ವಿಂಡೋಸ್‌ 11 ಲ್ಯಾಪ್‌ಟಾಪ್‌ ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

ಹೌದು, ವಿಂಡೋಸ್ ಲ್ಯಾಪ್‌ಟಾಪ್‌ನಲ್ಲಿ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಕೆಲವು ನಿಯಮಗಳನ್ನು ಅನುಸರಿಸಬೇಕಾಗುತ್ತದೆ. ವಿಂಡೋಸ್ 11 ಬಳಕೆದಾರರು ಮಾತ್ರವಲ್ಲದೆ, ವಿಂಡೋಸ್ 10 ಲ್ಯಾಪ್‌ಟಾಪ್‌ನಲ್ಲಿಯೂ ಕೂಡ ಈ ಮಾರ್ಗದರ್ಶಿ ಕಾರ್ಯನಿರ್ವಹಿಸುತ್ತದೆ. ಹಾಗಾದ್ರೆ ನೀವು ನಿಮ್ಮ ವಿಂಡೋಸ್ ಲ್ಯಾಪ್‌ಟಾಪ್‌ನಲ್ಲಿ ಸ್ಕ್ರೀನ್‌ಶಾಟ್‌ ತೆಗೆದುಕೊಳ್ಳುವುದಕ್ಕೆ ಯಾವೆಲ್ಲಾ ಹಂತಗಳನ್ನು ಅನುಸರಿಸಬೇಕು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ವಿಂಡೋಸ್‌ 11 ಲ್ಯಾಪ್‌ಟಾಪ್‌ ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

ವಿಧಾನ-1
ಹಂತ:1 ನಿಮ್ಮ ಲ್ಯಾಪ್‌ಟಾಪ್‌ನಲ್ಲಿ ಸ್ನಿಪ್ಪಿಂಗ್ ಟೂಲ್ ಅಪ್ಲಿಕೇಶನ್ ತೆರೆಯಿರಿ.
ಹಂತ:2 ಇದರಲ್ಲಿ ನೀವು "ನ್ಯೂ" ಕ್ಲಿಕ್ ಮಾಡಿ.
ಹಂತ:3 ನಂತರ ನೀವು ಯಾವುದನ್ನಾದರೂ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಬಹುದು.
ಹಂತ:4 ಇದರಲ್ಲಿ ನೀವು ಒಮ್ಮೆ ಕ್ಲಿಕ್ ಮಾಡಿದರೆ, ಸ್ಕ್ರೀನ್‌ಶಾಟ್ ಅನ್ನು ಪ್ರಿವ್ಯೂ ಮಾಡಲು ಸಾಧ್ಯವಾಗುತ್ತದೆ. ಅಲ್ಲದೆ ಎಡಿಟ್‌ ಮಾಡುವುದಕ್ಕೆ ಅವಕಾಶವಿದೆ.
ಹಂತ: ಎಡಿಟ್‌ ಮಾಡಿದ ನಂತರ, ನಿಮ್ಮ ಲ್ಯಾಪ್‌ಟಾಪ್‌ನಲ್ಲಿ ನೀವು ಸೇವ್‌ ಮಾಡಬಹುದು.

ಕಂಪ್ಯೂಟರ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ

ವಿಧಾನ-2
ಪ್ರಿಂಟ್‌ಸ್ಕ್ರೀನ್ ಕೀಯನ್ನು ಬಳಸುವ ಮೂಲಕವು ನೀವು ಸ್ಕ್ರೀನ್‌ಶಾಟ್‌ ತೆಗೆದುಕೊಳ್ಳುವುದಕ್ಕೆ ಅವಕಾಶವಿದೆ. ಇದಕ್ಕಾಗಿ ಈ ಕೆಳಗಿನ ಹಂತಗಳನ್ನು ಅನುಸರಿಸಿ.
ಹಂತ:1 ನೀವು ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಬಯಸುವ ಸೈಟ್ ಅನ್ನು ತೆರೆದ ನಂತರ ನೀವು Print Scrn ಮತ್ತು Ctrl ಕೀಗಳನ್ನು ಏಕಕಾಲದಲ್ಲಿ ಒತ್ತಬೇಕಾಗುತ್ತದೆ.
ಹಂತ:2 ನಂತರ ನಿಮ್ಮ ಲ್ಯಾಪ್‌ಟಾಪ್‌ನಲ್ಲಿ ಪೇಂಟ್ ಅಪ್ಲಿಕೇಶನ್ ಅನ್ನು ತೆರೆಯಿರಿ.
ಹಂತ:3 ಇದೀಗ, ಸರಳವಾಗಿ Crtl ಮತ್ತು V ಕೀಗಳನ್ನು ಒತ್ತಿರಿ.
ಹಂತ:4 ನಂತರ Ctrl ಮತ್ತು S ಕೀಗಳನ್ನು ಒತ್ತುವ ಮೂಲಕ ಸ್ಕ್ರೀನ್‌ಶಾಟ್ ಅನ್ನು ಯಾವುದೇ ಫೋಲ್ಡರ್‌ನಲ್ಲಿ ಸೇವ್‌ ಮಾಡಬಹುದು.

ಸ್ನಿಪ್ಪಿಂಗ್ ಟೂಲ್ ಇಲ್ಲದೆ ನಿರ್ಧಿಷ್ಟ ಭಾಗದ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳುವುದು ಹೇಗೆ?

ಹಂತ:1 ವಿಂಡೋಸ್ + ಶಿಫ್ಟ್ + ಎಸ್ ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:2 ಇದು ಸ್ಕ್ರೀನ್‌ಶಾಟ್ ವಿಂಡೋವನ್ನು ತರುತ್ತದೆ, ಇಲ್ಲಿ ನೀವು ಮೌಸ್ ಅನ್ನು ಎಳೆಯಲು ಮತ್ತು ನೀವು ಸ್ಕ್ರೀನ್‌ಶಾಟ್ ಮಾಡಲು ಬಯಸುವ ಭಾಗವನ್ನು ಆಯ್ಕೆ ಮಾಡಲು ಸಾಧ್ಯವಾಗುತ್ತದೆ.
ಹಂತ:3 ಇದರ ನಂತರ, ನಿಮ್ಮ ಕ್ಲಿಪ್‌ಬೋರ್ಡ್‌ನಿಂದ ಸ್ಕ್ರೀನ್‌ಶಾಟ್ ಅಂಟಿಸಲು ನೀವು ಪೇಂಟ್‌ಗೆ ಹೋಗಬಹುದು.

ಮ್ಯಾಕೋಸ್‌ನಲ್ಲಿ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುವುದು ಹೇಗೆ?

ಹಂತ:1 ಇಡೀ ಪರದೆಯ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಕಮಾಂಡ್ + ಶಿಫ್ಟ್ + 3 ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:2 ಫ್ರೀಫಾರ್ಮ್ ಸ್ಕ್ರೀನ್‌ಶಾಟ್ ತೆಗೆದುಕೊಳ್ಳಲು ಕಮಾಂಡ್ + ಶಿಫ್ಟ್ + 4 ಅನ್ನು ಒಟ್ಟಿಗೆ ಟ್ಯಾಪ್ ಮಾಡಿ.
ಹಂತ:3 ಬಾಕ್ಸ್ ಸ್ಕ್ರೀನ್‌ಶಾಟ್ ಪಡೆಯಲು ಕಮಾಂಡ್ + ಶಿಫ್ಟ್ + 5 ಟ್ಯಾಪ್ ಮಾಡಿ.