ಭವಿಷ್ಯದ ಕಾರುಗಳು ಹೇಗಿರಲಿವೆ?..ಏನೆಲ್ಲಾ ತಂತ್ರಜ್ಞಾನಗಳು ಅಭಿವೃದ್ದಿಯಾಗುತ್ತಿವೆ ಗೊತ್ತಾ?

ಬ್ರೇನ್ ಟು ವೆಹಿಕಲ್ ತಂತ್ರಜ್ಞಾನ

ಚಾಲಕ ಧರಿಸುವ ಕ್ಯಾಪ್ ಮೂಲಕ ಮೆದುಳಿನ ಕಾರ್ಯವೈಖರಿಯನ್ನು ಅಳೆಯುವ ತಂತ್ರಜ್ಞಾನ ಅಭಿವೃದ್ದಿಯಾಗುತ್ತದೆ. ನಿಸ್ಸಾನ್ ಈ ತಂತ್ರಜ್ಞಾನದಲ್ಲಿ ಮುಂದಿದ್ದು, ಚಾಲಕನ ನಡವಳಿಕೆಯನ್ನು ಊಹಿಸುವ ಈ ತಂತ್ರಜ್ಞಾನ ಚಾಲನೆಯಲ್ಲಿನ ತೊಂದರೆಗಳನ್ನು ಕಂಡುಹಿಡಿಯುವ ಸಾಧನವಾಗಿಯೂ ಬಳಕೆಯಾಗಲಿದೆ.!!

ಸಂವಹನ ನಡೆಸುವ ಕಾರು

ಎಲ್ಲಾ ನಿಟ್ಟಿನಿಂದಲೂ ವಾಹನದ ಸಂಪರ್ಕ, ಅಂದರೆ ವೈಫೈ ಹಾಟ್‌ಸ್ಪಾಟ್‌, ರಿಮೋಟ್ ಅನ್‌ಲಾಕಿಂಗ್‌, ಹಾಗೆಯೇ ಲೊಕೇಷನ್ ಸರ್ವೀಸ್‌ಗಳನ್ನು ಹೊಂದುವಂತೆ ಮಾಡುವ ಸಂವಹನ ತಂತ್ರಜ್ಞಾನವನ್ನು ಸೆಲ್ಯುಲರ್ ವೆಹಿಕಲ್ ಟು ಎವ್ರಿಥಿಂಗ್ (ಸಿ-ವಿ2ಎಕ್ಸ್)ಎಂದು ಕರೆಯಲಾಗುತ್ತದೆ. ಫೋರ್ಡ್ ಕಂಪೆನಿ ಈ ನಿಟ್ಟಿನಲ್ಲಿ ಮೊದಲ ಸ್ಥಾನದಲ್ಲಿದೆ.!!

ಹ್ಯುಂಡೈನ ಇಂಟೆಲಿಜೆಂಟ್ ಪರ್ಸನಲ್!!

ಫೋನ್ ಕಾಲ್, ಎಸ್ಎಮ್ಎಸ್, ಮ್ಯಾಪ್, ಹವಾಮಾನ ಗುರುತಿಸುವಿಕೆ, ಶೆಡ್ಯೂಲ್‌ ನಿರ್ವಹಣೆ ಎಲ್ಲವನ್ನೂ ಕಾರಿನಲ್ಲಿ ತರಲು ಹ್ಯುಂಡೈನ ಇಂಟೆಲಿಜೆಂಟ್ ಪರ್ಸನಲ್ ಸಾಧ್ಯವಾಗಲಿದೆ. ಚಾಲಕರಿಗೆ ಧ್ವನಿ ಮೂಲಕ ಎ.ಸಿ, ಸನ್‌ರೂಫ್, ಡೋರ್ ಲಾಕ್‌ಗಳ ನಿಯಂತ್ರಣ ಸಾಧ್ಯವಾಗಲಿದೆ.!!

ವೈಯಕ್ತಿಕ ಸಹಾಯಕ!!

ವಾಹನದ ಇನ್ಫೊಟೇನ್ಮೆಂಟ್ ಸಿಸ್ಟಂನಲ್ಲಿ ಕೃತಕ ಬುದ್ಧಿಮತ್ತೆ ಅಳವಡಿಸಿ ಚಾಲಕರಿಗೆ ವೈಯಕ್ತಿಕ ಸಹಾಯಕನಾಗಿಯೂ ಈ ತಂತ್ರಜ್ಞಾನ ಬಳಕೆಯಾಗುತ್ತದೆ. ನಾಳೆ ಹವಾಮಾನ ಹೇಗಿರುತ್ತದೆ, ನನಗೆ ಮೀಟಿಂಗ್ ಇರುವುದನ್ನು ನೆನಪಿಸು' ಎಂದು ಹೇಳಿದರೆ ಏಕಕಾಲದಲ್ಲಿ ಅವುಗಳನ್ನು ಗುರುತಿಸಿ ಅದಕ್ಕೆ ತಕ್ಕಂತೆ ಕೆಲಸವನ್ನು ಈ ತಂತ್ರಜ್ಞಾನ ಮಾಡಬಲ್ಲದು.!!

ಇಂಟ್ಯೂಟಿವ್ ಆಪರೇಟಿಂಗ್ ಸಿಸ್ಟಂ!!

ಮರ್ಸಿಡೆಸ್ ಬೆಂಜ್ ಕೂಡ ಹೊಸ ಇನ್ಫೊಟೇನ್ಮೆಂಟ್ ಇಂಟರ್‌ಫೇಸ್ ಅನ್ನು ತನ್ನ ಕಾಂಪಾಕ್ಟ್ ವಾಹನಗಳಿಗೆ ಬಳಸುತ್ತಿದೆ. ಅದನ್ನೇ ಇಂಟ್ಯೂಟಿವ್ ಆಪರೇಟಿಂಗ್ ಸಿಸ್ಟಂ ಎಂದು ಕರೆದುಕೊಂಡಿದೆ. ಈ ತಂತ್ರಜ್ಞಾನವನ್ನು ಕಾರುಗಳಲ್ಲಿ ಅಳವಡಿಸಿ ಈ ವರ್ಷ ಬಿಡುಗಡೆಗೊಳಿಸಲು ಸಿದ್ಧತೆ ನಡೆಸಿದೆ.!!

ಮೆದುಳಿನ ತರಂಗಗಳನ್ನು ತಿಳಿಯುವ ತಂತ್ರಜ್ಞಾನ!!

ಕೃತಕ ಬುದ್ದಿಮತ್ತೆ ಮೆದುಳಿನ ತರಂಗಗಳನ್ನು ತಿಳಿದುಕೊಂಡು ಕಾರಿನ ಕ್ರಿಯೆ ಹಾಗೂ ಚಾಲಕನ ನಿರೀಕ್ಷೆ ಇವೆರಡರ ನಡುವಿನ ಅಂತರವನ್ನು ಕಡಿಮೆಗೊಳಿಸುತ್ತದೆ ಎಂದು ಅಂದಾಜಿಸಲಾಗಿದೆ. ಈ ತಂತ್ರಜ್ಞಾನವನ್ನು ಭವಿಷ್ಯದ ಸ್ವಯಂ ಚಾಲಿತ ಕಾರುಗಳಿಗೆ ಸಹಕಾರವಾಗುವಂತೆಯೂ ರೂಪಿಸಲಾಗುತ್ತಿದೆ ಎಂದು ಹೇಳಲಾಗಿದೆ.