ಕಳೆದ ಸಿಮ್, ಡಿಎಲ್ ಯಾವುದೇ ದಾಖಲೆ ಪಡೆಯಲು ಪೊಲೀಸ್ ಠಾಣೆಗೆ ಹೋಗಬೇಕಿಲ್ಲ!!..ಏಕೆ ಗೊತ್ತಾ?

'ಇ-ಲಾಸ್ಟ್ ಅಂಡ್ ಫೌಂಡ್' ವೆಬ್‌ಸೈಟ್‌!

ಆನ್‌ಲೈನ್ ಮುಖಾಮತರ ಕಳೆದುಕೊಂಡ ವಸ್ತುಗಳ ಬಗ್ಗೆ ಕರ್ನಾಟಕ ಪೊಲೀಸ್ ಇಲಾಖೆ 'ಇ-ಲಾಸ್ಟ್ ಅಂಡ್ ಫೌಂಡ್' (e-Lost & Found Report) ಎಂಬ ವೆಬ್‌ಸೈಟ್‌ ರಚಿಸಿದೆ. ಈ ವೆಬ್‌ಸೈಟ್ ಮೂಲಕ ಕಳೆದುಹೋದ ವಸ್ತುಗಳ ಬಗ್ಗೆ ದೂರುದಾಖಲಿಸಬಹುದಾಗಿದ್ದಯ, ನೀವು ದೂರು ಸಲ್ಲಿಸಲು ಪೊಲೀಸ್ ಠಾಣೆಗೆ ಹೋಗುವ ಅವಶ್ಯಕತೆ ಇಲ್ಲ.

ಹೇಗೆ ಕಾರ್ಯ ನಿರ್ವಹಿಸುತ್ತದೆ ವೆಬ್‌ಸೈಟ್?

ಬೆಂಗಳೂರು ನಗರದಲ್ಲಿ ಕಳೆದುಹೋದ ವಸ್ತು/ದಾಖಲೆಗಳ ವಿವರಗಳನ್ನು ನೋಂದಾಯಿಸಲು ಈ ಅಪ್ಲಿಕೇಷನ್ ಸುಲಭವಾಗಿಸಿದೆ.ಎಲ್ಲವೂ ಡಿಜಿಟಲ್ ಆಗುತ್ತಿರುವ ಈ ಸಂದರ್ಭದಲ್ಲಿ ಬೆಂಗಳೂರು ಪೊಲೀಸ್ ಇಲಾಖೆ ಒಂದು ಹೆಜ್ಜೆ ಮುಂದಿಟ್ಟಿದ್ದು, ಪ್ರಜೆಗಳಿಗೆ ಅನುಕೂಲವಾಗಲು ಈ ವೆಬ್‌ಸೈಟ್‌ ರಚಿಸಿದೆ. ಹಾಗಾಗಿ, ನೀವು ಏನನ್ನೇ ಕಳೆದುಕೊಂಡರು ಈ ವೆಬ್‌ಸೈಟ್‌ ಮೂಲಕ ದೂರು ದಾಖಲಿಸಬಹುದು.! ಎಚ್ಚರ ಸುಳ್ಳು ದೂರಿಗೆ ಶಿಕ್ಷೆ ವಿಧಿಸಲಾಗುತ್ತದೆ.

ಸಾಮಾನ್ಯ ಪ್ರಾಶ್ನೆಗಳು ಮತ್ತು ಉತ್ತರ.

'ಇ-ಲಾಸ್ಟ್ ಅಂಡ್ ಫೌಂಡ್ ವೆಬ್‌ಸೈಟ್‌ ಕಾರ್ಯನಿರ್ವಹಣೆ ಬಗ್ಗೆ ಎಲ್ಲರಿಗೂ ಸಾಮಾನ್ಯ ಪ್ರಶ್ನೆಗಳು ಹುಟ್ಟಿಕೊಳ್ಳುತ್ತವೆ.! ಹಾಗಾಗಿ, ಪೊಲೀಸ್ ಇಲಾಖೆ ನೀಡಿರುವ ಹಲವು ಸಾಮಾನ್ಯ ಪ್ರಶ್ನೆಗಳು ಮತ್ತು ಅದಕ್ಕೆ ನೀಡಿರುವ ಉತ್ತರಗಳನ್ನು ಈ ಕೆಳಗೆ ತಿಳಿಸಲಾಗಿದೆ. ಅವುಗಳು ಯಾವುವು ಎಂಬುದನ್ನು ಕೆಳಗಿನ ಸ್ಲೈಡರ್‌ಗಳಲ್ಲಿ ನೋಡಿರಿ.

ಪ್ರಶ್ನೆ 1: ಯಾವ ವಿಧಾನದಲ್ಲಿ ವರದಿಯನ್ನು ದಾಖಲಿಸಬೇಕು ?

ಉತ್ತರ: ನಕಲು ದಾಖಲಾತಿಗಳನ್ನು ಪಡೆಯುವ ಸಂದರ್ಭಗಳಲ್ಲಿ ದಾಖಲಾತಿಗಳು ಕಳೆದು ಹೋದ ಬಗ್ಗೆ ಪೊಲೀಸ್ ವರದಿಯನ್ನು ಸಲ್ಲಿಸುವಂತೆ ಸೂಚಿಸುತ್ತಿರುವ ಹಿನ್ನೆಲೆಯಲ್ಲಿ ನಕಲು ದಾಖಲಾತಿಗಳು/ವಸ್ತುಗಳು ಕಳೆದುಹೋದ ಬಗ್ಗೆ ಪೊಲೀಸ್ ಠಾಣೆಗಳಲ್ಲಿ ವರದಿಯನ್ನು ದಾಖಲಿಸುವುದು ಕಡ್ಡಾಯವಾಗಿರುತ್ತದೆ. ಈ ವೆಬ್ ಸೈಟ್ ನ ಸಹಾಯ ದಿಂದಾಗಿ ಮೊಬೈಲ್ ಮತ್ತು ಇಂಟರ್ನೆಟ್ ಮುಖೇನ ಬೆಂಗಳೂರು ನಗರದಲ್ಲಿ ಕಳೆದುಹೋದ ದಾಖಲಾತಿಗಳು/ವಸ್ತುಗಳ ಬಗ್ಗೆ ವರದಿಯನ್ನು ಸಲ್ಲಿಸಬಹುದು.

ಪ್ರಶ್ನೆ 2: ವಸ್ತು ಕಳೆದು ಹೊದ ಸಮಯ ಮತ್ತು ದಿನಾಂಕ ಗೊತ್ತಿಲ್ಲವಾದಲ್ಲಿ ಎನು ಮಾಡಬಹುದು ?

ಉತ್ತರ:ಹೆಚ್ಚು ಸಂದರ್ಭಗಳಲ್ಲಿ ದಾಖಲಾತಿಗಳು/ ವಸ್ತುಗಳು ಕಳೆದುಹೋದ ದಿನಾಂಕ ಮತ್ತು ಸಮಯದ ಬಗ್ಗೆ ನಿಖರವಾದ ಮಾಹಿತಿ ಇರುವುದಿಲ್ಲ. ಈ ಸಂದರ್ಭಗಳಲ್ಲಿ ಯಾವ ದಿನಾಂಕದಿಂದ ಮತ್ತು ಯಾವ ದಿನಾಂಕದ ವರೆಗಿನ ಅವಧಿಯಲ್ಲಿ ಕಳೆದುಹೋದ ಬಗ್ಗೆ ಮಾಹಿತಿ ನೀಡುವುದು.

ಪ್ರಶ್ನೆ 3: ವಸ್ತು ಕಳೆದ ನಿಖರ ಸ್ಥಳ ಗೊತ್ತಿಲ್ಲದಿದ್ದಲ್ಲಿ ಎನು ಮಾಡಬಹುದು ?

ಉತ್ತರ: ಹೆಚ್ಚುಬಾರಿ ವ್ಯಕ್ತಿಯ ಪ್ರಮಾಣ ಮಾಡುವ ಸಂದರ್ಭಗಳಲ್ಲಿ ದಾಖಲಾತಿ/ ಸ್ವತ್ತುಗಳನ್ನು ಕಳೆದುಕೊಳ್ಳಬಹುದು, ಮತ್ತು ಅಂತಹ ವ್ಯಕ್ತಿಗೆ ದಾಖಲಾತಿಗಳ ಬಗ್ಗೆ ಬಹು ದಿನಗಳ ನಂತರ ಗೊತ್ತಾಗಬಹುದು. ಇಂತಹ ಸಂದರ್ಭಗಳಲ್ಲಿ ನಿಮಗೆ ಗೊತ್ತಿರುವ ಮಾಹಿತಿಯನ್ನು ಭರ್ತಿಮಾಡಿ. ಜಿಲ್ಲೆ ಗೊತ್ತಿದಲ್ಲಿ ನಮೂದಿಸಿ. ಬೆಂಗಳೂರು ನಗರದ ವ್ಯಾಪ್ತಿ ಹೊರಗೆ ಕಳೆದುಕೊಂಡ ದಾಖಲಾತಿ/ವಸ್ತುಗಳ ಬಗ್ಗೆ ನೀಡಿದ ವರದಿಯು ಕಾನೂನು ಮಾನ್ಯತೆ ಪಡೆಯುವುದಿಲ್ಲ.

ಪ್ರಶ್ನೆ 4: ವಸ್ತು ಕಳೆದ ಬಗ್ಗೆ ವರದಿಯವರ ನೀಡಿದ ನಂತರ ಪೊಲೀಸರ ಕ್ರಮ ಎನು ?

ಉತ್ತರ: ಕಳೆದುಹೋದ ದಾಖಲಾತಿ/ವಸ್ತುಗಳ ಬಗ್ಗೆ ದಾಖಲಾದ ವರದಿಗಳು ಎಸ್.ಸಿ.ಆರ್.ಬಿ ನಲ್ಲಿ ದಾಖಲಾಗುತ್ತವೆ. ದಾಖಲಾದ ವರದಿಯ ಮೇಲೆ ಯಾವುದೇ ವಿಚಾರಣೆ/ ತನಿಖೆ ಕೈಗೊಳ್ಳಲಾಗುವುದಿಲ್ಲ.

ಪ್ರಶ್ನೆ 5: ವರದಿಯನ್ನು ನೊಂದಯಿಸಿದ ನಂತರ ಎನಾಗುತ್ತದೆ ?

ಉತ್ತರ:ಸಹಿಯಾದ ಕಳೆದುಹೋದ ಬಗ್ಗೆ ವರದಿಗಳು ಬಳಕೆದಾರರ ಮೊಬೈಲ್ ಪೋನ್ ಮತ್ತು ಇ-ಮೇಲ್ ಐಡಿಗೆ ರಾವನೆಯಾಗುತ್ತದೆ.

ಪ್ರಶ್ನೆ 6: ಯಾವ ರೀತಿಯ ಪಿರ್ಯಾದುಗಳನ್ನು ದಾಖಲಿಸಬಹುದು ?

ಉತ್ತರ: ಬೆಂಗಳೂರು ನಗರ ವ್ಯಾಪ್ತಿ ಪ್ರದೇಶದಲ್ಲಿ ಕಳೆದುಹೋದ ದಾಖಲಾತಿ/ ವಸ್ತುಗಳ ಬಗ್ಗೆ ಮಾತ್ರ ಈ ವೆಬ್ ಸೈಟ್ ನಲ್ಲಿ ಮಾಹಿತಿ ಲಭಿಸುತ್ತದೆ.ಬೆಂಗಳೂರು ನಗರದ ಹೊರಗೆ ಕೆಳೆದುಹೋದ ದಾಖಲಾತಿಗಳು/ವಸ್ತುಗಳ ಬಗ್ಗೆ ಈ ವೆಬ್ ಸೈಟ್ ನಲ್ಲಿ ದಾಖಲಿಸಿದ ವರದಿಯು ಕಾನೂನು ಮಾನ್ಯತೆ ಪಡೆಯುವುದಿಲ್ಲ. ಕಳ್ಳತನ ಮತ್ತು ಇತರೆ ಅಪರಾಧಗಳಿಗಾಗಿ ಡಯಲ್ 100 ಬಳಸಿ ಮತ್ತು ಹತ್ತಿರದ ಪೊಲೀಸ್ ಠಾಣೆಯನ್ನು ಸಂಪರ್ಕಿಸಿ.

ಪ್ರಶ್ನೆ 7: ವರದಿಯನ್ನು ದಾಖಲಿಸಿದ ನಂತರ ಈ ಮೇಲ್ ಬಾರದಿದ್ದರೆ ಎನು ಮಾಡಬಹುದು ?

ಉತ್ತರ: ತಪ್ಪು, ಇ-ಮೇಲ್ ವಿಳಾಸವನ್ನು ನೀಡಿದಲ್ಲಿ ತಮ್ಮ ಮೊಬೈಲ್ ಪೋನ್ ನಲ್ಲಿ ತಮ್ಮ ವರಿದಿಗೆ ನೀಡಿರುವ ಎಲ್.ಎ (ಲಾಸ್ಟ್ ಆರ್ಟಿಕಲ್) ನಂಬರ್ ನಲ್ಲಿ ಆಕ್ಸೇಸ್ ಮಾಡಿ ವರದಿಯನ್ನು ಪಡೆದುಕೊಳ್ಳಬಹುದು. ಅಥವಾ ಎಸ್.ಸಿ.ಆರ್.ಬಿ ರವರನ್ನು ಸಂಪರ್ಕಿಸಿ ವರದಿ ಪಡೆದುಕೊಳ್ಳಬಹುದು.

ಪ್ರಶ್ನೆ 8:ವಸ್ತು ಕಳೆದುಕೊಂಡ ಬಗ್ಗೆ ವರದಿಯನ್ನು ಹೇಗೆ ಪರಿಶೀಲಿಸುವುದು ?

ಉತ್ತರ: ಬಿಸಿಪಿ. ವೆಬ್ ಸೈಟ್ ನಲ್ಲಿ ಎಲ್.ಎ ನಂಬರ್ ಸಹಾಯದಿಂದ ಯಾರಾದರೂ ವರದಿಯನ್ನು ಪರಿಶೀಲಿಸಬಹುದು.

ಪ್ರಶ್ನೆ 9: ನಾನು ವಿದೇಶಿಯನಾದರೂ ಈ ಅಪ್ಲಿಕೇಶನ್ ಮುಖಾಂತರ ವರದಿಯನ್ನು ಸಲ್ಲಿಸಬಹುದೆ ?

ಉತ್ತರ: ನೀವು ಯಾವುದಾದರು ದಾಖಲಾತಿಗಳನ್ನು/ ವಸ್ತುಗಳನ್ನು ಕೆಳೆದುಕೊಂಡಿದಲ್ಲಿ ಈ ಅಪ್ಲಿಕೇಶನ್ ನ ಸಹಾಯದಿಂದ ವರದಿಯನ್ನು ದಾಖಲಿಸಬಹುದು.

ಪ್ರಶ್ನೆ 10: ದೂರು ದಾಖಲಾದ ನಂತರ ಪೊಲೀಸರಿಂದ ವಿಚಾರಣೆಯಾಗುತ್ತದೆಯೆ ?

ಉತ್ತರ: ಇದು ಪೊಲೀಸರಿಗೆ ಕೇವಲ ಮಾಹಿತಿಯಾಗಿರುತ್ತದೆ. ಈ ಆಧಾರದ ಮೇಲೆ ಯಾವುದೇ ವಿಚಾರಣೆ/ತನಿಖೆಯನ್ನು ಕೈಗೊಳ್ಳುವುದಿಲ್ಲ. ಈ ವರದಿಯು ಯಾವುದೇ ಏಜೆನ್ಸಿಯ ಮಾಹಿತಿಗಾಗಿ ಮತ್ತು ಪರಿಶೀಲನೆಗಾಗಿ ವಿದ್ಯುನ್ಮಾನ ದಾಖಲೆಯಾಗಿರುತ್ತೆ.

ಪ್ರಶ್ನೆ 11: ನಕಲು ಪ್ರತಿಯನ್ನು ಪಡೆಯಲು ಮಾನ್ಯತೆ ಪಡೆಯುವುದೆ ?

ಉತ್ತರ: ಹೌದು, ವರದಿಯು ಡಿಜಿಟಲ್ ಸಹಿಯನ್ನು ಹೊಂದಿದೆ ಮತ್ತು ಯಾವುದೇ ಪ್ರಾಧಿಕಾರವು ನಕಲನ್ನು ನೀಡಲು ಆನ್ ಲೈನ್ ಮೂಲಕ ಪರಿಶೀಲಿಸ ಬಹುದು.

ಪ್ರಶ್ನೆ 12: ಸುಳ್ಳು ದೂರು ದಾಖಲಾದಲ್ಲಿ ಅರ್ಜಿದಾರರ ವಿರುದ್ದ ಸೂಕ್ತ ಕ್ರಮ ಕೈಗೊಳ್ಳಲಾಗುವುದೆ ?

ಉತ್ತರ: ಪೊಲೀಸರಿಗೆ ತಪ್ಪು ಮಾಹಿತಿಯನ್ನು ನೀಡುವುದು ಶಿಕ್ಷಾರ್ಹ ಅಪರಾಧ, ತಪ್ಪು ಮಾಹಿತಿ ನೀಡುವವರ ವಿರುದ್ದ ಕಾನೂನು ರೀತ್ಯಾ ಕ್ರಮ ಕೈಗೊಳ್ಳಲಾಗುವುದು