ಯೂಟ್ಯೂಬ್‌ನಲ್ಲಿ ಬೇಡದ ವಿಡಿಯೋ ಬರುತ್ತಿವಿಯೇ ಚಿಂತೆ ಬೇಡ..! ಹೇಗೆ ಅಂತೀರಾ..?

ಹೇಗೆ ಅಂತೀರಾ..?

ಅಗತ್ಯವಿಲ್ಲದ ವಿಡಿಯೋ ಶಿಫಾರಸುಗಳನ್ನು ನಿಲ್ಲಿಸಲು ನಿಮಗೆ ಎರಡು ದಾರಿಗಳು ಕಾಣುತ್ತವೆ. ಮೊದಲನೆಯದಾಗಿ ಸೆಟ್ಟಿಂಗ್ಸ್‌ನ್ನು ಬದಲಾಯಿಸುವ ಮೂಲಕ ನಿರ್ದಿಷ್ಟ ಚಾನಲ್‌ನ ವಿಡಿಯೋ ಶಿಫಾರಸುಗಳನ್ನು ನಿಲ್ಲಿಸಬಹುದು. ಅಥವಾ ಯೂಟ್ಯೂಬ್‌ಗೆ ನೀವು ಆ ವಿಡಿಯೋದಲ್ಲಿ ಆಸಕ್ತಿ ಹೊಂದಿಲ್ಲ ಎಂಬುದನ್ನು ಗೊತ್ತು ಮಾಡಿಸಬೇಕು. ಇದರಿಂದ ಮುಂದೆ ಆ ನಿರ್ದಿಷ್ಟ ಚಾನೆಲ್‌ನಿಂದ ಯಾವುದೇ ವಿಡಿಯೋ ಶಿಫಾರಸು ಬರಲ್ಲ ಎಂಬುದನ್ನು ಗಮನಿಸಬೇಕು.

ವಿಧಾನ 1

1. ಯೂಟ್ಯೂಬ್‌ ಆಪ್‌ ತೆರೆಯರಿ. ನಂತರ ನೀವು ವೀಕ್ಷಿಸಲು ಇಚ್ಛೆಪಡದ ಶಿಫಾರಸ್ಸು ವಿಡಿಯೋಗೆ ಸ್ಕ್ರಾಲ್‌ ಮಾಡಿ.

2. ನಂತರ ವಿಡಿಯೋ ಮುಂದೆ ಇರುವ 3 ಡಾಟ್‌ ಮೆನುವನ್ನು ಆಯ್ಕೆ ಮಾಡಿ.

3. ಅಲ್ಲಿ, ಚಾನಲ್‌ ಶಿಫಾರಸು ಮಾಡಬೇಡಿ (Don't recommend channel) ಎಂಬ ಆಯ್ಕೆ ಕ್ಲಿಕ್ ಮಾಡಿ

4. ನಂತರ, ಈ ಚಾನಲ್‌ನಿಂದ ಮತ್ತೆ ಯಾವ್‌ ವಿಡಿಯೋಗಳನ್ನು ಶಿಫಾರಸು ಮಾಡಲ್ಲ (We won't recommend videos from this channel to you again) ಎಂಬ ಪಾಪ್‌ಅಪ್‌ ನಿಮಗೆ ಕಾಣಿಸುತ್ತದೆ.

ಸೆಟ್ಟಿಂಗ್ಸ್‌ ಬದಲಾಯಿಸಿದ ನಂತರ 'ಅನ್‌ಡೂ' ಆಯ್ಕೆಯನ್ನು ಆಯ್ದುಕೊಳ್ಳುವ ಮೂಲಕ ಮರು ಸಂಯೋಜಿಸಬಹುದು.

ವಿಧಾನ 2

1. ಯೂಟ್ಯೂಬ್‌ ಆಪ್‌ ತೆರೆಯಿರಿ. ನಂತರ, ನೀವು ನೋಡಲು ಇಚ್ಛೆಪಡದ ಶಿಫಾರಸು ವಿಡಿಯೋಗೆ ಸ್ಕ್ರಾಲ್‌ ಮಾಡಿ.

2. ನಂತರ, 3 ಡಾಟ್‌ ಮೆನು ಮುಂದಿರುವ ವಿಡಿಯೋ ಶಿಫಾರಸು ಆಯ್ಕೆಯನ್ನು ಟ್ಯಾಪ್‌ ಮಾಡಿ.

3. ಬಳಿಕ, ಆಸಕ್ತಿಯಿಲ್ಲ (Not interested) ಆಯ್ಕೆ ಕ್ಲಿಕ್ ಮಾಡಿ.

4. ವಿಡಿಯೋ ತೆಗೆಯಲಾಗಿದೆ ಎಂಬ ಪಾಪ್‌ಅಪ್‌ ನಿಮಗೆ ಕಾಣುತ್ತದೆ. ಮತ್ತು ಏಕೆ..? ಹಾಗೂ ಅನ್‌ಡೂ ಆಯ್ಕೆಗಳು ನಿಮ್ಮ ಮುಂದೆ ಕಾಣುತ್ತವೆ.

5. ನಂತರ, 'ಏಕೆ ಹೇಳಿ..?' (Tell us why) ಕ್ಲಿಕ್ ಮಾಡಿ. ಮತ್ತು 'ವಿಡಿಯೋವನ್ನು ಈಗಾಗಲೇ ವೀಕ್ಷಿಸಿದ್ದೇನೆ' ಅಥವಾ 'ವಿಡಿಯೋ ನನಗೆ ಇಷ್ಟವಾಗಲಿಲ್ಲ' ಆಯ್ಕೆ ಕ್ಲಿಕ್ ಮಾಡಿ.