ಮತ ಚಲಾವಣೆಗೆ ನಿಮ್ಮ ಕ್ಷೇತ್ರದ ಬದಲಾವಣೆಯನ್ನು ಆನ್ ಲೈನ್ ನಲ್ಲೇ ಮಾಡಿಕೊಳ್ಳಿ!

ಆಗತ್ಯ ಡಾಕ್ಯುಮೆಂಟ್ ಗಳು:

ಪಾಸ್ ಪೋರ್ಟ್ ಸೈಜಿನ ಫೋಟೋ, ವಯಸ್ಸು ಮತ್ತು ವಿಳಾಸವನ್ನು ಸಾಕ್ಷೀಕರಿಸುವ ದಾಖಲಾತಿಗಳು

ಬಳಕೆದಾರರು ಪಾಸ್ ಪೋರ್ಟ್ ಸೈಜಿನ ಫೋಟೋ, ವಯಸ್ಸಿನ ಸಾಕ್ಷಿ ಮತ್ತು ವಿಳಾಸವನ್ನು ಸಾಕ್ಷೀಕರಿಸುವ ದಾಖಲಾತಿಗಳನ್ನು ಸಪೋರ್ಟಿಂಗ್ ಡಾಕ್ಯುಮೆಂಟ್ ಸೆಕ್ಷನ್ ನಲ್ಲಿ ಅಪ್ ಲೋಡ್ ಬಟನ್ ಕ್ಲಿಕ್ಕಿಸುವ ಮೂಲಕ ನೀಡಬೇಕಾಗುತ್ತದೆ. ಫೈಲ್ ಸೈಜ್ 2ಎಂಬಿಗಿಂತ ಅಧಿಕವಾಗಿರುವಂತಿಲ್ಲ ಎಂಬುದು ನೆನಪಿರಲಿ.

ವಯಸ್ಸಿನ ಸಾಕ್ಷಿಗಾಗಿ ನೀಡಬಹುದಾದ ದಾಖಲಾತಿಗಳು:

ಜನನ ಪ್ರಮಾಣಪತ್ರ, 10,5 ಅಥವಾ 8ನೇ ತರಗತಿಯ ಮಾರ್ಕ್ಸ್ ಕಾರ್ಡ್, ಭಾರತೀಯ ಪಾಸ್ ಪೋರ್ಟ್, ಡ್ರೈವಿಂಗ್ ಲೈಸನ್ಸ್ ಮತ್ತು ಯುಐಡಿಎಐ ನಿಂದ ನೀಡಲಾಗಿರುವ ಆಧಾರ್ ಕಾರ್ಡ್.

ವಿಳಾಸದ ಸಾಕ್ಷಿಗಾಗಿ ನೀಡಬಹುದಾದ ದಾಖಲಾತಿಗಳು: ಡ್ರೈವಿಂಗ್ ಲೈಸನ್ಸ್, ಭಾರತೀಯ ಪಾಸ್ ಪೋರ್ಟ್, ರೇಷನ್ ಕಾರ್ಡ್, ಆದಾಯ ತೆರಿಗೆ ಮೌಲ್ಯಮಾಪನ ಆದೇಶ, ಬಾಡಿಗೆ ಒಪ್ಪಂದದ ಪತ್ರ, ನೀರಿನ ಬಿಲ್, ಟೆಲಿಫೋನ್ ಬಿಲಿ, ಬ್ಯಾಂಕ್/ಕಿಸಾನ್/ ಪೋಸ್ಟ್ ಆಫೀಸ್ ಪಾಸ್ ಬುಕ್, ಗ್ಯಾಸ್ ಕನೆಕ್ಷನ್ ಬಿಲ್, ಎಲೆಕ್ಟ್ರಿಸಿಟಿ ಬಿಲ್ ಇತ್ಯಾದಿ.

ನಿಮ್ಮ ಫೋನಿನಲ್ಲಿ, ಪಿಸಿ ಅಥವಾ ಲ್ಯಾಪ್ ಟಾಪ್ ನಲ್ಲಿ ‘National Voters' ಸರ್ವೀಸ್ ಪೋರ್ಟಲ್ ನ್ನು ತೆರೆಯಿರಿ:

‘https://www.nvsp.in/' ಗೆ ತೆರಳಿ

ಮೊದಲಿಗೆ ಇದನ್ನು ಕ್ಲಿಕ್ಕಿಸಿ ‘Apply online for registration of new voter/due to shifting from AC'

ಇದು ಫಾರ್ಮ್ 6 ಆಗಿರುತ್ತದೆ. ಇದನ್ನು ಬಳಕೆದಾರರು ತುಂಬಿಸಬೇಕಾಗುತ್ತದೆ ಮತ್ತು ಎಲಕ್ಟ್ರಾಲ್ ಲಿಸ್ಟ್ ನಲ್ಲಿ ತಮ್ಮನ್ನ ತಾವು ಈ ಮೂಲಕ ರಿಜಿಸ್ಟರ್ ಮಾಡಿಕೊಳ್ಳಬೇಕಾಗುತ್ತದೆ.

ಫಾರ್ಮ್ 6 ಗಾಗಿ ನಿಮಗೆ ಅಗತ್ಯವಿರುವ ಭಾಷೆಯನ್ನು ಆಯ್ಕೆ ಮಾಡಿ. ಮೇಲ್ಬಾಗದ ಬಲ ಬದಿಯಲ್ಲಿ ಭಾಷೆಯ ಆಯ್ಕೆಗೆ ಅವಕಾಶವಿರುತ್ತದೆ.

ಮೂರು ವಿಭಿನ್ನ ಭಾಷೆಗಳಲ್ಲಿ ಫಾರ್ಮ್ 6 ಲಭ್ಯವಿದೆ - ಇಂಗ್ಲೀಷ್, ಹಿಂದಿ ಮತ್ತು ಮಳಯಾಳಂ. ಬಳಕೆದಾರರು ತಮಗೆ ಅಗತ್ಯವಿರುವ ಭಾಷೆಯನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಫಾರ್ಮ್ 6 ನ್ನು ತುಂಬಿಸಿ.

ಫಾರ್ಮ್ 6 ನಲ್ಲಿ ಆರು ಭಾಗಗಳಿರುತ್ತದೆ. - ಖಡ್ಡಾಯವಾಗಿ ತುಂಬಿಸಬೇಕಾಗಿರುವ ಅಂಶಗಳು, ವಿಳಾಸ, ಐಚ್ಛಿಕ ವಿವರಗಳು, ಪೋಷಕ ದಾಖಲಾತಿಗಳು ಮತ್ತು ಘೋಷಣೆಗಳು

ಪ್ರತಿಯೊಂದು ವಿವರಗಳನ್ನು ಅರ್ಜಿದಾರ ತುಂಬಿಸಬೇಕಾಗುತ್ತದೆ. ಐಚ್ಛಿಕ ವಿವರಗಳನ್ನು ಮಾತ್ರವೇ ತುಂಬಿಸುವ ಅಗತ್ಯವಿರುವುದಿಲ್ಲ.ಅರ್ಜಿಯನ್ನು ಸಲ್ಲಿಸಿದ ನಂತರ ನೀವು ದಾಖಲಿಸಿದ ಮೊಬೈಲ್ ನಂಬರಿಗೆ ಒಂದು ಕನ್ಫರ್ ಮೇಷನ್ ಎಸ್ಎಂಎಸ್ ಬರುತ್ತದೆ.

ಅಗತ್ಯ ವಿವರಗಳನ್ನು ಮೊದಲಿಗೆ ತುಂಬಿಸಿ ಉದಾಹರಣೆಗೆ ಕ್ಷೇತ್ರ, ಜಿಲ್ಲೆ ಅಥವಾ ಸಂಬಂಧಪಟ್ಟ ರಾಜ್ಯ- ನೀವು ಮತದಾನ ಮಾಡಲು ಇಚ್ಛಿಸುವ ಲೋಕಸಭಾ ಕ್ಷೇತ್ರದ ಬಗ್ಗೆ ಸರಿಯಾದ ಮಾಹಿತಿಯನ್ನು ಅರ್ಜಿಯಲ್ಲಿ ನೀಡಬೇಕಾಗುತ್ತದೆ.

ಮೊದಲ ಬಾರಿಗೆ ವೋಟ್ ಮಾಡುತ್ತಿರುವವರಾ ಅಥವಾ ಕ್ಷೇತ್ರದ ಬದಲಾವಣೆಯನ್ನು ನೀವು ಇಚ್ಛಿಸುತ್ತಿದ್ದೀರಾ ಎಂಬುದನ್ನು ಆಯ್ಕೆ ಮಾಡಿ. ಒಂದು ವೇಳೆ ನೀವು ಒಂದು ಕ್ಷೇತ್ರದಿಂದ ಮತ್ತೊಂದು ಕ್ಷೇತ್ರಕ್ಕೆ ವರ್ಗಾವಣೆಯಾಗಿದ್ದು ಹಳೆಯ ಕ್ಷೇತ್ರಕ್ಕೆ ಚಲಿಸಿ ಮತದಾನ ಮಾಡಲು ಅಸಾಧ್ಯವಾಗಿದ್ದು ನೀವು ಮತಕ್ಷೇತ್ರದ ವರ್ಗಾವಣೆಯನ್ನು ನೀವು ಬಯಸುತ್ತಿದ್ದೀರಾ ಅಥವಾ ಮೊದಲ ಬಾರಿಗೆ ವೋಟಿಂಗ್ ಮಾಡಲು ಅವಕಾಶ ಕೇಳುತ್ತಿದ್ದೀರಾ ಎಂಬುದನ್ನು ಆಯ್ಕೆ ಮಾಡುವ ಹಂತ ಇದಾಗಿರುತ್ತದೆ.

ಖಡ್ಡಾಯವಾಗಿ ಭರ್ತಿ ಮಾಡಬೇಕಾಗಿರುವ ವಿಭಾಗದಲ್ಲಿ ಅರ್ಜಿದಾರರು ಹೆಸರು,ಉಪನಾಮ, ವಯಸ್ಸು, ಸಂಬಂಧಿಗಳ ಹೆಸರು ಇತ್ಯಾದಿಗಳನ್ನು ನಿಮ್ಮ ಭಾಷೆಯಲ್ಲಿ ಅಥವಾ ಪ್ರಾದೇಶಿಕ ಭಾಷೆಯಲ್ಲಿ ಭರ್ತಿ ಮಾಡಬೇಕು. ಕೀಬೋರ್ಡ್ ನಲ್ಲಿ ಟ್ಯಾಬ್ ಕೀಯನ್ನು ಪ್ರೆಸ್ ಮಾಡುವ ಮೂಲಕ ಸ್ವಯಂಚಾಲಿತವಾಗಿ ವೆಬ್ ಸೈಟ್ ಪ್ರಾದೇಶಿಕ ಭಾಷೆಗೆ ಟ್ರಾನ್ಸ್ ಲೇಟ್ ಆಗುತ್ತದೆ.

ಮುಂದಿನ ಎರಡು ಸೆಕ್ಷನ್ ನಲ್ಲಿ ನಿಮ್ಮ ಈಗಿನ ವಿಳಾಸ ಮತ್ತು ಶಾಶ್ವತ ವಿಳಾಸವನ್ನು ನಮೂದಿಸಬೇಕು. ಅದರಲ್ಲಿ ಮನೆಯ ನಂಬರ್, ಸ್ಟ್ರೀಟ್ ವಿಳಾಸ, ಟೌನ್, ಪಿನ್ ಕೋಡ್ ಇತ್ಯಾದಿಗಳೆಲ್ಲವೂ ಇರಬೇಕಾಗುತ್ತದೆ.

ಇಮೇಲ್ ಐಡಿ, ಮೊಬೈಲ್ ನಂಬರ್ ಇತ್ಯಾದಿ ಐಚ್ಛಿಕ ವಿವರಗಳನ್ನು ಭರ್ತಿ ಮಾಡಿ

ಲಿಸ್ಟ್ ನಲ್ಲಿ ಕೆಲವು ಆಯ್ಕೆಗಳನ್ನು ಈ ವಿಭಾಗದಲ್ಲಿ ಅರ್ಜಿದಾರರು ಗಮನಿಸಬಹುದು ಮತ್ತು ಈ ವಿಭಾಗದಲ್ಲಿ ಖಡ್ಡಾಯವಾಗಿ ಭರ್ತಿ ಮಾಡುವ ಅಗತ್ಯವಿಲ್ಲ.

ಮೇಲೆ ತಿಳಿಸಿರುವ ಸಂಬಂಧಪಟ್ಟ ಡಾಕ್ಯುಮೆಂಟ್ ಗಳನ್ನು ಅಪ್ ಲೋಡ್ ಮಾಡಿ.

ಡಿಕ್ಲರೇಷನ್ ವಿವರಣೆಯನ್ನು ತುಂಬಿಸಿ

ಸ್ಥಳ ಮತ್ತು ಕ್ಯಾಪ್ಚಾವನ್ನು ಎಂಟರ್ ಮಾಡಿ ನಂತರ ಸಬ್ಮಿಟ್ ಬಟನ್ ನ್ನು ಹಿಟ್ ಮಾಡಿ. ಪೇಜಿನ ಕೆಳಭಾಗದಲ್ಲಿ ಈ ಬಟನ್ ನ್ನು ನೀವು ಗಮನಿಸಬಹುದು. ಇದು ಅಂತಿಮ ಅರ್ಜಿ ಸಲ್ಲಿಕೆಗಾಗಿ ಬಳಕೆದಾರರು ಮಾಡಬೇಕಾಗಿರುವ ಕೆಲಸವಾಗಿರುತ್ತದೆ.