ಸೆಲ್ಫಿಗಾಗಿ ಹಂಸ ಪಕ್ಷಿಯ ಪ್ರಾಣವನ್ನೇ ತೆಗೆದ ಪ್ರವಾಸಿ

By Suneel

Published: Friday, March 11, 2016, 19:41 [IST]

ಆಂಗ್ಲ ಭಾಷೆಯಲ್ಲಿ "pleasures of ignorense" ಎಂಬ ಮಾತಿದೆ. ಅಂದ್ರೆ ಅಜ್ಞಾನದ ಸಂತೋಷ ಅಂತ. ಈ ಮಾತು ಯಾಕೆ ನೆನಪಾಗುತ್ತೆ ಅಂದ್ರೆ, ಕೆಲವರಿಗೆ ಸೂಕ್ಷ್ಮ ಪ್ರಜ್ಞೆ ಎಂಬುದೇ ಇರುವುದಿಲ್ಲ. ಕೆಲವೊಮ್ಮೆ ಸಂತೋಷದಲ್ಲಿ ಸಂತೋಷಕ್ಕಾಗಿ ಮಾಡುವ ಚಟುವಟಿಕೆಗಳು ಸರಿನೋ ತಪ್ಪೋ ಎಂಬುದೇ ಕೆಲವರಿಗೆ ತಿಳಿಯುವುದಿಲ್ಲಾ. ಇದನ್ನ ಯಾಕೆ ಹೇಳಿದ್ದೀನಿ ಅಂದ್ರೆ ಇಂದಿನ ಸೆಲ್ಫಿ ಗೀಳು ಇರುವವರು ಅಂತಹ ಕೆಲವು ಚಟುವಟಿಕೆಗಳಲ್ಲಿ ತೊಡಗಿದ್ದಾರೆ.

ಮ್ಯಾಸೆಡೊನಿಯ ನಗರಕ್ಕೆ ಭೇಟಿ ನೀಡಿದ್ದ ಪ್ರವಾಸಿ ಮಹಿಳೆಯೊಬ್ಬರು ಕೇವಲ ಒಂದು ಸೆಲ್ಫಿ ಫೋಟೋಗಾಗಿ ನದಿ ತೀರದಲ್ಲಿಯ ಹಂಸ ಪಕ್ಷಿಯನ್ನೇ ಬಲಿ ತೆಗೆದಿದ್ದಾರೆ. ಈ ಬಗ್ಗೆ ವಿಶೇಷ ಮಾಹಿತಿಯನ್ನು ಲೇಖನದಲ್ಲಿ ಓದಿ ತಿಳಿಯಿರಿ.

ಸೆಲ್ಫಿಗಾಗಿ ಹಂಸ ಬಲಿ

ಸೆಲ್ಫಿಗಾಗಿ ಪ್ರಾಣಿಯನ್ನು ಬಲಿತೆಗೆದುಕೊಂಡ ಮನುಷ್ಯನ ಚಟುವಟಿಕೆ ಇದೇ ಮೊದಲಲ್ಲ. ಅಂತೆಯೇ ಈ ಭಾರಿ ಮ್ಯಾಸೆಡೊನಿಯ ನದಿ ತೀರದಲ್ಲಿ ಮಹಿಳೆಯೊಬ್ಬರು ಹಂಸ ವನ್ನು ಸೆಲ್ಫಿಗಾಗಿ ಬಳಸಿಕೊಳ್ಳಲೋಗಿ ಅದರ ಪ್ರಾಣವೇ ಹಾರಿಹೋಗಿದೆ.

ಸೆಲ್ಫಿಗಾಗಿ ಹಂಸದ ರೆಕ್ಕೆ ಎಳೆಯುತ್ತಿರುವ ಚಿತ್ರ

ಎಡಭಾಗದ ಚಿತ್ರದಲ್ಲಿ ನೀವು ನೋಡಬಹುದು. ಕೇವಲ ಒಂದು ಸೆಲ್ಫಿಗಾಗಿ ನೀರಿನಲ್ಲಿ ಆಡುತ್ತಿದ್ದ ಹಂಸದ ರೆಕ್ಕೆ ಇಡಿದು ಮ್ಯಾಸೆಡೊನಿಯಾದ ನದಿ ಹೋರಿಡ್‌ ತೀರದಲ್ಲಿ ಎಳೆಯುತ್ತಿರುವುದು.

ಸೆಲ್ಫಿ ತೆಗೆದ ನಂತರ ಹಂಸ ಬಿಡಲಾಯಿತು

ಪ್ರಾವಾಸಿ ಮಹಿಳೆ ಸೆಲ್ಫಿ ತೆಗೆದುಕೊಂಡ ನಂತರ ಹಂಸವನ್ನು ಕೈಬಿಟ್ಟಿದ್ದಾಳೆ. ಆದರೆ ಅದು ಅವಳು ಕೈಬಿಟ್ಟ ನಂತರ ಅದು ತೀರಿಕೊಂಡಿರುವ ಘಟನೆ ನಡೆದಿದೆ ಎಂದು ಮ್ಯಾಸೆಡೊನಿಯ ಆನ್‌ಲೈನ್‌ ವರದಿ ಹೇಳಿದೆ.