1 ಕಿಲೋಮೀಟರ್ ಎತ್ತರದಿಂದ ಮೊಬೈಲ್ ಬಿದ್ದರೂ ಕಾಪಾಡುವ 'ಮೊಬೈಲ್ ಕೇಸ್‌'!

'ಎಡಿ ಕೇಸ್' ಮೊಬೈಲ್ ಏರ್‌ಬ್ಯಾಗ್'!

ಮೆಕ್ಯಾಟ್ರಾನಿಕ್ಸ್ ಎಂಜಿನಿಯರಿಂಗ್ ಓದಿತ್ತಿರುವ ಫಿಲಿಪ್ ಫ್ರೆನ್ಜೆಲ್ ಅವರು, ತಾವು ಕಂಡು ಹಿಡಿದಿರುವ 'ಮೊಬೈಲ್ ಏರ್‌ಬ್ಯಾಗ್' ಕೇಸ್‌ಗೆ 'ಎಡಿ ಕೇಸ್' ಎಂದು ಹೆಸರಿಟ್ಟಿದ್ದಾರೆ. ಈ ಮೊದಲು ಲಭ್ಯವಿದ್ದ ಎಲ್ಲಾ ಮೊಬೈಲ್‌ ಕೇಸ್‌ಗಳಿಗಿಮತ ಈ ಮೊಬೈಲ್ ಕೇಸ್ ವಿಭಿನ್ನವಾಗಿದ್ದು, ಅತ್ಯುತ್ತಮ ತಂತ್ರಜ್ಞಾನವನ್ನು ಹೊಂದಿರುವ ವಿಶೇಷ ಮೊಬೈಲ್ ಕೇಸ್ ಇದಾಗಿದೆ.

ಹೇಗಿದೆ ಈ 'ಎಡಿ ಕೇಸ್'?

ಲಿಪ್ ಫ್ರೆನ್ಜೆಲ್ ಅವರು ಕಂಡುಹಿಡಿದಿರುವ ಈ 'ಎಡಿ ಕೇಸ್' ಮೊಬೈಲ್ ಏರ್‌ಬ್ಯಾಗ್ ನೋಡಲು ಸಾಮಾನ್ಯ ಮೊಬೈಲ್‌ ಕೇಸ್‌ಗಳಂತೆಯೇ ಕಾಣುತ್ತದೆ. ಆದರೆ, ಈ ಮೊಬೈಲ್‌ ಕೇಸ್‌ನ ನಾಲ್ಕು ಬದಿಯಲ್ಲಿ ರೆಕ್ಕೆಗಳನ್ನು ಜೋಡಿಸಲಾಗಿದ್ದು, ಮೊಬೈಲ್ ಕೇಸ್‌ ಒಳಗೆ ಸೆನ್ಸಾರ್ ಅಳವಡಿಸಲಾಗಿದೆ. ಇದರಿಂದ ಮೊಬೈಲ್ ಬಿದ್ದರೂ ಸಹ ಅದು ಒಡೆಯದಂತೆ ಈ ಕೇಸ್ ನೋಡಿಕೊಳ್ಳುತ್ತದೆ.

ಹೇಗೆ ಕೆಲಸ ಮಾಡುತ್ತಿದೆ ಈ 'ಎಡಿ ಕೇಸ್'?

ಏರ್‌ಬ್ಯಾಗ್ ಕಲ್ಪನೆಯನ್ನು ಹೊಂದಿರುವ ಈ 'ಎಡಿ ಕೇಸ್' ಮೊಬೈಲ್ ಕೇಸ್ ಕ್ಷಣಮಾತ್ರದಲ್ಲಿ ಮೊಬೈಲ್ ಬೀಳುವಿಕೆ ವೇಗವನ್ನು ಗುರುತಿಸುತ್ತದೆ. ಒಮ್ಮೆ ಹೀಗೆ ಗುರುತಿಸಿದ ನಂತರ ಎಂಟು ಭಾಗಗಳಲ್ಲಿ ಏರ್‌ಕೇಸ್ ಸ್ಟಾಂಡ್‌ಗಳು ತೆರೆದುಕೊಳ್ಳುತ್ತವೆ. ಫ್ಲೆಕ್ಸಿಬಲ್ ಆಗಿರುವ ಈ ಸ್ಟಾಂಡ್‌ಗಳು ಮೊಬೈಲ್ ತೂಕಕ್ಕೆ ಸಮನಾಗಿ ಸ್ಪ್ರಿಂಗ್ಸ್ ರೀತಿಯಲ್ಲಿ ವರ್ತಿಸಿ. ಮೊಬೈಲ್ ಕಾಪಾಡುತ್ತದೆ.

ನಾಲ್ಕು ವರ್ಷಗಳ ಶ್ರಮ!

ಲಿಪ್ ಫ್ರೆನ್ಜೆಲ್ ಅವರು ಈ ಮೊಬೈಲ್ ಏರ್‌ಬ್ಯಾಗ್ 'ಎಡಿ ಕೇಸ್' ಮೊಬೈಲ್ ಕೇಸ್ ಅನ್ನು ನಿರ್ಮಿಸಲು ನಾಲ್ಕು ವರ್ಷಗಳನ್ನು ತೆಗೆದುಕೊಂಡಿದ್ದಾರಂತೆ. ಮೊಬೈಲ್ ಯಾವುದೇ ರೀತಿಯಲ್ಲಿ ಬಿದ್ದರೂ ಒಡೆಯದಂತೆ ಕಾಪಾಡುವ ವಿನ್ಯಾಸವನ್ನು ನೀಡಿ, ಅತ್ಯಂತ ಚಿಕ್ಕದಾಗಿ ಮೊಬೈಲ್ ಕೇಸ್ ಅನ್ನು ನಿರ್ಮಿಸಬೇಕು ಎಂದು ಲಿಪ್ ಫ್ರೆನ್ಜೆಲ್ ಬಹಳ ಶ್ರಮ ಪಟ್ಟಿದ್ದಾರೆ.

ಪೆಂಟೆಂಟ್ ಪಡೆದಿದ್ದಾರೆ ಫ್ರೆನ್ಜೆಲ್!

ಫ್ರೆನ್ಜೆಲ್ ಅವರು ತನ್ನ ಈ ಎಡಿ ಕೇಸ್' ಮೊಬೈಲ್ ಕೇಸ್ ಆವಿಷ್ಕಾರವನ್ನು ಪೇಟೆಂಟ್‌ಗಾಗಿ ನೋಂದಾಯಿಸಿಕೊಂಡಿದ್ದಾರೆ. ಅವರು ಕಿಕ್‌ಸ್ಟಾರ್ಟರ್ ಗುಂಪಿನ ಫೌಂಡಿಂಗ್ ಅಭಿಯಾನದೊಂದಿಗೆ ಈ 'ಎಡಿ ಕೇಸ್' ಮಾರುಕಟ್ಟೆಗೆ ಬರಲಿದೆ. ಒಂದು ದಿನ ಇದೇ ಏರ್‌ಬ್ಯಾಗ್ ಸಾಧನವು ವೃತ್ತಿಪರ ಕ್ಯಾಮೆರಾಗಳು ಮತ್ತು ಮಸೂರಗಳಿಗೆ ಸಹ ಲಭ್ಯವಿರುತ್ತದೆ.