ಆಂಡ್ರಾಯ್ಡ್ ಫೋನ್‌ ಇಂಟರ್ನಲ್ ಸ್ಟೋರೇಜ್ ಕ್ಲಿಯರ್ ಹೇಗೆ?

Written By:

    ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್ ಆಗಿರಲಿ ಅಥವಾ ಟ್ಯಾಬ್ಲೆಟೇ ಆಗಿರಲಿ ಹೆಚ್ಚಿನ ಸಂದರ್ಭಗಳಲ್ಲಿ ನಾವು ಸ್ಥಳಾವಕಾಶ ಸಮಸ್ಯೆಯನ್ನು ಎದುರಿಸುತ್ತಿರುತ್ತೇವೆ. 'ಸ್ಟೋರೇಜ್ ಸ್ಪೇಸ್ ರನ್ನಿಂಗ್ ಔಟ್' ಈ ಸಂದೇಶ ಹೆಚ್ಚಿನ ಬಜೆಟ್ ಫೋನ್‌ಗಳಲ್ಲಿ ನೀವು ಕಾಣುವಂತಹ ಸಮಸ್ಯೆಯಾಗಿದೆ. ಹಾಗಿದ್ದರೆ ಈ ಸಮಸ್ಯೆಯನ್ನು ನಿವಾರಿಸುವುದು ಹೇಗೆ ಎಂಬುದನ್ನೇ ಇಂದಿನ ಲೇಖನದಲ್ಲಿ ತಿಳಿಸಲಿದ್ದೇವೆ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    #1

    ಡೀಫಾಲ್ಟ್ ಮೂಲಕ, ನಿಮ್ಮ ಫೋನ್‌ನಲ್ಲಿ ಪ್ರತೀ ಅಪ್ಲಿಕೇಶನ್ ಡೌನ್‌ಲೋಡ್ ಆಗುವುದು ಇಂಟರ್ನಲ್ ಸ್ಟೋರೇಜ್‌ನಲ್ಲಿ ಸೇವ್ ಆಗುತ್ತದೆ. ಸೆಟ್ಟಿಂಗ್ಸ್ > ಅಪ್ಲಿಕೇಶನ್ > ಡೌನ್‌ಲೋಡೆಡ್ ಅಪ್ಲಿಕೇಶನ್ ಇಲ್ಲಿ ಪ್ರತೀ ಅಪ್ಲಿಕೇಶನ್ ಅನ್ನು ಸ್ಪರ್ಶಿಸಿ ನಂತರ ಅದನ್ನು ಎಸ್‌ಡಿ ಕಾರ್ಡ್‌ಗೆ ಸರಿಸಿ. ಎಲ್ಲಾ ಅಪ್ಲಿಕೇಶನ್‌ಗಳು ಈ ಫೀಚರ್ ಅನ್ನು ಅನುಮೋದಿಸುವುದಿಲ್ಲ. 'ಮೂವ್ ಟು ಎಸ್‌ಡಿ' ಆಪ್ಶನ್ ಸಕ್ರಿಯಗೊಂಡಿರುವ ಅಪ್ಲಿಕೇಶನ್ ಅನ್ನು ಮಾತ್ರವೇ ಸರಿಸಬಹುದಾಗಿದೆ.

    #2

    ಹೆಚ್ಚುವರಿ ಅಪ್ಲಿಕೇಶನ್‌ಗಳನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಇನ್‌ಸ್ಟಾಲ್ ಮಾಡುವ ಅಭ್ಯಾಸ ನಮ್ಮದಾಗಿದೆ ಅಲ್ಲವೇ? ಆದರೆ ಬೇಕು ಬೇಡದ ಅಪ್ಲಿಕೇಶನ್‌ಗಳನ್ನು ಫೋನ್‌ನಲ್ಲಿ ಇರಿಸುವುದೂ ಕೂಡ ಸ್ಟೋರೇಜ್ ಸಮಸ್ಯೆಯನ್ನು ಉಂಟುಮಾಡುತ್ತದೆ. ಆದ್ದರಿಂದ ನಿಮಗೆ ಅಗತ್ಯವಿರುವ ಅಪ್ಲಿಕೇಶನ್‌ಗಳನ್ನು ಮಾತ್ರವೇ ಫೋನ್‌ನಲ್ಲಿ ಇರಿಸಿಕೊಳ್ಳಿ.

    #3

    ಅಪ್ಲಿಕೇಶನ್‌ಗಳನ್ನು ಬಳಸಿದ ನಂತರ, ಕ್ಯಾಶ್ ಕ್ಲಿಯರ್ ಮಾಡಿಕೊಳ್ಳುವುದನ್ನು ಮರೆಯದಿರಿ. ಕ್ಯಾಶ್ ಕೂಡ ನಿಮ್ಮ ಫೋನ್‌ ಅನ್ನು ನಿಧಾನವಾಗಿಸುತ್ತದೆ. ಕ್ಯಾಶ್ ಕ್ಲೀನರ್, ಕ್ಲೀನ್ ಮಾಸ್ಟರ್ ಮತ್ತು ಸಿಕ್ಲೀನರ್ ಅಪ್ಲಿಕೇಶನ್‌ಗಳನ್ನು ನಿಮಗೆ ಇನ್‌ಸ್ಟಾಲ್ ಮಾಡಿಕೊಳ್ಳಬಹುದಾಗಿದೆ.

    #4

    ಆಂಡ್ರಾಯ್ಡ್ ಸಿಸ್ಟಮ್ ಯಾವುದೇ ತರಹದ ಫೈಲ್‌ಗಳು ಅಂದರೆ ಪಿಡಿಎಫ್, ವರ್ಡ್ ಡಾಕ್ಯುಮೆಂಟ್ಸ್, ಮ್ಯೂಸಿಕ್ ಹೀಗೆ ಎಲ್ಲಾ ತರಹದ ಫೈಲ್‌ಗಳನ್ನು ಡೌನ್‌ಲೋಡ್ ಮಾಡಲು ಅನುಮತಿಸುತ್ತದೆ. ಇದೂ ಕೂಡ ಸ್ಥಳಾವಕಾಶವನ್ನು ಕಬಳಿಸುತ್ತದೆ.

    #5

    ನಿಮ್ಮ ಸ್ಮಾರ್ಟ್‌ಫೋನ್ ಉತ್ತಮ ವೀಡಿಯೊ ಮತ್ತು ಫೋಟೋಗೆ ಬೆಂಬಲವನ್ನು ನೀಡುತ್ತದೆ ಎಂದಾದಲ್ಲಿ ಫೋನ್‌ನಲ್ಲಿರುವ ಫೋಟೋಗಳನ್ನು ಮತ್ತು ವೀಡಿಯೊಗಳನ್ನು ಎಸ್‌ಡಿ ಕಾರ್ಡ್‌ಗೆ ಸರಿಸಿ. ಕ್ಯಾಮೆರಾ ಸೆಟ್ಟಿಂಗ್ಸ್‌ನಲ್ಲಿ ನಿಮಗೆ ಇದನ್ನು ನೇರವಾಗಿ ಮಾಡಬಹುದಾಗಿದೆ.

    #6

    ನಿಮ್ಮ ಫೋಟೋಗಳು, ವೀಡಿಯೊಗಳು ಅಥವಾ ಮ್ಯೂಸಿಕ್ ಆಗಿರಲಿ ಅದನ್ನು ಕ್ಲೌಡ್‌ನಲ್ಲಿ ಬ್ಯಾಕಪ್ ಮಾಡುವುದು ಒಳ್ಳೆಯ ಉಪಾಯವಾಗಿದೆ. ಒನ್ ಡ್ರೈವ್, ಗೂಗಲ್ ಡ್ರೈವ್ ಮತ್ತು ಡ್ರಾಪ್‌ಬಾಕ್ಸ್ ಆನ್‌ಲೈನ್‌ನಲ್ಲಿ ಡೇಟಾವನ್ನು ಉಳಿಸಲು ಸಹಕಾರಿಯಾಗಿದೆ. ಕ್ಲೌಡ್‌ನಲ್ಲಿ ಒಮ್ಮೆ ಸೇವ್ ಮಾಡಿಕೊಂಡ ನಂತರ ಈ ಫೈಲ್‌ಗಳನ್ನು ಸ್ಥಳೀಯ ಸಂಗ್ರಹಣೆಯಿಂದ ನಿಮಗೆ ಡಿಲೀಟ್ ಮಾಡಬಹುದಾಗಿದೆ. ಇದು ನಿಮ್ಮ ಡಿವೈಸ್‌ನಲ್ಲಿ ಸಾಕಷ್ಟು ಸ್ಥಳಾವಕಾಶವನ್ನು ಒದಗಿಸುತ್ತದೆ.

    #7

    ತಮ್ಮ ಸ್ಮಾರ್ಟ್‌ಫೋನ್, ಟ್ಯಾಬ್ಲೆಟ್‌ನಲ್ಲಿ ಹೆಚ್ಚಿನವರು ಇಂಟರ್ನೆಟ್ ಬಳಸುತ್ತಾರೆ. ಆದರೆ ಇದು ಕೆಲವೊಮ್ಮೆ ಕ್ಯಾಶ್ ಅನ್ನು ಸೃಷ್ಟಿಸಿರುತ್ತದೆ. ಡಿವೈಸ್ ಬ್ರೌಸರ್ ಅನ್ನು ಇದು ನಿಧಾನಗೊಳಿಸುತ್ತದೆ ಅಂತೆಯೇ ಸ್ಥಳಾವಕಾಶವನ್ನು ನುಂಗಿ ಹಾಕುತ್ತದೆ. ಸೆಟ್ಟಿಂಗ್ಸ್ > ಪ್ರೈವಸಿ ಏಂಡ್ ಸೆಕ್ಯುರಿಟಿ > ಕ್ಲಿಯರ್ ಕ್ಯಾಶ್ ಮತ್ತು ಹಿಸ್ಟರಿ ಈ ವಿಧಾನವನ್ನು ಅನುಸರಿಸಿ.

    #8

    ವಾಟ್ಸಾಪ್‌ನಲ್ಲಿ ನೀವು ಹಂಚಿಕೊಳ್ಳುವ ವೀಡಿಯೊ, ಫೋಟೋ ಇಲ್ಲವೇ ಹಾಡುಗಳು ನಿಮ್ಮ ಫೋನ್‌ನ ಸಾಕಷ್ಟು ಸ್ಥಳವನ್ನು ನುಂಗಿ ಹಾಕಬಹುದು. ವಾಟ್ಸಾಪ್‌ನಲ್ಲಿ ಈ ಚಟುವಟಿಕೆಗಳನ್ನು ನಿಮಗೆ ನಿಯಂತ್ರಿಸಬಹುದಾಗಿದೆ. ಸೆಟ್ಟಿಂಗ್ಸ್ > ಚಾಟ್ಸ್ ಮತ್ತು ಕಾಲ್ಸ್ > ಮೀಡಿಯಾ ಆಟೊ ಡೌನ್‌ಲೋಡ್ ಇಲ್ಲಿ ನಿಮಗೆ ನಿರ್ವಹಣೆ ಮಾಡಬಹುದಾಗಿದೆ.

    #9

    ಮೇಲೆ ತಿಳಿಸಿದ ಆಯ್ಕೆಗಳನ್ನು ಮಾಡಿ ಕೂಡ ಸಾಕಷ್ಟು ಸ್ಥಳಾವಕಾಶವನ್ನು ಪಡೆದುಕೊಳ್ಳುವಲ್ಲಿ ನೀವು ವಿಫಲರಾದಿರಿ ಎಂದಾದಲ್ಲಿ, ಫ್ಯಾಕ್ಟ್ರಿ ರೀಸೆಟ್ ಡೇಟಾ ಅಂತಿಮ ಆಯ್ಕೆ ಎಂದೆನಿಸಿದೆ. ಇದನ್ನು ಮಾಡಲು ಸೆಟ್ಟಿಂಗ್ಸ್ > ಬ್ಯಾಕಪ್ ಮತ್ತು ರೀಸೆಟ್ > ಫ್ಯಾಕ್ಟ್ರಿ ರೀಸೆಟ್ ಡೇಟಾ ಹೀಗೆ ಮಾಡಿ. ಅದರೆ ಇದನ್ನು ಮಾಡುವ ಮೊದಲು ನಿಮ್ಮೆಲ್ಲಾ ಫೈಲ್‌ಗಳನ್ನು ಬ್ಯಾಕಪ್ ಮಾಡಿಕೊಳ್ಳುವುದು ಉತ್ತಮ.

    ಗಿಜ್‌ಬಾಟ್ ಲೇಖನಗಳು

    ಖರೀದಿಸಿ ಬಜೆಟ್ ಬೆಲೆಯಲ್ಲಿ ಟಾಪ್ 10 ಫೀಚರ್ ಫೋನ್ಸ್
    ವೋಟ್‌ ಕಾರ್ಡ್‌ಗಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಕೆ ಹೇಗೆ?
    ಫೇಸ್‌ಬುಕ್ ಮೆಸೇಂಜರ್‌ನಲ್ಲಿ ಯಾರಿಗೂ ತಿಳಿಯದ ರಹಸ್ಯ ಟ್ರಿಕ್ಸ್‌ಗಳು
    2 ಸೆಕೆಂಡ್‌ಗಳಲ್ಲಿ 70,000 ಮಾರಾಟ ಕಂಡ ಲೀಕೊ ಸ್ಮಾರ್ಟ್‌ಫೋನ್

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    English summary
    If you are facing this problem, check out the nine easy ways you can reclaim space on your Android device.
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more