ಆಮೆಜಾನ್-ಗೂಗಲ್‌ಗೆ ಸೆಡ್ಡು: ಶಿಯೋಮಿಯಿಂದ ಅತೀ ಕಡಿಮೆ ಬೆಲೆಗೆ ಸ್ಮಾರ್ಟ್‌ ಸ್ಪೀಕರ್..!

ಶಿಯೋಮಿ ಸ್ಮಾರ್ಟ್ ಸ್ಪೀಕರ್:

ಶಿಯೋಮಿ ಮಾಲೀಕತ್ವದ ಯೇಲೈಟ್ ಕಂಪನಿಯೂ ಮೊದಲ ಸ್ಮಾರ್ಟ್ ಸ್ಪೀಕರ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ರೂ. 2000ದ ಅಸುಪಾಸಿನಲ್ಲಿ ದೊರೆಯುವ ಈ ಸ್ಮಾರ್ಟ್‌ ಸ್ಪೀಕರ್ ಅಮೆಜಾನ್ ಇಕೋ ಡಾಟ್ ಮಾದರಿಯಲ್ಲಿ ಕಾಣಿಸಿಕೊಂಡಿದ್ದು, ಅದರಂತೆ ಕಾರ್ಯನಿರ್ವಹಿಸಲಿದೆ. ಸದ್ಯ ಚೀನಾ ಮಾರುಕಟ್ಟೆಯಲ್ಲಿ ಮಾತ್ರವೇ ದೊರೆಯುತ್ತಿದೆ.

ಮೆಕ್ರೋಸಾಫ್ಟ್ ಕರೋಟನಾ:

ಈಗಾಗಲೇ ಅಮೆಜಾನ್, ಗೂಗಲ್ ಮತ್ತು ಆಪಲ್ ವಾಯ್ಸ್ ಅಸಿಸ್ಟೆಂಟ್‌ಗಳನ್ನು ಬಳಕೆ ಮಾಡಿಕೊಂಡು ಕಾರ್ಯನಿರ್ವಹಿಸುವ ವಾಯ್ಸ್ ಅಸಿಸ್ಟೆಂಟ್‌ಗಳು ಕಾಣಿಸಿಕೊಂಡಿದ್ದು, ಈ ಹಿನ್ನಲೆಯಲ್ಲಿ ಶಿಯೋಮಿ ಸ್ಮಾರ್ಟ್‌ ಸ್ಪೀಕರ್ ಮೈಕ್ರೋ ಸಾಫ್ಟ್ ನೀಡುತ್ತಿರುವ ಕರೋಟನಾ ವಾಯ್ಸ್ ಅಸಿಸ್ಟೆಂಟ್ ಮೂಲಕ ಕಾರ್ಯನಿರ್ವಹಿಸಲಿದೆ.

ಶೀಘ್ರವೇ ಭಾರತೀಯ ಮಾರುಕಟ್ಟೆ:

ಭಾರತೀಯ ಮಾರುಕಟ್ಟೆಯಲ್ಲಿ ಇನ್ನು ಸಹ ಸ್ಮಾರ್ಟ್ ಸ್ಪೀಕರ್ ಗಳು ಸದ್ದು ಶುರು ಮಾಡಿಲ್ಲ. ಆದರೆ ಭಾರತೀಯರು ಸ್ಮಾರ್ಟ್‌ ಸ್ಪೀಕರ್ ಕಡೆಗೆ ವಾಲುತ್ತಿದ್ದು, ಈ ಹಿನ್ನಲೆಯಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಶೀಘ್ರವೇ ಶಿಯೋಮಿ ಸ್ಮಾರ್ಟ್ ಸ್ಪೀಕರ್ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದೆ.