ಸ್ಮಾರ್ಟ್ ಫೋನುಗಳಿಂದ ಕಣ್ಣು ರಕ್ಷಿಸಿಕೊಳ್ಳಲು ಐದು ಟಿಪ್ಸುಗಳು.

ಟಿಪ್ 1

ಪರದೆಯ ಬ್ರೈಟ್ನೆಸ್ಸನ್ನು ಸರಿಪಡಿಸಿ

ನಿಮ್ಮ ಸಾಧನವನ್ನು ಉಪಯೋಗಿಸುವಾಗ, ನೀವಿರುವ ವಾತಾವರಣದ ಆಧಾರದ ಮೇಲೆ ಪರದೆಯ ಬ್ರೈಟ್ನೆಸ್ಸನ್ನು ಸರಿಪಡಿಸಿಕೊಳ್ಳಿ. ಇದನ್ನು ನೀವು ಮ್ಯಾನುಯಲ್ ಆಗಾದರೂ ಮಾಡಬಹುದು ಅಥವಾ ನಿಮ್ಮ ಸ್ಮಾರ್ಟ್ ಫೋನ್ ಹಾಗೂ ಟ್ಯಾಬ್ಲೆಟ್ಟಿನಲ್ಲಿರುವ ಆಟೋಮೇಟಿಕ್ ಆಯ್ಕೆಯನ್ನಾದರೂ ಬಳಸಿಕೊಳ್ಳಬಹುದು.

ನಿಮ್ಮ ವಾತಾವರಣದಲ್ಲಿರುವ ಬೆಳಕಿನ ಆಧಾರದ ಮೇಲೆ ಬ್ರೈಟ್ನೆಸ್ಸನ್ನು ನಿರ್ವಹಿಸುವ ಆ್ಯಪ್ ಗಳು ಕೂಡ ಲಭ್ಯವಿದೆ.

ಟಿಪ್ 2

ನಿಮ್ಮ ಸ್ಮಾರ್ಟ್ ಫೋನನ್ನು ಕೊಂಚ ದೂರದಲ್ಲಿಟ್ಟುಕೊಳ್ಳಿ

ಸ್ಮಾರ್ಟ್ ಫೋನನ್ನು ದೂರದಲ್ಲಿಟ್ಟುಕೊಳ್ಳುವುದನ್ನು ರೂಢಿಸಿಕೊಳ್ಳಿ. ಬಹುತೇಕ ಬಳಕೆದಾರರು ಫೋನನ್ನು ಮುಖದಿಂದ ಎಂಟು ಇಂಚು ದೂರದಲ್ಲಷ್ಟೇ ಇಟ್ಟುಕೊಳ್ಳುತ್ತಾರೆ. ಕಣ್ಣಿನಿಂದ ಹದಿನೈದು ಇಂಚು ದೂರವಿಟ್ಟು ಫೋನ್ ಉಪಯೋಗಿಸುವುದನ್ನು ಅಭ್ಯಾಸ ಮಾಡಿಕೊಳ್ಳಿ.

ಟಿಪ್ 3

20-20-20 ನಿಯಮ

ಈ ನಿಯಮದ ಪ್ರಕಾರ, ಸತತವಾಗಿ ಇಪ್ಪತ್ತು ನಿಮಿಷ ಡಿಜಿಟಲ್ ಪರದೆಯನ್ನು ನೋಡಿದ ಬಳಿಕ ಇಪ್ಪತ್ತು ಸೆಕೆಂಡಿನಷ್ಟು ವಿರಾಮ ಕೊಡಬೇಕು. ಈ ಇಪ್ಪತ್ತು ಸೆಕೆಂಡಿನಲ್ಲಿ ಇಪ್ಪತ್ತು ಅಡಿಯಷ್ಟು ದೂರವಿರುವ ವಸ್ತುವೊಂದನ್ನು ನೋಡಬೇಕು.

ಟಿಪ್ 4

ಕಣ್ಣು ಮಿಟುಕಿಸುವುದನ್ನು ಹೆಚ್ಚಿಸಿ

ಸಂಶೋಧಕರ ಪ್ರಕಾರ ಹೆಚ್ಚು ಕಣ್ಣು ಮಿಟುಕಿಸುವುದರಿಂದ ಕಣ್ಣುಗಳ ತೇವಾಂಶ ಚೆನ್ನಾಗಿರುತ್ತದೆ ಮತ್ತು ಒಣಗುವಿಕೆ ಕಡಿಮೆಯಾಗುತ್ತದೆ.

ಟಿಪ್ 5

ಕನ್ನಡಕ ಅಥವಾ ಆ್ಯಂಟಿ ಗ್ಲೇರ್ ಪರದೆಯನ್ನು ಉಪಯೋಗಿಸಿ

ಸ್ಮಾರ್ಟ್ ಫೋನನ್ನು ದೀರ್ಘ ಸಮಯ ಉಪಯೋಗಿಸಬೇಕಾಗಿ ಬಂದಾಗ ಓದುವ ಸಲುವಾಗಿರುವ ಕನ್ನಡಕವನ್ನು ಉಪಯೋಗಿಸಿ. ಇಲ್ಲವಾದಲ್ಲಿ, ಮೊಬೈಲಿಗೊಂದು ಆ್ಯಂಟಿ ಗ್ಲೇರ್ ಪರದೆಯನ್ನು ಹಾಕಿಸಿ.