ಕಂಪ್ಯೂಟರ್‌ಗೆ ದಿಗ್ಬಂಧನ ಹೀಗಿರಲಿ

#1

ಈ ಹಬ್ಬದ ದಿನಗಳಲ್ಲಿ ನೀವು ನಿಮ್ಮ ಪ್ರೀತಿ ಪಾತ್ರರಿಗೆ ಕೊಡುಗೆಗಳನ್ನು ನೀಡುವುದು ಸರ್ವೇ ಸಾಮಾನ್ಯ. ನೀವು ಈ ಪಟ್ಟಿಯನ್ನು ನಿಮ್ಮ ಕಂಪ್ಯೂಟರ್‌ನಲ್ಲಿ ಸಿದ್ಧಪಡಿಸಿದ್ದೀರಿ ಎಂದಾದಲ್ಲಿ ಅದನ್ನು ಮರೆಮಾಚುವುದು ಅತೀ ಅಗತ್ಯವಾದುದು.

#2

ನಿಮ್ಮ ಆನ್‌ಲೈನ್ ಬ್ಯಾಂಕಿಂಗ್ ಮಾಹಿತಿ ಇರುವಂತಹ ಫೈಲ್‌ಗಳು, ಖಾತೆ ಅಂಕೆಗಳು ಮತ್ತು ಇತರ ಆರ್ಥಿಕ ಮಾಹಿತಿಗಳನ್ನು ಗೌಪ್ಯವಾಗಿಡಿ.

#3

ನೀವು ನಿಮ್ಮ ಉದ್ಯೋಗ ಅರ್ಜಿಗಳನ್ನು ನಿಮ್ಮ ಕಂಪ್ಯೂಟರ್‌ನಲ್ಲಿ ಉಳಿಸಿದ್ದೀರಿ ಎಂದಾದಲ್ಲಿ ಅದರ ಸಂರಕ್ಷಣೆ ನಿಮ್ಮ ಕೈಯಲ್ಲಿ ಅಡಗಿದೆ. ನಿಮ್ಮ ಸಹೋದ್ಯೋಗಿಗಳು ಇದನ್ನು ನೋಡುವ ಅಪಾಯ ಹೆಚ್ಚಿರುವುದರಿಂದ ಇದರ ಸುರಕ್ಷತೆಯನ್ನು ನೀವು ಅತ್ಯವಶ್ಯಕವಾಗಿ ಮಾಡಲೇಬೇಕು.

#4

ನಿಮ್ಮ ಜನನ ಮಾಹಿತಿ, ಪಾಸ್‌ಪೋರ್ಟ್ ದಾಖಲೆಗಳು, ಸಾಮಾಜಿಕ ಭದ್ರತಾ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್ ಮೊದಲಾದ ಖಾಸಗಿ ಮಾಹಿತಿಯ ಫೈಲ್‌ಗಳನ್ನು ನಿಮ್ಮ ಕಂಪ್ಯೂಟರ್‌ನಲ್ಲಿ ಸುರಕ್ಷಿತವಾಗಿರಿಸಿ ಇದಕ್ಕೆ ಲಾಕ್ ಅಥವಾ ಪಾಸ್‌ವರ್ಡ್ ಅನ್ನು ಭದ್ರಪಡಿಸಿ.

#5

ನಿಮ್ಮ ಬ್ರೌಸಿಂಗ್ ಇತಿಹಾಸದ ಬಗ್ಗೆ ಹೆಚ್ಚಿನ ಕಾಳಜಿಯನ್ನು ನೀವು ವಹಿಸಬೇಕು. ಇದನ್ನು ನೀವು ಅಳಿಸಿಲ್ಲ ಎಂದಾದಲ್ಲಿ ನಿಮ್ಮನ್ನು ಹಿಂಬಾಲಿಸುತ್ತಿರುವ ವ್ಯಕ್ತಿ ನಿಮ್ಮ ಖಾಸಗಿ ಮಾಹಿತಿಯನ್ನು ಇದರ ಮೂಲಕ ಸುಲಭವಾಗಿ ಪಡೆದುಕೊಳ್ಳಬಹುದು. ಆದ್ದರಿಂದ ಕಟ್ಟೆಚ್ಚರ ಅತೀ ಅಗತ್ಯ.

#6

ಈ ವಿಷಯದಲ್ಲಂತೂ ನೀವು ಹೆಚ್ಚುವರಿ ಮುಂಜಾಗ್ರತೆಯನ್ನು ವಹಿಸಲೇ ಬೇಕು. ಬಗೆ ಬಗೆಯ ಪಾಸ್‌ವರ್ಡ್ ಅನ್ನು ಬಳಸಿ ನಿಮ್ಮ ಫೈಲ್‌ಗಳನ್ನು ಕಾಪಾಡುವುದು ಸುರಕ್ಷಿತ ಎಂದು ನೀವು ಆಲೋಚಿಸಿರಬಹುದು ಆದರೆ ಇದು ನಿಮ್ಮನ್ನು ಅಪಾಯಕ್ಕೆ ತಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ ಎಂಬುದನ್ನು ನೆನಪಿನಲ್ಲಿಡಿ. ಆದ್ದರಿಂದ ನಿಮ್ಮ ಫೈಲ್‌ಗಳನ್ನು ಮರೆಮಾಡಿ ಇಲ್ಲವೇ ಎನ್‌ಕ್ರಿಪ್ಟ್ ಮಾಡಿ.

#7

ನಿಮ್ಮ ಖಾಸಗಿ ಡೈರಿಗಳು ಮತ್ತು ನಿಮ್ಮ ಅಸ್ತಿತ್ವದಲ್ಲಿರುವ ಕೆಲವೊಂದು ವೃತ್ತ ಪತ್ರಿಕೆಗಳು ಕಂಪ್ಯೂಟರ್‌ನಲ್ಲಿದ್ದರೆ ಅದನ್ನು ಸಂರಕ್ಷಿಸಿ. ಇವುಗಳಲ್ಲಿರುವ ನಿಮ್ಮ ಮಾಹಿತಿಗಳು ಆಗಂತುಕರ ಕೈ ಸೇರಿದವೆಂದರೆ ಅಪಾಯ ಕಟ್ಟಿಟ್ಟ ಬುತ್ತಿಯಾಗಿದೆ.

#8

ನೀವು ಯಾವುದಾದರೂ ಕಂಪೆನಿಯಲ್ಲಿ ಕೆಲಸ ಮಾಡುವವರಾಗಿದ್ದಲ್ಲಿ ಅಲ್ಲಿ ಕೆಲವೊಂದು ನಿಯಮಗಳಿರುತ್ತವೆ ಅಂದರೆ ನಿಮ್ಮ ಫೈಲ್‌ಗಳನ್ನು ರಹಸ್ಯವಾಗಿಡುವುದು ಮುಂತಾದ ಕಚೇರಿ ಮಾಹಿತಿಗಳ ಸಂರಕ್ಷಣೆ ನಿಮ್ಮ ಜವಬ್ದಾರಿಯಾಗಿರುತ್ತದೆ. ಈ ಸಮಯದಲ್ಲಿ ನೀವು ಮೈಯೆಲ್ಲಾ ಕಣ್ಣಾಗಿ ನಿಮ್ಮ ಫೈಲ್‌ಗಳ ರಕ್ಷಣೆಯನ್ನು ಮಾಡಬೇಕಾಗುತ್ತದೆ.