ರೆಡ್‌ಮಿಯಿಂದ ಮತ್ತೊಂದು ಸ್ಮಾರ್ಟ್‌ ಟಿವಿ..! ಕಡಿಮೆ ಬೆಲೆ, ಹೆಚ್ಚು ಫೀಚರ್ಸ್‌..!

ಸ್ಮಾರ್ಟ್‌ ಫೀಚರ್ಸ್‌

ರೆಡ್‌ಮಿ ಸ್ಮಾರ್ಟ್‌ ಟಿವಿ 60 ಹರ್ಟ್ಜ್‌ ರಿಫ್ರೆಶ್ ದರದೊಂದಿಗೆ ಸರಳವಾದ 40 ಇಂಚಿನ ಎಫ್‌ಹೆಚ್‌ಡಿ 1080 ಪಿಕ್ಸೆಲ್‌ ಡಿಸ್‌ಪ್ಲೇಯೊಂದಿಗೆ ಮಾರುಕಟ್ಟೆಗೆ ಬರುತ್ತಿದೆ. ಹೊಸ ಟಿವಿಯಲ್ಲಿ ಎರಡು 8W ಸ್ಪೀಕರ್‌ಗಳಿದ್ದು, Mali-450 MP2 GPU ಜೊತೆಗಿನ 1.4 GHz ಕ್ವಾಡ್-ಕೋರ್ ಕಾರ್ಟೆಕ್ಸ್ A53 ಅಮ್ಲೊಜಿಕ್ ಚಿಪ್‌ಸೆಟ್ ಹೊಂದಿದೆ. 1 GB RAM ಮತ್ತು 8 GB ಇಂಟರ್ನಲ್‌ ಮೆಮೊರಿ ಹೊಂದಿದೆ.

ಪ್ಯಾಚ್‌ವಾಲ್‌ ಯುಐ

ಶಿಯೋಮಿ ಸ್ಮಾರ್ಟ್ ಟಿವಿಗಳಂತೆ, ರೆಡ್‌ಮಿಯ ಹೊಸ ಟಿವಿ ಪ್ಯಾಚ್‌ವಾಲ್ ಯುಐನೊಂದಿಗೆ ಮಾರುಕಟ್ಟೆಗೆ ಕಾಲಿಡುತ್ತಿದೆ. ಇದು ಡಿಟಿಎಸ್ 2.0 + ಡಿಜಿಟಲ್ ಔಟ್ ಮತ್ತು ಡಾಲ್ಬಿ ಆಡಿಯೋವನ್ನು ಹೊಂದಿದ್ದು, ಎರಡು 8W ಸ್ಪೀಕರ್‌ಗಳಿಂದ ಉತ್ತಮ ಗುಣಮಟ್ಟದ ಆಡಿಯೋ ಔಟ್‌ಪುಟ್ ನೀಡುತ್ತದೆ. ಸಂಪರ್ಕಕ್ಕಾಗಿ ಎರಡು ಎಚ್‌ಡಿಎಂಐ ಪೋರ್ಟ್‌ಗಳು, ಇಥರ್‌ನೆಟ್ ಪೋರ್ಟ್, ವೈ-ಫೈ ಮತ್ತು ಇತರ ಗುಣಮಟ್ಟದ ಆಯ್ಕೆಗಳನ್ನು ಒಳಗೊಂಡಿದೆ.

ಬೆಲೆ ಮತ್ತು ಲಭ್ಯತೆ

ರೆಡ್‌ಮಿ ಟಿವಿ 40 ಇಂಚಿನ ಮಾದರಿಯು ಚೀನಾದಲ್ಲಿ 999 ಯುವಾನ್‌ಗೆ (ಅಂದಾಜು 10,000 ರೂ.) ದೊರೆಯುತ್ತಿದೆ. ಈಗಾಗಲೇ ಹಲವಾರು ಆನ್‌ಲೈನ್ ಚಿಲ್ಲರೆ ವ್ಯಾಪಾರಿಗಳ ಮೂಲಕ ಮಾರಾಟವಾಗುತ್ತಿದೆ. ಆದಾಗ್ಯೂ, ಭಾರತದ ಜಾಗತಿಕ ಮಾರುಕಟ್ಟೆಗಳಲ್ಲಿ ಹೊಸ ಟಿವಿಯನ್ನು ಯಾವಾಗ ಬಿಡುಗಡೆ ಮಾಡಲಾಗುವುದು ಎಂಬುದರ ಬಗ್ಗೆ ಮಾಹಿತಿಯಿಲ್ಲ.

ಕಡಿಮೆ ಬೆಲೆ ತಂತ್ರ

ಆಗಸ್ಟ್‌ನಲ್ಲಿ, 70 ಇಂಚಿನ ರೆಡ್‌ಮಿ ಟಿವಿಯನ್ನು ಬಿಡುಗಡೆ ಮಾಡಲಾಯಿತು. 4K HDR ರೆಸಲ್ಯೂಶನ್‌ನೊಂದಿಗೆ ಬೆಜಲ್‌-ಲೆಸ್‌ ವಿನ್ಯಾಸವನ್ನು ಸ್ಮಾರ್ಟ್‌ ಡಿವಿ ಹೊಂದಿದ್ದು, ಇದು ಪ್ರೀಮಿಯಂ ಕೊಡುಗೆಯಾಗಿದೆ. ಆದಾಗ್ಯೂ, ಕಡಿಮೆ ಬೆಲೆಗೆ ಹೆಸರುವಾಸಿಯಾದ ಕಂಪನಿಯು 70 ಇಂಚಿನ ರೆಡ್‌ಮಿ ಟಿವಿಯೊಂದಿಗೂ ಅದೇ ತಂತ್ರವನ್ನು ಆಕ್ರಮಣಕಾರಿ ರೀತಿಯಲ್ಲಿ ಅನುಸರಿಸಿತು.

ಮಾರುಕಟ್ಟೆಯ ಹಿಡಿತ

ರೆಡ್‌ಮಿ ಟಿವಿ ಮಾದರಿಗಳ ಜಾಗತಿಕ ಬಿಡುಗಡೆ ಬಗ್ಗೆ ಯಾವುದೇ ಮಾಹಿತಿಯಿಲ್ಲ. ಆದರೆ, ಭಾರತ ಮತ್ತು ಇತರ ಮಾರುಕಟ್ಟೆಗಳಲ್ಲಿ ರೆಡ್‌ಮಿ ಅಭಿಮಾನಿಗಳಿಗೆ ಈ ಸಾಧನ ಶೀಘ್ರದಲ್ಲಿ ಲಭ್ಯವಾಗಲಿದೆ. ಗಮನಾರ್ಹವಾಗಿ, ಈ ಟಿವಿಗಳು ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತಮವಾಗಿ ಮಾರಾಟವಾಗುತ್ತವೆ ಎಂಬುದು ಕಂಡುಬರುತ್ತದೆ. ಏಕೆಂದರೆ, ಭಾರತೀಯ ಮಾರುಕಟ್ಟೆಯಲ್ಲಿ ಶಿಯೋಮಿ ಈಗಾಗಲೇ ಸ್ಮಾರ್ಟ್ ಟಿವಿ ವಿಭಾಗದಲ್ಲಿ ತನ್ನ ಹಿಡಿತ ಹೊಂದಿ, ಪ್ರತಿಸ್ಪರ್ಧಿಗಳಿಗೆ ಪ್ರಮುಖ ಸ್ಪರ್ಧಿಯಾಗಿದೆ.