5.8 ಗ್ರಾಂ ತೂಕದ 'ಮೀ ಏರ್​ಡಾಟ್ಸ್'​ ಬಿಡುಗಡೆ!...ಬೆಲೆ ಕೇವಲ___?!

ಹೇಗಿದೆ 'ಮೀ ಏರ್​ಡಾಟ್ಸ್ ಪ್ರೊ'? ​

'ಮೀ ಏರ್​ಡಾಟ್ಸ್ ಪ್ರೊ' 7mm ನಿಯೋಡಿಮಿಯಮ್ ಕಬ್ಬಿಣದ ಬೋರಾನ್ ಮ್ಯಾಗ್ನೆಟಿಕ್ ಮತ್ತು ಟೈಟಾನಿಯಮ್-ಲೇಪಿತ ಡಯಾಫ್ರಾಮ್ ಡೈನಾಮಿಕ್ ರಿಂಗ್ ಸ್ಪೀಕರ್ ಅನ್ನು ಹೊಂದಿದ್ದು, ಟಚ್​ ಮೂಲಕವೇ ಸಂಗೀತವನ್ನು ಆಲಿಸಲು ಮತ್ತು ಕರೆಗಳನ್ನು ಸ್ವೀಕರಿಸುವ ಸೌಲಭ್ಯ ಇದರಲ್ಲಿ ನೀಡಲಾಗಿದೆ. ಇದರ ಒಟ್ಟು ತೂಕ ಕೇವಲ 5.8 ಗ್ರಾಂಗಳಷ್ಟಿದೆ ಎಂದು ಶಿಯೋಮಿ ತಿಳಿಸಿದೆ.

ಆಪಲ್​ನ ಏರ್​ಪೋಡ್ಸ್ ಫೀಚರ್ಸ್!

ಆಪಲ್​ನ ಏರ್​ಪೋಡ್ಸ್​ನಲ್ಲಿ ನೀಡಲಾಗಿರುವ ಬಹುತೇಕ ಎಲ್ಲಾ ಫೀಚರ್​ಗಳನ್ನು ಈ 'ಮಿ ಏರ್​ಡಾಟ್ಸ್ ಪ್ರೊ​'ನಲ್ಲಿ ನೀಡಲಾಗಿದೆ. ಇದರ ಇಯರ್​ಬಡ್ಸ್​ ಅನ್ನು ಕೂಡ ಚಾರ್ಜರ್ ಬಾಕ್ಸ್​ನಲ್ಲಿರಿಸಿ ಚಾರ್ಜ್​ ಮಾಡಿಕೊಳ್ಳಬಹುದಾದ ಆಯ್ಕೆ ಲಭ್ಯವಿದೆ. ಈ 'ಏರ್​ಡಾಟ್ಸ್ ಪ್ರೊ'​ ಬಾಕ್ಸ್​ನ್ನು ಯುಎಸ್​ಬಿ ಟೈಪ್​ ಸಿ ಚಾರ್ಜರ್​ನಿಂದ ಚಾರ್ಜ್​ ಮಾಡಬೇಕಾಗುತ್ತದೆ ಎಂದು ಪ್ರಾಡೆಕ್ಟ್ ರಿವ್ಯೂವಿನಲ್ಲಿ ತಿಳಿದುಬಂದಿದೆ.

10 ಗಂಟೆಗಳವರೆಗೆ ಸತತ ಬಳಕೆ!

ಈ ನೂತನ ಮಿ ಏರ್‌ಡಾಟ್ಸ್ ಪ್ರೊ ಅ​ನ್ನು ಕೇವಲ ಒಂದು ಗಂಟೆಯಲ್ಲಿ ಪೂರ್ಣ ಚಾರ್ಜ್ ಮಾಡಿಕೊಳ್ಳಬಹುದು ಎಂದು ಶಿಯೋಮಿ ಕಂಪೆನಿಯುವ ಬಿಡುಗಡೆ ವೇಳೆ ತಿಳಿಸಿದೆ. ಹಾಗೆಯೇ, ಒಂದು ಬಾರಿ ಇದ​ನ್ನು ಪೂರ್ತಿ ಚಾರ್ಜ್​ ಮಾಡಿಕೊಂಡರೆ ಸತತವಾಗಿ 10 ಗಂಟೆಗಳವರೆಗೆ ಅನಿಯಮಿತವಾಗಿ ಉತ್ಕೃಷ್ಟ ಗುಣಮಟ್ಟದ ಸಂಗೀತವನ್ನು ಆಲಿಸಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ.

ಇನ್ನಿತರ ಫೀಚರ್ಸ್ ಯಾವುವು?

ನೂತನ ಮಿ ಏರ್‌ಡಾಟ್ಸ್ ಪ್ರೊ ಬ್ಲೂಟೂತ್ 4.2 ಬೆಂಬಲಿಸಲಿದ್ದು, ವರ್ಧಿತ ಆಡಿಯೊಗಾಗಿ ಎಎಸಿ ಕೋಡೆಕ್ (ಸಕ್ರಿಯ ಶಬ್ದ ರದ್ದತಿ) ಅನ್ನು ಬೆಂಬಲಿಸುತ್ತದೆ ಮತ್ತು ಐಪಿಎಕ್ಸ್4 ವಾಟರ್ ರೆಸಿಸ್ಟೆಂಟ್ ಫೀಚರ್ ಇದರ ಮತ್ತೊಂದು ಪ್ರಮುಖ ವಿಶೇಷತೆ ಎನ್ನಬಹುದು. ಇನ್ನುಳಿದಂತೆ ಈ ಇಯರ್​ ಬಡ್ಸ್​​​ ಅನ್ನು ಆಂಡ್ರಾಯ್ಡ್​ ಮತ್ತು ಐಒಎಸ್​ ಸ್ಮಾರ್ಟ್​ಫೋನ್​ಗಳಲ್ಲಿ ಕನೆಕ್ಟ್​ ಮಾಡಿಕೊಳ್ಳಬಹುದು.

ಬೆಲೆ ಎಷ್ಟು?

ಸದ್ಯ ಈ ಮಿ ಏರ್‌ಡಾಟ್ಸ್ ಪ್ರೊ ಚೀನಾದಲ್ಲಿ ಮಾತ್ರ ಬಿಡುಗಡೆಗಿದ್ದು, ಅಲ್ಲಿ ಇದರ ಬೆಲೆ 399 ಸಿಎನ್​ಐ. ಅಂದರೆ ಭಾರತದಲ್ಲಿ ಇದರ ಬೆಲೆ ಸರಿಸುಮಾರು 4 ಸಾವಿರ ಆಗಿರಲಿದೆ ಎಂದು ಅಂದಾಜಿಸಬಹುದು. ಸದ್ಯ ದೇಶದಲ್ಲಿ ಐಫೋನ್ ಏರ್​ಪೋಡ್​ ಬೆಲೆ 12 ಸಾವಿರವಿದ್ದು, ಮೀ ಏರ್​ಡಾಟ್ಸ್ ಬಿಡುಗಡೆಯಾದರೆ ಆಪಲ್​ ಏರ್​ಪೋಡ್‌ಗೆ ಹೊಡೆತಬೀಳುವುದು ಖಂಡಿತ.