ಐಫೋನ್​ನಿಂದ ಆ್ಯಂಡ್ರಾಯ್ಡ್​ಗೆ ಫೋಟೊ, ವಿಡಿಯೋ ಟ್ರಾನ್ಸಫರ್​ ಹೇಗೆ?

ಫೈಲ್ ಟ್ರಾನ್ಸಫರ್ ಮಾಡುವುದು ಸುಲಭವಲ್ಲ!

ನೀವು ಆ್ಯಂಡ್ರಾಯ್ಡ್​ ಫೋನ್ ಬಳಕೆದಾರರಾಗಿದ್ದು, ಹೊಸ ಆ್ಯಂಡ್ರಾಯ್ಡ್​ ಫೋನ್ ಕೊಂಡಾಗ ಡಿಜಿಟಲ್ ವರ್ಗಾವಣೆ ಅಷ್ಟೇನೂ ತ್ರಾಸದಾಯಕವಲ್ಲ. ಆದರೆ ಒಂದೊಮ್ಮೆ ನೀವು ಐಫೋನ್ ಬಳಸುತ್ತಿದ್ದು, ಆ್ಯಂಡ್ರಾಯ್ಡ್​ಗೆ ಸ್ವಿಚ್​ ಆಗುತ್ತಿದ್ದಲ್ಲಿ ಡಿಜಿಟಲ್ ದಾಖಲೆಗಳ ಟ್ರಾನ್ಸಫರ್​ ಅಷ್ಟೊಂದು ಸುಲಭವಲ್ಲ. ಅದೇ ರೀತಿ ಆ್ಯಂಡ್ರಾಯ್ಡ್​ನಿಂದ ಆ್ಯಪಲ್​ಗೆ ಟ್ರಾನ್ಸಫರ್​ ಮಾಡುವುದು ಸಹ ಸುಲಭವಲ್ಲ. ಐಫೋನ್​ನಿಂದ ನಿಮ್ಮ ಹೊಸ ಆ್ಯಂಡ್ರಾಯ್ಡ್​ ಫೋನ್​ಗೆ ಫೋಟೊ, ವಿಡಿಯೋಗಳನ್ನು ಟ್ರಾನ್ಸಫರ್ ಮಾಡುವುದು ಹೇಗೆ ಎಂಬುದನ್ನು ನಾವಿಲ್ಲಿ ತಿಳಿಸಿಕೊಡುತ್ತಿದ್ದೇವೆ...

ಫೈಲ್ ಟ್ರಾನ್ಸಫರ್​ಗೆ ಮೂರು ವಿಧಾನಗಳು

ಬೇರೆ ಬೇರೆ ಆಪರೇಟಿಂಗ್ ಸಿಸ್ಟಂ ಹೊಂದಿರುವ ಫೋನ್​ಗಳ ಮಧ್ಯೆ ಫೈಲ್ ಟ್ರಾನ್ಸಫರ್​ ಮಾಡಬಹುದಾದ ಮೂರು ವಿಧಾನಗಳನ್ನು ಇಲ್ಲಿ ತಿಳಿಸಲಾಗಿದೆ. ಕ್ಲೌಡ್ ಸರ್ವಿಸ್, ಜಿಯೊ ಸ್ವಿಚ್ ಮತ್ತು ಗೂಗಲ್ ಫೋಟೊಸ್ ಇವೇ ಮೂರು ವಿಧಾನಗಳ ಮೂಲಕ ಫೈಲ್​ಗಳನ್ನು ಟ್ರಾನ್ಸಫರ್ ಮಾಡಬಹುದಾಗಿದೆ.

ವಿಧಾನ 1: ಜಿಯೊ ಕ್ಲೌಡ್ ಬಳಸುವುದು

ಐಫೋನ್ ಬಳಕೆದಾರರು ತಮ್ಮ ಫೋನ್​ನಲ್ಲಿರುವ ಎಲ್ಲ ಡೇಟಾವನ್ನು ಜಿಯೊ ಕ್ಲೌಡ್ ಅಥವಾ ಇನ್ನಾವುದೇ ಕ್ಲೌಡ್​ಗೆ ಅಪ್ಲೋಡ್​ ಮಾಡಬಹುದು. ನಂತರ ಈ ಸ್ಟೋರೇಜ್​ ಲಿಂಕ್ ಅನ್ನು ಇಮೇಲ್, ಮೆಸೇಜಿಂಗ್ ಮೂಲಕ ಶೇರ್ ಮಾಡಬಹುದು. ಹೊಸ ಫೋನ್​ನಲ್ಲಿ ಲಿಂಕ್ ಕ್ಲಿಕ್ ಮಾಡಿ ಕ್ಲೌಡ್​ನಿಂದ ಡೇಟಾ ಡೌನ್ಲೋಡ್ ಮಾಡಿಕೊಳ್ಳಬಹುದು. ಇಷ್ಟಾದ ನಂತರ ಕ್ಲೌಡ್​ನಲ್ಲಿನ ಡೇಟಾ ಡಿಲೀಟ್​ ಮಾಡಿದಲ್ಲಿ ಕ್ಲೌಡ್​ನಲ್ಲಿ ಸ್ಟೋರೇಜ್ ಸ್ಪೇಸ್​ ಉಳಿತಾಯವಾಗುತ್ತದೆ. ಒನ್ ಡ್ರೈವ್, ಡ್ರಾಪ್​ಬಾಕ್ಸ್​ ಮುಂತಾದ ಆ್ಯಪ್​ಗಳು ಈ ರೀತಿ ಕ್ಲೌಡ್​ ಬ್ಯಾಕಪ್​ ಮಾಡಿಕೊಳ್ಳಲು ಸೂಕ್ತವಾಗಿವೆ.

ವಿಧಾನ 2: ಜಿಯೊ ಸ್ವಿಚ್ ಆ್ಯಪ್​ ಬಳಸುವುದು

ಜಿಯೊ ಸ್ವಿಚ್ ಇದು ವೈರ್​ಲೆಸ್​ ಡೇಟಾ ಟ್ರಾನ್ಸಫರ್ ಆ್ಯಪ್ ಆಗಿದೆ. ಈ ಆ್ಯಪ್ ಆ್ಯಂಡ್ರಾಯ್ಡ್​ ಹಾಗೂ ಐಪೋನ್ ಎರಡಕ್ಕೂ ಹೊಂದಿಕೊಳ್ಳುತ್ತದೆ. ಎರಡೂ ಪೋನ್​ಗಳಲ್ಲಿ ಈ ಆ್ಯಪ್ ಇನಸ್ಟಾಲ್ ಮಾಡಿಕೊಂಡು ಫೈಲ್​ಗಳನ್ನು ಈಸಿಯಾಗಿ ಶೇರ್ ಮಾಡಿಕೊಳ್ಳಬಹುದು.

ವಿಧಾನ 3: ಗೂಗಲ್ ಫೋಟೋಸ್​ ಬಳಸುವುದು

ಗೂಗಲ್​ ಫೋಟೊ ಆ್ಯಪ್​ಗೆ ಫೈಲ್​ಗಳನ್ನು ಅಪ್ಲೋಡ್​ ಮಾಡಿದಲ್ಲಿ ತಕ್ಷಣವೇ ಇವನ್ನು ಯಾವುದೇ ಡಿವೈಸ್​ನಲ್ಲಾದರೂ ಬಳಸಬಹುದಾಗಿದೆ. ಜೊತೆಗೆ ನಿರ್ದಿಷ್ಟ ಫೈಲ್​ಗಳಿಗೆ ಲಿಂಕ್ ಕ್ರಿಯೇಟ್​ ಮಾಡಿ ಎಸ್ಸೆಮ್ಮೆಸ್​, ವಾಟ್ಸಾಪ್, ಇಮೇಲ್ ಮೂಲಕ ಲಿಂಕ್ ಶೇರ್ ಮಾಡುವ ಸೌಲಭ್ಯವೂ ಇದರಲ್ಲಿದೆ.