ಅಯ್ಯೊಯ್ಯೊ! ಒಂದು ಫೋನ್‌ನಿಂದ ಇಷ್ಟೆಲ್ಲಾ ಅವಾಂತರವೇ?

ಕಾರು ಇಲ್ಲವೇ ಬೈಕ್ ಚಾಲನೆ ಮಾಡುತ್ತಿರುವಾಗ

ನೀವು ಚಾಲನೆ ಮಾಡುತ್ತಿರುವಾಗ ಫೋನ್ ಬಳಸುತ್ತಿದ್ದೀರಿ ಎಂದಾದರೆ ನಿಮ್ಮ ಜೀವಕ್ಕೆ ಇದು ಅಪಾಯವನ್ನುಂಟು ಮಾಡುತ್ತದೆ. ಹೌದು ಸ್ನೇಹಿತರೇ ನೀವು ರಸ್ತೆ ಬದಿಗಳಲ್ಲಿ ಚಾಲನೆ ಮಾಡುವಾಗ ಫೋನ್ ಬಳಸದಿರಿ ಎಂಬಂತಹ ಬೋರ್ಡ್‌ಗಳನ್ನು ಕಂಡಿರಬಹುದು. ಇದರಿಂದಲೇ ಚಾಲನೆ ಮಾಡುತ್ತಿರುವಾಗ ಫೋನ್ ಬಳಕೆ ಎಷ್ಟು ಅಪಾಯಕಾರಿ ಎಂಬುದನ್ನು ಮನಗಾಣಿ.

ಕಲಿಕಾ ಸಮಯದಲ್ಲಿ

ನಿಮ್ಮ ಓದಿನ ಸಮಯವೆಂದರೆ ನಿಮ್ಮ ಉತ್ತಮ ಭವಿಷ್ಯದ ಚಿಂತನೆಯನ್ನು ಮಾಡುವ ಸಮಯವಾಗಿದೆ. ನೀವು ಓದುವ ಸಮಯದಲ್ಲಿ ಮೊಬೈಲ್ ಬಳಸಿದರೆ ಇದರಿಂದ ನಿಮ್ಮ ಏಕಾಗ್ರತೆ ನಷ್ಟವಾಗುತ್ತದೆ ಮತ್ತು ಪರೀಕ್ಷೆಯಲ್ಲಿ ಉತ್ತಮ ಅಂಕಗಳನ್ನು ತೆಗೆಯಲು ಸಾಧ್ಯವಾಗದಿರಬಹುದು. ಆದ್ದರಿಂದ ಓದುವಾಗ ಕಡ್ಡಾಯವಾಗಿ ಮೊಬೈಲ್ ಬಳಕೆಯನ್ನು ಮಾಡದಿರಿ. ಉತ್ತಮ ಗುರಿಯನ್ನಿರಿಸಿಕೊಂಡು ಓದಿ.

ಅಡುಗೆ ಮಾಡುವಾಗ

ನಿಮ್ಮ ಮನೆಗೆ ಅತಿಥಿಗಳು ಬಂದಿರುವ ಸಮಯದಲ್ಲಿ ನೀವು ಅಡುಗೆ ಮಾಡುವುದನ್ನು ಬಿಟ್ಟು ಫೋನ್‌ನಲ್ಲಿ ಸಂಭಾಷಿಸುತ್ತಿದ್ದರೆ ನಿಮ್ಮ ಕೆಲಸಕ್ಕೆ ಅಡ್ಡಿಯುಂಟಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಅಂತೆಯೇ ಅಡುಗೆ ರುಚಿಯಲ್ಲಿ ವ್ಯತ್ಯಾಸಗಳುಂಟಾಗಿ ನೀವು ಮುಜುಗರಕ್ಕೆ ಒಳಗಾಗಬಹುದು. ಆದ್ದರಿಂದ ಈ ಸಮಯದಲ್ಲಿ ಮೊಬೈಲ್ ಬಳಕೆಯನ್ನು ಮಾಡದಿರಿ.

ಕೆಲಸ ಮಾಡುತ್ತಿರುವಾಗ

ನೀವು ಹೆಚ್ಚಿನ ಮುತುವರ್ಜಿಯ ಕೆಲಸವನ್ನು ಮಾಡುತ್ತಿದ್ದೀರಿ ಎಂದಾದಲ್ಲಿ ನಿಮ್ಮ ಫೋನ್ ಬಳಕೆಯನ್ನು ಕಡಿಮೆ ಮಾಡಿ. ಇದರಿಂದ ಕೆಲಸದಲ್ಲಿ ಉಂಟಾಗುವ ತೊಂದರೆಗಳನ್ನು ನೀವು ನಿವಾರಿಸಿಕೊಳ್ಳಬಹುದಾಗಿದೆ. ಅಂತೆಯೇ ಮೇಲಾಧಿಕಾರಿಯ ಬೈಗುಳದಿಂದ ನಿಮ್ಮನ್ನು ಕಾಪಾಡಿಕೊಳ್ಳಬಹುದು.

ಸ್ನಾನ ಮಾಡುವಾಗ

ಸ್ನಾನ ಮಾಡುವಾಗ ಮೊಬೈಲ್ ಫೋನ್‌ನ ಬಳಕೆ ಮಾಡಿದಲ್ಲಿ ಇದರಿಂದ ಉಂಟಾಗುವ ಅಪಾಯವನ್ನು ನೀವು ಭರಿಸಬೇಕಾಗುತ್ತದೆ. ನಿಮ್ಮ ಸ್ನಾನದ ನೀರು ಫೋನ್ ಮೇಲೆ ಬಿದ್ದು ಖಂಡಿತ ಅನಾಹುತವುಂಟಾಗುತ್ತದೆ.

ಸಿನಿಮಾ ಮಂದಿರಗಳಲ್ಲಿ

ನೀವು ಸಿನಿಮಾ ನೋಡುತ್ತಿರುವ ಸಮಯದಲ್ಲಿ ಹೆಚ್ಚು ಏಕಾಗ್ರತೆಯ ದೃಶ್ಯವೊಂದು ಕಂಡುಬಂದಿದೆ ಮತ್ತು ಅಕಸ್ಮತ್ತಾಗಿ ನಿಮ್ಮ ಫೋನ್ ರಿಂಗಾಗಿದೆ ಈ ಸಮಯದಲ್ಲಿ ನಿಮ್ಮೊಂದಿಗೆ ನೀವು ಇತರರ ಸಿನಿಮಾ ನೋಡುವಿಕೆಗೂ ಭಂಗವನ್ನುಂಟು ಮಾಡುತ್ತಿದ್ದೀರಿ ಎಂದಾಗಿದೆ. ಅಂತೆಯೇ ಚಿತ್ರ ಮಂದಿರಗಳಲ್ಲಿ ನೀವು ಫೋನ್ ಸಂಭಾಷಣೆಯಲ್ಲಿ ತೊಡಗಿದರೆ ಅದು ಇತರ ಪ್ರೇಕ್ಷಕರಿಗೂ ಅಡ್ಡಿಯನ್ನುಂಟು ಮಾಡುವುದು ಖಂಡಿತ.

ಬಸ್ಸಿಗೆ ಕಾಯುತ್ತಿರುವ ಸಂದರ್ಭದಲ್ಲಿ

ನೀವು ಬಸ್ಸಿಗೆ ಕಾಯುತ್ತಿರುವ ಸಂದರ್ಭದಲ್ಲಿ ಫೋನ್ ಸಂಭಾಷಣೆಯಲ್ಲಿ ತೊಡಗಿದಿರಿ ಎಂದರೆ ನೀವು ಬಸ್ ಮಿಸ್ ಮಾಡಿಕೊಳ್ಳುವುದು ಖಂಡಿತ. ಇಲ್ಲಾ ಇನ್ನರ್ಧ ಗಂಟೆ ಬಸ್‌ಗಾಗಿ ಕಾಯುವ ಸಂದರ್ಭ ನಿಮಗೆ ಒದಗಿ ಬಂದೀತು. ಫೋನ್ ಬದಿಗಿಟ್ಟು ಬಸ್‌ಗೆ ಹತ್ತಿಕೊಳ್ಳಿ.

ವಿಮಾನ ಪ್ರಯಾಣ ಮಾಡುತ್ತಿರುವಾಗ

ನೀವು ವಿಮಾನ ಪ್ರಯಾಣ ಮಾಡುತ್ತಿರುವ ಸಂದರ್ಭದಲ್ಲಿ ಗಗನ ಸಖಿಯರು ತಿಳಿಸುವ ಸೂಚನೆಗಳನ್ನು ಪಾಲಿಸಬೇಕು. ವಿಮಾನ ಚಾಲನೆ ಸಮಯದಲ್ಲಿ ಫೋನ್ ಅನ್ನು ಫ್ಲೈಟ್ ಮೋಡ್ ಇಲ್ಲವೇ ಸ್ವಿಚ್ ಆಫ್ ಮಾಡಿ ಇಲ್ಲದಿದ್ದರೆ ರೇಡಿಯೇಶನ್ ವಿಮಾನದ ಇಲೆಕ್ಟ್ರಾನಿಕ್ ಅಂಶಗಳ ಮೇಲೆ ಪರಿಣಾಮ ಬೀರಿ ನಿಮ್ಮ ದುರ್ವರ್ತನೆಗೆ ನೀವು ಶಿಕ್ಷೆಗೆ ಒಳಗಾಗಬೇಕಾದೀತು.

ರಸ್ತೆ ದಾಟುವಾಗ

ರಸ್ತೆ ದಾಟುವಾಗ ಸಂಗೀತ ಆಲಿಸುವುದೂ ಕೂಡ ಅಪಾಯವನ್ನುಂಟು ಮಾಡಬಹುದು. ನೀವು ಫೋನ್ ಇಲ್ಲವೇ ಸಂಗೀತ ಆಲಿಸದೇ ರಸ್ತೆ ದಾಟಿದರೆ ಯಾವುದೇ ಅಪಾಯವಿಲ್ಲದೆ ನೀವು ಮುಂದುವರಿಯಬಹುದು. ವಾಹನಗಳು ಯಾವ ದಿಕ್ಕಿನಿಂದ ಬರುತ್ತದೆ ಎಂಬುದನ್ನು ನೋಡಬಹುದು. ಇಲ್ಲದಿದ್ದರೆ ಅಪಘಾತಕ್ಕೆ ನೀವು ಒಳಗಾಗುವುದು ಖಂಡಿತ.