25,000ರೂ. ಒಳಗಿರುವ ಕೆಲವು ಆಕರ್ಷಕ ಸ್ಮಾರ್ಟ್‌ಟಿವಿಗಳು;..ಫೀಚರ್ಸ್‌ ಹೇಗಿವೆ?

ಹೌದು, ಸ್ಮಾರ್ಟ್‌ಟಿವಿ ವಿಭಾಗದಲ್ಲಿ ಕ್ರೋಮಾ, ಅಮೆಜಾನ್‌, ಸ್ಯಾಮ್‌ಸಂಗ್‌, ಒನ್‌ಪ್ಲಸ್‌ ಹಾಗೂ ತೋಷಿಬಾ ,ಮಿ ನಂತಹ ಕಂಪೆನಿಗಳು ಕಡಿಮೆ ಬೆಲೆಯಲ್ಲಿ ಅದರಲ್ಲೂ ಒಳ್ಳೆಯ ಫೀಚರ್ಸ್ ಇರುವ ಸ್ಮಾರ್ಟ್‌ಟಿವಿಗಳನ್ನು ಗ್ರಾಹಕರ ಬೇಡಿಕೆಗೆ ಅನುಗುಣವಾಗಿ ಪರಿಚಯಿಸುತ್ತಾ ಬಂದಿವೆ. ನಾವು ಈ ಲೇಖನದಲ್ಲಿ ಕೇವಲ 25,000 ರೂ. ಗಳ ಬೆಲೆ ಒಳಗೆ ಇರುವ ಪ್ರಮುಖ ಫೀಚರ್ಸ್‌ ಹೊಂದಿರುವ ಸ್ಮಾರ್ಟ್‌ಟಿವಿಗಳ ಬಗ್ಗೆ ವಿವರಿಸಲಿದ್ದೇವೆ. ಈಗ ನೀವೇನಾದರೂ ಸ್ಮಾರ್ಟ್‌ಟಿವಿ ಕೊಂಡುಕೊಳ್ಳಬೇಕು ಎಂದುಕೊಂಡಿದ್ದರೆ ಈ ಲೇಖನ ನಿಮಗೆ ಸಹಾಯಕವಾಗಲಿದೆ. ಹಾಗಿದ್ರೆ ಬನ್ನಿ ಸ್ಮಾರ್ಟ್‌ಟಿವಿಗಳ ವಿವರವನ್ನು ಪಡೆಯೋಣ.

ಕ್ರೋಮಾ 80 cm HD ಆಂಡ್ರಾಯ್ಡ್ ಸ್ಮಾರ್ಟ್ ಟಿವಿ

ಈ ಸ್ಮಾರ್ಟ್‌ಟಿವಿ 2022 ರಲ್ಲಿ ಬಿಡುಗಡೆಯಾಗಿದ್ದು, 32 ಇಂಚಿನ ಅಗಲದ ಡಿಸ್ಪ್ಲೇ ಮತ್ತು 1366 x 768 ಪಿಕ್ಸೆಲ್‌ ರೆಸಲ್ಯೂಶನ್‌ ಆಯ್ಕೆಯ ಜೊತೆಗೆ 60 Hz ರಿಫ್ರೆಶ್ ದರ ಹೊಂದಿದೆ. 20 Wನ ಶಕ್ತಿಯುತ ಡಾಲ್ಬಿ ಆಡಿಯೋ ಸ್ಪೀಕರ್ ಈ ಸ್ಮಾರ್ಟ್‌ಟಿವಿಯಲ್ಲಿದ್ದು, ಸಿನಿಮಾ ಥಿಯೇಟರ್‌ನ ಅನುಭವವನ್ನು ನೀಡುತ್ತದೆ. ಹಾಗೆಯೇ ಆಡ್ರಾಯ್ಡ್‌ ಓಎಸ್‌ ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಈ ಸ್ಮಾರ್ಟ್‌ಟಿವಿಯಲ್ಲಿ 1GB RAM ಹಾಗೂ 8 GB ಆಂತರಿಕ ಸ್ಟೋರೇಜ್‌ ಇದೆ. ಇದರ ಬೆಲೆ 12.990 ರೂ.ಗಳು.

ಒನ್‌ಪ್ಲಸ್‌ Y ಸೀರಿಸ್ ಸ್ಮಾರ್ಟ್‌ಟಿವಿ

ಈ ಸ್ಮಾರ್ಟ್‌ಟಿವಿ 2022 ರಲ್ಲಿ ಬಿಡುಗಡೆಯಾಗಿದ್ದು, 32 ಇಂಚಿನ ಅಗಲದ ಡಿಸ್ಪ್ಲೇ ಮತ್ತು 1366 x 768 ಪಿಕ್ಸೆಲ್‌ ರೆಸಲ್ಯೂಶನ್‌ ಆಯ್ಕೆಯ ಜೊತೆಗೆ 60 Hz ರಿಫ್ರೆಶ್ ದರ ಹೊಂದಿದೆ. 20 Wನ ಶಕ್ತಿಯುತ ಡಾಲ್ಬಿ ಆಡಿಯೋ ಸ್ಪೀಕರ್ ಈ ಸ್ಮಾರ್ಟ್‌ಟಿವಿಯಲ್ಲಿದ್ದು, ಸಿನಿಮಾ ಥಿಯೇಟರ್‌ನ ಅನುಭವವನ್ನು ನೀಡುತ್ತದೆ. ಹಾಗೆಯೇ ಆಡ್ರಾಯ್ಡ್‌ ಓಎಸ್‌ ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಈ ಸ್ಮಾರ್ಟ್‌ಟಿವಿಯಲ್ಲಿ 1GB RAM ಹಾಗೂ 8 GB ಆಂತರಿಕ ಸ್ಟೋರೇಜ್‌ ಇದೆ. ಇದರ ಬೆಲೆ 12.990 ರೂ.ಗಳು.

ತೋಷಿಬಾ 108 cm ನ V ಸರಣಿಯ ಸ್ಮಾರ್ಟ್‌ ಟಿವಿ

ಈ ಸ್ಮಾರ್ಟ್‌ಟಿವಿ ಪೂರ್ಣ ಹೆಚ್‌ಡಿ 1920x1080 ಪಿಕ್ಸೆಲ್‌ನ ರೆಸಲ್ಯೂಶನನ್ನು ಹೊಂದಿದೆ. ಹಾಗೆಯೇ ಇದರ ರಿಫ್ರೆಶ್ ದರ 60 Hz ಆಗಿದೆ. ಈ ಸ್ಮಾರ್ಟ್‌ಟಿವಿ 20W ಶಕ್ತಿಯುತ ಸ್ಟಿರಿಯೊ ಸ್ಪೀಕರ್‌ಗಳ ಮೂಲಕ ಉತ್ತಮ ಆಡಿಯೋ ಅನುಭವ ನೀಡಲಿದೆ. ಇದರಲ್ಲಿ ಡಾಲ್ಬಿ ಆಡಿಯೋ, DTS ವರ್ಚುವಲ್ ವೈಶಿಷ್ಟ್ಯ ಸಹ ಇವೆ. ಪ್ರಮಾಣೀಕೃತ ಆಂಡ್ರಾಯ್ಡ್‌ TV 11 ರಲ್ಲಿ ಕಾರ್ಯನಿರ್ವಹಿಸಲಿದೆ. ಅಷ್ಟೇ ಅಲ್ಲದೆ ಪ್ಲೇ ಸ್ಟೋರ್‌ನಿಂದ 5000+ ಅಪ್ಲಿಕೇಶನ್‌ಗಳನ್ನು ಡೌನ್‌ಲೋಡ್‌ ಮಾಡಿಕೊಳ್ಳುವ ಆಯ್ಕೆಯನ್ನು ನೀಡಲಾಗಿದೆ. ಕ್ವಾಡ್ ಕೋರ್ ಪ್ರೊಸೆಸರ್ ಇರುವ ಈ ಸ್ಮಾರ್ಟ್‌ಟಿವಿಯಲ್ಲಿ ಡ್ಯುಯಲ್ ಬ್ಯಾಂಡ್ ವೈ-ಫೈ ಇದೆ. ಇದರಲ್ಲಿ 1GB RAM + 8GB ಸಂಗ್ರಹಣೆ ಸಾಮರ್ಥ್ಯ ಇದ್ದು, ಇದರ ಬೆಲೆ 22,999 ರೂ.ಗಳು.

ಸ್ಯಾಮ್‌ಸಂಗ್‌ 80 cm ವಂಡರ್ಟೈನ್ಮೆಂಟ್ ಸ್ಮಾರ್ಟ್‌ಟಿವಿ

ಈ ಸ್ಮಾರ್ಟ್‌ಟಿವಿ 2021 ರಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಆಗಿದೆ. 32 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, 1366x768 ಪಿಕ್ಸೆಲ್‌ನ ಹೆಚ್‌ಡಿ ರೆಸಲ್ಯೂಶನ್‌ ಜೊತೆಗೆ 60 Hz ರಿಫ್ರೆಶ್ ದರ ಹೊಂದಿದೆ. 20W ಔಟ್‌ಪುಟ್ ನ ಡಾಲ್ಬಿ ಡಿಜಿಟಲ್ ಪ್ಲಸ್ ಸ್ಪೀಕರ್‌ ಆಯ್ಕೆ ಹೊಂದಿದ್ದು, ಇದರಲ್ಲಿ ಪರ್ಸನಲ್ ಕಂಪ್ಯೂಟರ್, ಸ್ಕ್ರೀನ್ ಶೇರ್, ಮ್ಯೂಸಿಕ್ ಸಿಸ್ಟಂ ಮತ್ತು ಕಂಟೆಂಟ್ ಗೈಡ್ ಸೇರಿದಂತೆ ವಿವಿಧ ವೈಶಿಷ್ಟ್ಯದ ಆಯ್ಕೆಗಳಿವೆ. 1.5RAM ನ ಸ್ಟೋರೇಜ್‌ ಸಾಮರ್ಥ್ಯ ಇರುವ ಈ ಸ್ಮಾರ್ಟ್‌ಟಿವಿ ಬೆಲೆ 15,490ರೂ.ಗಳು.

ಅಮೆಜಾನ್‌ ಹೆಚ್‌ಡಿ ರೆಡಿ ಸ್ಮಾರ್ಟ್‌ಟಿವಿ

ಅಮೆಜಾನ್‌ ಬೇಸಿಕ್ಸ್‌ ಹೆಚ್‌ಡಿ ರೆಡಿ ಸ್ಮಾರ್ಟ್‌ಟಿವಿ 2020 ರಲ್ಲಿ ಬಿಡುಗಡೆಯಾಗಿದ್ದು, 32 ಇಂಚಿನ ಹೆಚ್‌ಡಿ ಡಿಸ್‌ಪ್ಲೆ ಹೊಂದಿದೆ. 60 Hz ರಿಫ್ರೆಶ್ ದರ ಇದರಲ್ಲಿದೆ. A+ ಗ್ರೇಡ್ ಎಲ್‌ಇಡಿ ಡಿಸ್‌ಪ್ಲೇ ಜೊತೆಗೆ ಅಮ್ಲೋಜಿಕ್ 7 ನೇ ತಲೆಮಾರಿನ ಇಮೇಜಿಂಗ್ ಎಂಜಿನ್ ಹಾಗೂ ಅಲ್ಟ್ರಾ ಬ್ರೈಟ್ ಸ್ಕ್ರೀನ್ ಆಯ್ಕೆ ಇದೆ. 20Wನ ಶಕ್ತಿಯುತ ಸ್ಪೀಕರ್‌ಗಳು ಹಾಗೂ ಡಾಲ್ಬಿ ಆಡಿಯೋ ಮತ್ತು ಡಿಟಿಎಸ್‌ ಟ್ರೂ ಸರೌಂಡ್ ಆಯ್ಕೆ ಇದರಲ್ಲಿದೆ. ವಿಶೇಷ ಪೀಚರ್ಸ್‌ಗಳ ಆಯ್ಕೆಯಲ್ಲಿ ಅಲೆಕ್ಸಾ ವಾಯ್ಸ್‌ ಕಂಟ್ರೋಲ್‌ ನೀಡಲಾಗಿದೆ. ಇದು 1 GB ಯ ಸಾಮರ್ಥ್ಯ ಹೊಂದಿದ್ದು, ಇದರ ಆರಂಭಿಕ ಬೆಲೆ 12,000 ರೂ. ಗಳು.

ಮಿ 5 A ಸರಣಿಯ ಸ್ಮಾರ್ಟ್‌ಟಿವಿ

ಈ ಸ್ಮಾರ್ಟ್‌ಟಿವಿ 2022 ರಲ್ಲಿ ಬಿಡುಗಡೆ ಆಗಿದ್ದು, 32 ಇಂಚಿನ ಸಂಪೂರ್ಣ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿದೆ. ಕಡಿಮೆ ಬೆಲೆಗೆ ಹೆಚ್ಚಿನ ಫೀಚರ್ಸ್‌ನ್ನು ಈ ಸ್ಮಾರ್ಟ್‌ಟಿವಿ ಒಳಗೊಂಡಿದೆ. 1366 x 768 ಹೆಚ್‌ಡಿ ಪಿಕ್ಸೆಲ್‌ ರೆಸಲ್ಯೂಶನ್ ಹೊಂದಿರುವ ಈ ಸ್ಮಾರ್ಟ್‌ಟಿವಿ 60 Hz ರಿಫ್ರೆಶ್ ದರ ಹೊಂದಿದೆ. ಹಾಗೆಯೇ 20W ಔಟ್‌ಪುಟ್ ಹಾಗೂ ಡಾಲ್ಬಿ ಆಡಿಯೋ, ಡಿಟಿಎಸ್‌ ವರ್ಚುವಲ್ ಆಯ್ಕೆ ಒಳಗೊಂಡಿದೆ. ಇದು ಆಂಡ್ರಾಯ್ಡ್‌ TV 11 ನಲ್ಲಿಕಾರ್ಯನಿರ್ವಹಿಸಲಿದ್ದು, 15+ ಭಾಷೆಗಳ ಆಯ್ಕೆ ಇದೆ. ಹಾಗೆಯೇ ಪ್ಲೇ ಸ್ಟೋರ್‌ನಿಂದ 5000+ ಅಪ್ಲಿಕೇಶನ್‌ಗಳನ್ನು ಡೌನ್ಲೋಡ್‌ ಮಾಡಿಕೊಳ್ಳಬಹುದು. 1GB RAM + 8GB ಸಂಗ್ರಹಣೆ ಯೊಂದಿಗೆ ಇದರ ಬೆಲೆ 13,999 ರೂ. ಗಳು.