ಸೋನಿಯ ಹೊಸ 'ಸೌಂಡ್‌ ಬಾರ್' ಬಿಡುಗಡೆ!..ಬೆಲೆ 29,990ರೂ!

ಡಿಸೈನ್

ಸೋನಿ HT-X8500 ಸೌಂಡ್‌ ಬಾರ್‌ 890x64x96 ಎಂ.ಎಂ ಸುತ್ತಳತೆಯನ್ನು ಹೊಂದಿದ್ದು, ಈ ಡಿವೈಸ್‌ನ ತೂಕವು 3.1ಕಿ.ಲೋ ಗ್ರಾಂ ಆಗಿದೆ. ಹಾಗೆಯೇ ಸೌಂಡ್‌ ಬಾರ್‌ನ ಎರಡು ಬದಿಯ ಕೊನೆಯಲ್ಲಿ ಎರಡು ಊಫರ್‌ಗಳನ್ನು ಒಳಗೊಂಡಿದ್ದು, ಕಪ್ಪು ಬಣ್ಣ ಆಯ್ಕೆಯನ್ನು ಹೊಂದಿದೆ. ಟಿವಿ ಸ್ಟ್ಯಾಂಡ್‌ ಮತ್ತು ಗೋಡೆಗೆ ಹಾಕಬಹುದಾದ ಆಯ್ಕೆಯ ರಚನೆಯನ್ನು ಪಡೆದಿದೆ.

ಸಬ್‌ ಊಫರ್

HT-X8500 ಸೌಂಡ್‌ ಬಾರ್‌ 2.1 ಚಾನಲ್‌ ಮಾದರಿಯಲ್ಲಿದ್ದು, ಸೌಂಡ್‌ ಬಾರ್ ಕೊನೆಯಲ್ಲಿ ಎರಡು ಇನ್‌ಬಿಲ್ಟ್‌ ಸಬ್‌ ಊಫರ್‌ಗಳನ್ನು ನೀಡಲಾಗಿದೆ. ಊಫರ್‌ ಒಳಗೊಂಡಂತೆ DTS:X ಡಾಲ್ಬಿ ಆಟೊಮ್‌ ಸೌಂಡ್‌ನ ಸೌಲಭ್ಯವನ್ನು ಸಹ ಒದಗಿಸಲಾಗಿದೆ. ಇವು ಅತ್ಯುತ್ತಮ ಬಾಸ್‌ ಸೌಂಡ್‌ ಹೊರಬರಲು ಪೂರಕವಾಗಿವೆ.

ಬ್ಲೂಟೂತ್‌ ಕನೆಕ್ಟಿವಿಟಿ

ಸೋನಿ ತನ್ನ ಆಡಿಯೊ ಉತ್ಪನ್ನಗಳಲ್ಲಿ ಹೊಸತನಗಳನ್ನು ಅಳವಡಿಸಿಕೊಳ್ಳುತ್ತ ಸಾಗಿದ್ದು, ತನ್ನ ಹೊಸ HT-X8500 ಸೌಂಡ್ ಬಾರ್‌ನ್ನು ಟಿವಿಗೆ ಬ್ಲೂಟೂತ್‌ ಸಂಪರ್ಕ ಮಾಡಬಹುದಾದ ಆಯ್ಕೆಯನ್ನು ಒದಗಿಸಿದೆ. ಕಂಪನಿಯ ಬ್ರಾವಿಯೊ ಸರಣಿಯ ಸ್ಮಾರ್ಟ್‌ಟಿವಿಗಳಿಗೆ ಸೌಂಡ್‌ ಬಾರ್‌ ಅನ್ನು ಬ್ಲೂಟೂತ್‌ ಕನೆಕ್ಟಿವಿಟಿ ಮಾಡುವ ಸೌಲಭ್ಯವಿದೆ.

ಇತರೆ ಸೌಲಭ್ಯಗಳು

ಸೌಂಡ್‌ ಬಾರ್‌ನ ಸ್ಪೀಕರ್ಸ್‌ಗಳಲ್ಲಿ ಎರಡು ಪೂರ್ಣ ಡ್ರೈವರ್‌ಗಳನ್ನು ಒದಗಿಸಲಾಗಿದೆ. ಇದರೊಂದಿಗೆ ಬ್ಲೂಟೂತ್ 5, HDMI eARC ಔಟ್‌ಪುಟ್ ಪೋರ್ಟ್‌ ಕನೆಕ್ಟಿವಿಟಿ ಆಯ್ಕೆ, ಎಚ್‌ಡಿಆರ್‌, ಡಾಲ್ಬಿವಿಶನ್, ಮತ್ತು ಎರಡು ಸಬ್‌ ಊಫರ್ ಹಾಗೂ 2.1 ಚಾನಲ್ ಮಾದರಿಯಲ್ಲಿದೆ.

ಬೆಲೆ ಮತ್ತು ಲಭ್ಯತೆ

ಸೋನಿ ಕಂಪನಿಯು ತನ್ನ ಹೊಸ HT-X8500 ಸೌಂಡ್‌ ಬಾರ್‌ ಅನ್ನು ಇತ್ತೀಚಿಗೆ ದೇಶಿಯ ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಈ ಡಿವೈಸ್‌ ಬೆಲೆಯು 29,990ರೂ.ಗಳು ಆಗಿದೆ. ಅಧಿಕೃತ ಸೋನಿ ಸ್ಟೋರ್‌ಗಳಲ್ಲಿ ಮತ್ತು ಪ್ರಮುಖ ಇ ಕಾಮರ್ಸ್‌ ಜಾಲತಾಣಗಳಲ್ಲಿ ದೊರೆಯಲಿದ್ದು, ಗ್ರಾಹಕರು ಖರೀದಿಸಬಹುದಾಗಿದೆ.