ನಿಮ್ಮ Facebook ಖಾತೆ ಸೇಫ್‌ ಆಗಿರಬೇಕೆ?..ಹಾಗಿದ್ರೆ ತಪ್ಪದೇ ಈ ಕೆಲಸ ಮಾಡಿ!

ಹೌದು, ಜನಪ್ರಿಯ ಜಾಲತಾಣ ಫೇಸ್‌ಬುಕ್‌ ಹೆಚ್ಚಿನ ಸಕ್ರಿಯ ಬಳಕೆದಾರರನ್ನು ಒಳಗೊಂಡಿದೆ. ಆಪ್‌ ನಲ್ಲಿ ಬಳಕೆದಾರರ ಮಾಹಿತಿ ಸುರಕ್ಷತೆಯು ಅಷ್ಟೆ ಮುಖ್ಯವಾಗಿದೆ. ಈ ನಿಟ್ಟಿನಲ್ಲಿ ಬಳಕೆದಾರರು ಕೆಲವು ಅಗತ್ಯ ಕ್ರಮಗಳನ್ನು ಅನುಸರಿಸುವ ಮೂಲಕ ಫೇಸ್‌ಬುಕ್ ಖಾತೆಯನ್ನು ಸುರಕ್ಷಿತವಾಗಿ ಇಡಬಹುದಾಗಿದೆ. ಹಾಗಾದರೇ ಫೇಸ್‌ಬುಕ್ (Facebook) ಖಾತೆಯನ್ನು ಸುರಕ್ಷಿತವಾಗಿ ಇಡಲು ಯಾವೆಲ್ಲಾ ಕ್ರಮಗಳನ್ನು ಅನುಸರಿಸಬೇಕು ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಥರ್ಡ್‌ ಪಾರ್ಟಿ ಆಪ್ಸ್‌ ಲಾಗಿನ್ ಅನ್ನು ನಿಯಂತ್ರಿಸಿ:

ಅನೇಕ ವೆಬ್‌ಸೈಟ್‌ಗಳು ಮತ್ತು ಅಪ್ಲಿಕೇಶನ್‌ಗಳು ಮೊದಲಿನಿಂದ ಹೊಸ ಖಾತೆಯನ್ನು ರಚಿಸುವ ಬದಲು ನಿಮ್ಮ ಫೇಸ್‌ಬುಕ್ ಖಾತೆಯನ್ನು ಬಳಸಿಕೊಂಡು ಲಾಗ್ ಇನ್ ಮಾಡುವ ಆಯ್ಕೆಯನ್ನು ನೀಡುತ್ತವೆ. ಇದು ಆ ಆಪ್‌ ಬಳಕೆ/ಲಾಗ್‌ಇನ್ ಸುಲಭವಾಗಿಸುತ್ತದೆ ಆದರೂ, ಬಳಿಕ ಥರ್ಡ್‌ ಪಾರ್ಟಿ ಆಪ್ಸ್ ಮತ್ತು ವೆಬ್‌ಸೈಟ್‌ ಗಳನ್ನು ಬಳಸುವುದನ್ನು ನಿಲ್ಲಿಸಿದಾಗ ಅವುಗಳ ಫೇಸ್‌ಬುಕ್ ಎಂಟ್ರಿ ಕ್ಲೋಸ್ ಮಾಡಲು ಕೆಲವೊಮ್ಮೆ ಮರೆತು ಬಿಟ್ಟಿರುತ್ತಾರೆ. ಅದಕ್ಕಾಗಿ ಫೇಸ್‌ಬುಕ್ ಸೆಟ್ಟಿಂಗ್‌ಗಳು > ಅಪ್ಲಿಕೇಶನ್‌ ಗಳು ಮತ್ತು ವೆಬ್‌ಸೈಟ್‌ಗಳಿಗೆ ಹೋಗಿ. ನಿಮ್ಮ ಫೇಸ್‌ಬುಕ್ ಖಾತೆಗೆ ಪ್ರವೇಶವನ್ನು ಹೊಂದಿರುವ ಎಲ್ಲಾ ಸಕ್ರಿಯ ಅಪ್ಲಿಕೇಶನ್‌ ಗಳು ಮತ್ತು ವೆಬ್‌ಸೈಟ್‌ಗಳ ಪಟ್ಟಿಯನ್ನು ನೀವು ನೋಡುತ್ತೀರಿ. ನೀವು ಬಳಸುವ ಅಪ್ಲಿಕೇಶನ್‌ ಗಳನ್ನು ನೀವು ಆಯ್ಕೆ ಮಾಡಬಹುದು.

Facebook ಪ್ರೊಫೈಲ್ ಅನ್ನು ಈ ಕ್ರಮ ಫಾಲೋ ಮಾಡಿ ಲಾಕ್ ಮಾಡಿರಿ:

* ಫೇಸ್‌ಬುಕ್ ಆಪ್‌ಗೆ ಲಾಗ್ ಇನ್ ಮಾಡಿ.
* ನಿಮ್ಮ ಪ್ರೊಫೈಲ್ ಚಿತ್ರ ಐಕಾನ್ ಮೇಲೆ ಕ್ಲಿಕ್ ಮಾಡುವ ಮೂಲಕ ನಿಮ್ಮ ಪ್ರೊಫೈಲ್ ತೆರೆಯಿರಿ.
* ನಿಮ್ಮ ಪ್ರೊಫೈಲ್ ಚಿತ್ರದ ಕೆಳಗಿನ ಮೂರು ಚುಕ್ಕೆ ಗಳ ಮೇಲೆ ಕ್ಲಿಕ್ ಮಾಡಿ.
* ನಿಮ್ಮ ಪ್ರೊಫೈಲ್ ಅನ್ನು ಲಾಕ್ ಮಾಡಿ ಮೇಲೆ ಕ್ಲಿಕ್ ಮಾಡಿ.

Facebook ಆಕ್ಟಿವಿಟಿ ಬಂದ್ ಮಾಡಿರಿ: ಅದಕ್ಕಾಗಿ ಈ ಕ್ರಮ ಅನುಸರಿಸಿ:

ಹಂತ 1: ಫೇಸ್‌ಬುಕ್ ಗೆ ಲಾಗ್ ಇನ್ ಮಾಡಿ
ಹಂತ 2: ಅಪ್ಲಿಕೇಶನಿನ ಬಲ ಮೆನುಗೆ ಹೋಗಿ ಮತ್ತು ಸೆಟ್ಟಿಂಗ್ ಮತ್ತು ಗೌಪ್ಯತೆ ಮೇಲೆ ಕ್ಲಿಕ್ ಮಾಡಲು ಕೆಳಗೆ ಸ್ಕ್ರಾಲ್ ಮಾಡಿ.
ಹಂತ 3: ಸೆಟ್ಟಿಂಗ್ಸ್ ಮೇಲೆ ಕ್ಲಿಕ್ ಮಾಡಿ ನಂತರ ನಿಮ್ಮ ಫೇಸ್‌ಬುಕ್ ಮಾಹಿತಿಗೆ ಕೆಳಗೆ ಸ್ಕ್ರಾಲ್ ಮಾಡಿ. ಬಳಿಕ OFF - FACEBOOK ACTIVITY ಮೇಲೆ ಕ್ಲಿಕ್ ಮಾಡಿ.
ಹಂತ 4: ನಿಮ್ಮ OFF - FACEBOOK ACTIVITY ಯನ್ನು ನಿರ್ವಹಿಸಿ
ಹಂತ 5: ಮೇಲೆ ಕ್ಲಿಕ್ ಮಾಡಿ ಮತ್ತು ನಿಮ್ಮ ಪಾಸ್‌ವರ್ಡ್ ನಮೂದಿಸಿ
ಹಂತ 6: ನಿಮ್ಮ ಬಗ್ಗೆ ಸಂಗ್ರಹಿಸಲಾದ ಮಾಹಿತಿಯನ್ನು ಡಿಲೀಟ್ ಮಾಡಲು ಮೇಲೆ ಟ್ಯಾಪ್ ಮಾಡಿ.

Facebook ಹಿಸ್ಟರಿ ಕ್ಲಿಯರ್ ಮಾಡಲು ಈ ಕ್ರಮ ಅನುಸರಿಸಿ:

* ಫೇಸ್‌ಬುಕ್ ಖಾತೆ ತೆರೆದು, ಬಲ ಭಾಗದಲ್ಲಿ ಕಾಣಿಸುವ ಮೂರು ಗೆರೆಗಳಿರುವ ಮೆನು ಆಯ್ಕೆ ಮಾಡಿರಿ.
* ಸೆಟ್ಟಿಂಗ್ಸ್ ಮತ್ತು ಪ್ರೈವೆಸಿ ಆಯ್ಕೆ ಸೆಲೆಕ್ಟ್ ಮಾಡಿರಿ.
* ನಂತರ ಸೆಟ್ಟಿಂಗ್ಸ್‌ ಆಯ್ಕೆ ಯನ್ನು ಒತ್ತಿರಿ.
* ನಂತರ ಪೇಜ್ ತೆರೆದುಕೊಳ್ಳುತ್ತದೆ, ಸ್ಕ್ರಾಲ್ ಮಾಡಿ > ಆಫ್‌ ಫೇಸ್‌ಬುಕ್ ಆಕ್ಟಿವಿಟಿ ಕಾಣಿಸುತ್ತದೆ.
* ಆಗ ಆಫ್‌ ಫೇಸ್‌ಬುಕ್ ಆಕ್ಟಿವಿಟಿ ಆಯ್ಕೆಯನ್ನು ಕ್ಲಿಕ್ಕಿಸಿ, ಆಗ ನೀವು ಭೇಟಿ ನೀಡಿದ ತಾಣಗಳ ಮಾಹಿತಿ ಕಾಣಿಸುತ್ತದೆ.
* ಹಾಗೆಯೇ ಅಲ್ಲಿಯೇ ಕ್ಲಿಯರ್ ಹಿಸ್ಟರಿ ಆಯ್ಕೆಯು ಸಹ ಕಾಣಿಸುತ್ತದೆ.
* ಆಗ ವಿಂಡೊ ಒಂದು ತೆರೆದು ಕೊಳ್ಳುತ್ತದೆ, ಅಲ್ಲಿ ಕ್ಲಿಯರ್ ಹಿಸ್ಟರಿ ಬಟನ್ ಒತ್ತಿರಿ.