಾಗಿದೆ ಎಂಬುದನ್ನು ಒಮದು ಟ್ಯಾಪ್‌ನಲ್ಲಿ ತಿಳಿದು ನಂತರ ಆ ಗೇಮ್‌ ಡೌನ್‌ಲೋಡ್ ಮಾಡಿ ಎಂಜಾಯ್ ಮಾಡಬಹುದು.!! ಏನಂತಿರಾ?

ಓದಿರಿ: ನಿಮ್ಮ ಹಳೆ ಸ್ಮಾರ್ಟ್‌ಪೋನ್ ಮಾರುವ ಮುನ್ನ ಈ ಎಚ್ಚರಿಕೆಗಳಿರಲಿ!!