ಸ್ಯಾಮ್‌ಸಂಗ್‌ 'ವರ್ಟಿಕಲ್' ಸ್ಮಾರ್ಟ್‌ಟಿವಿ ಲಾಂಚ್!.ಸ್ಮಾರ್ಟ್‌ಫೋನಿನಂತೆ ಕಾಣಲಿದೆ!

ವರ್ಟಿಕಲ್ ಮಾದರಿ

ಮೊದಲ ವರ್ಟಿಕಲ್ ಸ್ಮಾರ್ಟ್‌ಟಿವಿ ಇದಾಗಿದ್ದು, ಸ್ಮಾರ್ಟ್‌ಫೋನ್ ನಂತೆಯೇ ಇದರ ಡಿಸ್‌ಪ್ಲೇಯು ವರ್ಟಿಕಲ್ ಆಕಾರದಲ್ಲಿ ಇರಲಿದೆ. ಸ್ಮಾರ್ಟ್‌ಫೋನ್ ಜಮಾನಕ್ಕೆ ಹೊಂದಿಕೊಂಡಿರುವ ಗ್ರಾಹಕರಿಗೆ ಸ್ಮಾರ್ಟ್‌ಫೋನ್ ಮಾದರಿಯಂತೆ ವರ್ಟಿಕಲ್ ಟಿವಿ ಇರಲಿದೆ. ಬೇಕಿದ್ದರೆ ನಾರ್ಮಲ್ ಟಿವಿ ಮಾದರಿಗೆ ಬದಲಾಯಿಸಿಕೊಳ್ಳುವ ಆಯ್ಕೆಯನ್ನು ನೀಡಲಾಗಿದೆ.

ಗ್ರಾಹಕರ ಆಯ್ಕೆಗೆ ಮಣೆ

ಸ್ಯಾಮ್‌ಸಂಗ್ ಕಂಪನಿಯು ತನ್ನ ಸ್ಮಾರ್ಟ್‌ಟಿವಿಯ ಸ್ಕ್ರೀನ್‌ನಲ್ಲಿ ಹೊಸ ತಂತ್ರಜ್ಞಾನ ಅಳವಡಿಸಿಕೊಂಡಿದ್ದು, ಮುಂದೆಯೂ ಗ್ರಾಹಕರ ಅಭಿರುಚಿಗೆ ತಕ್ಕನಾಗಿ ಕಂಪನಿಯು ನೂತನ ಮಾದರಿ ಡಿಸ್‌ಪ್ಲೇ ಆಕಾರಗಳನ್ನು ಪರಿಚಯಿಸಲಿದೆ ಎಂದು ಕಂಪನಿಯ ವಿಶುವಲ್ ಡಿಸ್‌ಪ್ಲೇ ಬ್ಯುಸಿನೆಸ್‌ ಮುಖ್ಯಸ್ಥ ಹ್ಯಾಮ್ ಜೋಂಗ್-ಹೇ ಅವರು ಹೇಳಿದ್ದಾರೆ.

ಡಿಸ್‌ಪ್ಲೇ ಮತ್ತು ಡಿಸೈನ್

ಸ್ಯಾಮ್‌ಸಂಗ್‌ನ ಹೊಸ 'ಸೆರೊ' ಸ್ಮಾರ್ಟ್‌ಟಿವಿಯು 43 ಇಂಚಿನಲ್ಲಿದ್ದು, QLED ಮಾದರಿಯ ಡಿಸ್‌ಪ್ಲೇಯನ್ನು ಹೊಂದಿದೆ. ವರ್ಟಿಕಲ್ ಆಕಾರದ ರಚನೆಯನ್ನು ಹೊಂದಿರುವ ಜೊತೆಗೆ ಪೊರ್ಟರೇಟ್ ಆಕಾರಕ್ಕೆ ಬದಲಾಯಿಸಿಕೊಳ್ಳಬಹುದು. ಉಳಿದಂತೆ ಸ್ಯಾಮ್‌ಸಂಗ್‌ನ ಸ್ಪೆಷಲ್ ಫೀಚರ್ಸ್‌ಗಳು ಇರಲಿವೆ ಎನ್ನಲಾಗಿದೆ.

ಸ್ಮಾರ್ಟ್‌ಫೋನ್ ಕನೆಕ್ಟ್

ಸ್ಮಾರ್ಟ್‌ಟಿವಿಗೆ ಸ್ಮಾರ್ಟ್‌ಫೋನ್‌ ಅನ್ನು ಕನೆಕ್ಟ್‌ ಮಾಡಿ ಫೋನಿನಲ್ಲಿರುವ ಕಂಟೆಟ್‌ಗಳನ್ನು ಬಿಗ್ ಸ್ಕ್ರೀನ್‌ನಲ್ಲಿ ನೋಡುತ್ತಾರೆ. ಆದರೆ ಟಿವಿ ಪೊರ್ಟರೇಟ್ ಮಾದರಿಯಲ್ಲಿರುತ್ತದೆ ಕನೆಕ್ಟ್‌ ಮಾಡಿದಾಗ ಫೋನ್‌ ತರಹ ಡಿಸ್‌ಪ್ಲೇ ವೀಕ್ಷಿಸದಂತೆ ಅನಿಸುವುದಿಲ್ಲ. ಸೆರೊ ಸ್ಮಾರ್ಟ್‌ಟಿವಿಗೆ ಫೋನ್‌ ಕನೆಕ್ಟ್ ಮಾಡಬಹುದಾಗಿದ್ದು, ಫೋನಿನಂತೆ ಸ್ಕ್ರೀನ್ ವರ್ಟಿಕಲ್ ಆಕಾರದಲ್ಲಿ ಕಾಣಿಸಲಿದೆ.

ಲಭ್ಯತೆ

ಸ್ಯಾಮ್‌ಸಂಗ್ ಸೆರೊ ಸ್ಮಾರ್ಟ್‌ಟಿವಿಯು ಪ್ರಸ್ತುತ ದಕ್ಷಿಣ ಕೋರಿಯಾ ಮಾರುಕಟ್ಟೆಯಲ್ಲಿ ಲಾಂಚ್‌ ಆಗಿದ್ದು, ಮುಂದಿನ ತಿಂಗಳ ಅಂತ್ಯದೊಳಗೆ ಖರೀದಿಗೆ ದೊರೆಯಲಿದೆ ಎನ್ನಲಾಗಿದೆ. ಆದರೆ ಭಾರತೀಯ ಮಾರುಕಟ್ಟೆಗೆ ಯಾವಾಗ ಎಂಟ್ರಿ ಕೊಡಲಿದೆ ಎನ್ನುವುದರ ಬಗ್ಗೆ ಕಂಪನಿಯು ಅಧಿಕೃತ ಮಾಹಿತಿ ಹೊರಹಾಕಿಲ್ಲ.