ಆ್ಯಪಲ್ ವಾಚ್ 2: ದೊಡ್ಡ ಬ್ಯಾಟರಿ, ತೆಳುವಾದ ಪರದೆ.

ತೆಳುವಾದ ಪರದೆ.

ಆ್ಯಪಲ್ ಕಂಪನಿಯ ಆ್ಯಕ್ಸೆಸರೀಸ್ ಗಳನ್ನು ಮಾರುವ 'ಬೈಟ್' ಅಂಗಡಿಯಿಂದ ಈ ಸೋರಿಕೆಯಾಗಿದೆ. ನಿನ್ನೆ ದಿನ ಅವರು ಆ್ಯಪಲ್ ವಾಚ್ 2ನ ವಿಶೇಷತೆಗಳನ್ನು ಹೊರಹಾಕಿದ್ದಾರೆ.

ಆ್ಯಪಲ್ ವಾಚ್ 2 ಹಿಂದಿನ ವಾಚಿಗಿಂತ ಕೊಂಚ ತೆಳುವಾದ ಪರದೆಯನ್ನು ಹೊಂದಿರಲಿದೆ. ಆದರೆ ಹಾರ್ಡ್ ವೇರಿನ ಕಾರಣದಿಂದಾಗಿ ಒಟ್ಟಾರೆ ಗಾತ್ರ ಮುಂಚಿನಷ್ಟೇ ಇರಲಿದೆ.

ದೊಡ್ಡ ಬ್ಯಾಟರಿ

ಬೈಟ್ ತೋರಿಸುವ ವೀಡಿಯೋದ ಪ್ರಕಾರ, ಆ್ಯಪಲ್ ವಾಚ್ 2ರ ಬ್ಯಾಟರಿ 1.28ವ್ಯಾಟ್ ಅವರ್ಸ್ ಇರಲಿದೆ. ಈ ಮುಂಚಿನ ಗಾಳಿಸುದ್ದಿಗಳು ಇದನ್ನೇ ಹೇಳಿದ್ದವು.

ಸೋರಿಕೆಯಾದ ವೀಡಿಯೋವನ್ನು ನಂಬುವುದಾದರೆ, 42ಎಂಎಂ ಆ್ಯಪಲ್ ವಾಚ್ 2ರಲ್ಲಿ 334 ಎಂ.ಎ.ಹೆಚ್ ಬ್ಯಾಟರಿ ಇರಲಿದೆ. ಇದು ಹಿಂದಿನ ವಾಚಿಗಿಂತ 35.7 ಪರ್ಸೆಂಟೆನಷ್ಟು ಜಾಸ್ತಿ. 38ಎಂಎಂ ಆ್ಯಪಲ್ ವಾಚ್ 2 ಬ್ಯಾಟರಿಯ ಬಗ್ಗೆ ಯಾವುದೇ ಮಾಹಿತಿಯಿಲ್ಲ.

ವೇಗದ ಟಿ.ಎಸ್.ಎಂ.ಸಿ ಬಿಲ್ಟ್ ಪ್ರೊಸೆಸರ್.

ಆ್ಯಪಲ್ ವಾಚ್ 2ನಲ್ಲಿ ಆ್ಯಪಲ್ಲಿನ ಹೊಸ ಎಸ್2 ಪ್ರೊಸೆಸರ್ ಇರಲಿದೆ, ಇದು ಟಿ.ಎಸ್.ಎಂ.ಸಿ ಬಿಲ್ಟ್ ಪ್ರೊಸೆಸರ್.

ಅದೇ ವಿನ್ಯಾಸ.

ಐಫೋನ್ 7 ಮತ್ತು ಐಫೋನ್ 7 ಪ್ಲಸ್ ನಂತೆಯೇ ಆ್ಯಪಲ್ ವಾಚ್ 2ರ ವಿನ್ಯಾಸದಲ್ಲೂ ಯಾವುದೇ ಬದಲಾವಣೆಗಳಿಲ್ಲ. ತನ್ನ ಹಿಂದಿನ ವಾಚಿನಂತೆಯೇ ಇದರ ವಿನ್ಯಾಸವೂ ಇರಲಿದೆ, ಆದರೆ ಪರದೆ ಕೊಂಚ ತೆಳುವಾಗಿರಲಿದೆ.

ಉತ್ತಮ ಜಿಯೋಲೊಕೇಷನ್ ಸೌಕರ್ಯ.

ಆ್ಯಪಲ್ ವಾಚ್ 2ನಲ್ಲಿ ಆ್ಯಪಲ್ ಕಂಪನಿಯು ಬ್ಯಾರೋಮೀಟರನ್ನು ಅಳವಡಿಸುವ ಸಾಧ್ಯತೆಯಿದೆ. ಜೊತೆಗೆ ಕಂಪನಿಯು ಉತ್ತಮ ಜಿಯೋಲೊಕೇಷನ್ ಗಾಗಿ ಜಿಪಿಎಸ್ ಚಿಪ್ ಅನ್ನು ಮತ್ತಷ್ಟು ಉತ್ತಮಗೊಳಿಸಲಿದೆ.

ಸಿಮ್ ಸೌಕರ್ಯ.

ಇದು ಇಲ್ಲಿಯವರೆಗೆ ಬಂದಿರುವ ಗಾಳಿ ಸುದ್ದಿಗಳಲ್ಲಿ ಆಸಕ್ತಿದಾಯಕವಾದುದು. ಆ್ಯಪಲ್ ವಾಚ್ 2ನಲ್ಲಿ ಎಲ್.ಟಿ.ಇ ಸಂಪರ್ಕ ಇರಲಿದೆ. ಆದರೆ ವಿಶ್ಲೇಷಕ ಮಿಂಗ್ ಚಿ ಕುಹೊ ಪ್ರಕಾರ ಆ್ಯಪಲ್ ಅದನ್ನು 2017ರಲ್ಲಿ ಬಿಡುಗಡೆಗೊಲಿಸುತ್ತದೆ. ಆದರೆ ಸ್ಯಾಮ್ಸಂಗ್ ಗೇರ್ ಎಸ್ 3ಯಲ್ಲಿ ಸಿಮ್ ಸೌಕರ್ಯವಿರುವುದರಿಂದ ಆ್ಯಪಲ್ ಕೂಡ ಸಿಮ್ ಸೌಕರ್ಯವನ್ನು ಈಗಲೇ ನೀಡಬಹುದು.

ಬೆಲೆ ಮತ್ತು ಲಭ್ಯತೆ.

ಬೆಲೆಯ ಬಗ್ಗೆ ಯಾವುದೇ ಗಾಳಿ ಸುದ್ದಿಗಳಿಲ್ಲ, ಆದರೆ ಆ್ಯಪಲ್ ವಾಚಿನ ಬೆಲೆ $250 - $350ರಷ್ಟಿರಲಿದೆ.

ಸೆಪ್ಟೆಂಬರ್ ಏಳರ ಕಾರ್ಯಕ್ರಮದಲ್ಲಿ ಆ್ಯಪಲ್ ವಾಚ್ 2 ಬಿಡುಗಡೆಯಾದರೆ ಪ್ರಿ ಆರ್ಡರ್ ತಕ್ಷಣವೇ ಪ್ರಾರಂಭವಾಗಲಿದೆ.