'ಪಾನ್‌ ಕಾರ್ಡ್‌'ಗಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಕೆ ಹೇಗೆ?

By Suneel

Published: Wednesday, February 24, 2016, 19:53 [IST]

ವಿವಿಧ ಉದ್ದೇಶಗಳಿಗೆ ಗುರುತು ಡಾಕುಮೆಂಟ್‌ ಆಗಿ ಇಂದು ಯಾವ ಕಂಪನಿಗೆ ಉದ್ಯೋಗಕ್ಕೆ ಸೇರಿದರು ಸಹ ಕೇಳುವುದು ಪಾನ್‌ ಕಾರ್ಡ್‌ ಅಂತ. ಪಾನ್‌ ಕಾರ್ಡ್‌ ಪ್ರಾಮುಖ್ಯತೆ ಬಗ್ಗೆ ಎಷ್ಟು ಜನರು ಕೇಳಿದ್ದಾರೋ ಇಲ್ವೋ ಗೊತ್ತಿಲ್ಲಾ. ಆದ್ರೆ ಉದ್ಯೋಗಕ್ಕೆಂದು ಪಟ್ಟಣಕ್ಕೆ ಕಾಲಿಟ್ಟವರಿಗೆ ಪಾನ್‌ ಕಾರ್ಡ್‌ ಕಡ್ಡಾಯವಾಗಿರುತ್ತದೆ.

ಅಂದಹಾಗೆ ಪಾನ್ ಕಾರ್ಡ್‌ ಅನ್ನು ಭಾರತದ ತೆರಿಗೆ ಇಲಾಖೆ ವಿತರಿಸುತ್ತದೆ. ಅಧಿಕೃತವಾಗಿ ಯಾವುದೇ ಬ್ಯುಸಿನೆಸ್ ಪ್ರಾರಂಭಿಸಬೇಕೆಂದರು ಸಹ ಇದು ಅತ್ಯಗತ್ಯ. ಪಾನ್ ಕಾರ್ಡ್‌ (PAN card -Permanent Account Number) ಖಾಯಂ ಹಣಕಾಸು ಖಾತೆ ಗುರುತಿನ ಕಾರ್ಡ್‌. ಅಲ್ಲದೇ ಇದನ್ನು ತೆರಿಗೆ ಪಾವತಿಸಲು, ಯಾವುದೇ ಆಸ್ತಿ ಖರೀದಿಸುವಾಗ ಹೀಗೆ ಹಲವು ಪ್ರಮುಖ ಕಾರ್ಯಗಳಿಗೆ ಅಗತ್ಯವಾಗಿದೆ.

ಹಲವು ಅಗತ್ಯಗಳಿಗೆ ಬಳಕೆಯಾಗುವ ಪಾನ್‌ ಕಾರ್ಡ್‌ ಅನ್ನು ಪಡೆಯಲು ಅರ್ಜಿ ಸಲ್ಲಿಸಲು ಬಹುಸಂಖ್ಯಾತರಿಗೆ ಕಛೇರಿಗಳಿಗೆ ಹೋಗಿ ನಿಲ್ಲಲು ಸಮಯವಿಲ್ಲ. ಅಥವಾ ಹಳ್ಳಿಯಿಂದ ಪಟ್ಟಣಕ್ಕೆ ಬರಲು ಸಮಯವಿಲ್ಲ ಎಂದುಕೊಳ್ಳೋಣ. ಅಲ್ಲದೇ ಆತುರವಾಗಿ ನಗರಕ್ಕೆ ಉದ್ಯೋಗ ಹುಡುಕಿಕೊಂಡು ಬಂದವರಿಗೆ ಪಾನ್‌ ಕಾರ್ಡ್‌ ಸಲ್ಲಿಸಲು ಸಮಯದ ಅಭಾವ ಎದುರಾಗುತ್ತದೆ. ಅಂತಹವರು ಇಂದು ಸುಲಭವಾಗಿ ಆನ್‌ಲೈನ್‌ನಲ್ಲಿ ಪಾನ್ ಕಾರ್ಡ್‌ಗಾಗಿ ಅರ್ಜಿ ಸಲ್ಲಿಸಬಹುದಾಗಿದೆ. ಅರ್ಜಿ ಸಲ್ಲಿಸುವ ಸರಳ ವಿಧಾನಗಳನ್ನು ಇಂದಿನ ಲೇಖನದಲ್ಲಿ ತಿಳಿಯಿರಿ.

ಹಂತ 1

ಮೊದಲು ಎನ್‌ಎಸ್‌ಡಿಎಲ್‌ ವೆಬ್‌ಸೈಟ್‌ (https://tin.nsdl.com/pan/) ಅನ್ನು ಓಪನ್‌ ಮಾಡಿ

ಹಂತ 2

ಈ ಹಂತದಲ್ಲಿ New PAN for Indian Citizens (Form 49A) ಎಂಬ ಲಿಂಕ್‌ ಮೇಲೆ ಕ್ಲಿಕ್ ಮಾಡಿ.

ಹಂತ 3

online Application for New PAN(Form 49A) ಎಂಬ ಲಿಂಕ್‌ ಮೇಲೆ ಈ ಹಂತದಲ್ಲಿ ಕ್ಲಿಕ್‌ಮಾಡಿ. ಆದರೆ ಅರ್ಜಿ ಸಲ್ಲಿಸುವ ಮೊದಲು ಈ ಹಂತದಲ್ಲಿ ನೀವು ಏನು ಮಾಡಬೇಕು, ಏನು ಮಾಡಬಾರದು ಎಂಬುದನ್ನು ಓದಿಕೊಳ್ಳಿ.

ಹಂತ 4

ಸೂಚನೆಗಳನ್ನೆಲ್ಲಾ ನಿಖರವಾಗಿ ಓದಿಕೊಳ್ಳಿ. ನಂತರದಲ್ಲಿ ಮೌಸ್‌ ಅನ್ನು ಪೇಜ್‌ ಕೆಳಗೆ ನೋಡಲು ಸ್ಕ್ರಾಲ್‌ ಮಾಡಿ. ಅಲ್ಲಿ ನೀವು ಯಾವ ವಿಧದ ಅರ್ಜಿದಾರ ಎಂಬುದನ್ನು ಆಯ್ಕೆ ಮಾಡಲು ಬಟನ್‌ ಕಾಣುತ್ತದೆ.

ಹಂತ 5

ಅರ್ಜಿದಾರರ ವಿಧದಲ್ಲಿ ನೀವು ಯಾವ ರೀತಿಯ ಅರ್ಜಿದಾರ ಎಂಬುದನ್ನ ಆಯ್ಕೆ ಮಾಡಿ. ಸಾಮಾನ್ಯವಾಗಿ ವಯಕ್ತಿಕವಾಗಿ ನೀವು ಪಾನ್‌ ಕಾರ್ಡ್‌ ಹೊಂದಲು ಬಯಸುವವರಾಗಿದ್ದರೆ Induvidual ಎಂಬುದನ್ನು ಆಯ್ಕೆ ಮಾಡಿ.

ಹಂತ 6

ಅರ್ಜಿಯ ಕೆಟಗರಿ ಆಯ್ಕೆ ಮಾಡಿದ ನಂತರ ನಿಮಗೆ ಅರ್ಜಿಯ ಆನ್‌ಲೈನ್‌ ಫಾರ್ಮ್‌ ಓಪನ್‌ ಆಗುತ್ತದೆ. ಅದನ್ನು ನಿಖರವಾಗಿ ಎಚ್ಚರದಿಂದ ಓದಿಕೊಂಡು ಭರ್ತಿ ಮಾಡಿ. ನಂತರ ನೀವು ಶುಲ್ಕವನ್ನು ಕ್ರೆಡಿಟ್/ಡೆಬಿಟ್ ಕಾರ್ಡ್‌ ಮೂಲಕ ಅಥವಾ ನೆಟ್‌ ಬ್ಯಾಂಕಿಂಗ್ ಮೂಲಕ ಪಾವತಿ ಮಾಡಬೇಕಾಗುತ್ತದೆ.ಅಲ್ಲದೇ ಅಲ್ಲಿ AO ಕೋಡ್‌ ಸರ್ಚ್‌ ಮಾಡಿ ನೀಡಬೇಕಾಗುತ್ತದೆ.

ಹಂತ 7

ಮಾಹಿತಿಗಳನ್ನು ಭರ್ತಿ ಮಾಡಿದ ನಂತರ ನೀವು ಒಂದು ಸ್ವೀಕೃತಿ ಫಾರ್ಮ್‌ ಅನ್ನು 16 ಸಂಖ್ಯೆಯ ಸ್ವೀಕೃತಿ ನಂಬರ್‌ನೊಂದಿಗೆ ಪಡೆಯುತ್ತೀರಿ. ಇದನ್ನು ಪ್ರಿಂಟ್‌ ತೆಗೆದುಕೊಳ್ಳಿ.

ಹಂತ 8

ಇತ್ತೀಚಿನ ಎರಡು ಭಾವಚಿತ್ರ ಫೋಟೋಗಳನ್ನು ಸ್ವೀಕೃತಿ ಫಾರ್ಮ್‌ನಲ್ಲಿ ಫೋಟೋಗಾಗಿ ಕಾಯ್ದಿರಿಸಿದ ಸ್ಥಳದಲ್ಲಿ ಅಂಟಿಸಿ. ಸಹಿ ಬಾಕ್ಸ್‌ನಲ್ಲಿ ನಿಮ್ಮ ಸಹಿ ಮಾಡಿ.

ಹಂತ 9

ಒಂದು ವೇಳೆ ಆನ್‌ಲೈನ್‌ನಲ್ಲಿ ನೀವು ಶುಲ್ಕ 106 ರೂಪಾಯಿಗಳನ್ನು ಪಾವತಿ ಮಾಡದಿದ್ದಲ್ಲಿ ಮಾಂಡ್ ಡ್ರಾಫ್ಟ್ ಅಥವಾ ಚೆಕ್ ಅನ್ನು ಸೆಲ್ಪ್‌ ಅಟೆಸ್ಟ್‌ ಮಾಡಿದ ನಿಮ್ಮ ಡಾಕುಮೆಂಟ್‌ಗಳ ಜೊತೆ ಪೋಸ್ಟ್‌ ಮಾಡುವ ಕವರ್‌ ಒಳಗೆ ಹಾಕಿರಿ.

ಹಂತ 10

ಪೋಸ್ಟ್‌ ಮಾಡುವ ಕವರ್‌ ಮೇಲೆ "Application for PAN" ಎಂದು ಬರೆದು ನಿಮ್ಮ ಸ್ವೀಕೃತ ನಂಬರ್ ಬರೆಯಿರಿ.

ಹಂತ 11

ಪೋಸ್ಟ್‌ ಕವರ್‌ ಅನ್ನು ಎನ್‌ಎಸ್‌ಡಿಎಲ್‌ನ ವಿಳಾಸಕ್ಕೆ ಪೋಸ್ಟ್ ಮಾಡಿ: Income Tax PAN Services Unit, NSDL e-Governance Infrastructure Limited, 5th floor, Mantri Sterling, Plot No. 341, Survey No. 997/8, Model Colony, Near Deep Bungalow Chowk, Pune - 411016.

ಹಂತ 12

ಅರ್ಜಿಯನ್ನು ಪೋಸ್ಟ್‌ ಮಾಡಿದ 15 ದಿನದ ಒಳಗೆ ನಿಮಗೆ ನಿಮ್ಮ ಪೋಸ್ಟ್‌ ಎನ್‌ಎಸ್‌ಡಿಎಲ್‌ಗೆ ತಲುಪಿದ್ದರೆ, ನೀವು ನೀಡಿರುವ ಇಮೇಲ್‌ ವಿಳಾಸಕ್ಕೆ ಇಮೇಲ್‌ ಸಂದೇಶ ಪಡೆಯುತ್ತೀರಿ. ನಂತರದಲ್ಲಿ ಪಾನ್‌ ಕಾರ್ಡ್‌ ನೀವು ನೀಡಿರುವ ಪೋಸ್ಟ್‌ ವಿಳಾಸಕ್ಕೆ ಪಾನ್‌ ಕಾರ್ಡ್‌ ಬರುತ್ತದೆ.