ವಿಂಡೋಸ್ ಲ್ಯಾಪ್ಟಾಪ್ ಟ್ರ್ಯಾಕಿಂಗ್ ಸೌಲಭ್ಯವನ್ನು ಸಕ್ರಿಯಗೊಳಿಸುವುದು ಹೇಗೆ?

ಸುಮಾರು ಎರಡು ವರ್ಷಗಳ ಹಿಂದೆ ಮೈಕ್ರೋಸಾಫ್ಟ್ ವಿಂಡೋಸ್ 10 ಗೆ ಹಲವಾರು ಫೀಚರ್ಗಳನ್ನೊಳಗೊಂಡ ಭಾರೀ ಅಪ್ಡೇಟ್ ಒಂದನ್ನು ಬಿಡುಗಡೆ ಮಾಡಿತ್ತು. "ಫೈಂಡ್ ಮೈ ಡಿವೈಸ್" ಆ ಅಪ್ಡೇಟ್ನಲ್ಲಿದ್ದ ಹಲವು ಫೀಚರ್ಗಳಲ್ಲಿ ಒಂದು.

ಈ ಫೀಚರನ್ನು ಒಮ್ಮೆ ಸಕ್ರಿಯಗೊಳಿಸಿದರೆ, ನಿಮ್ಮ ವಿಂಡೋಸ್ ಡಿವೈಸ್ ತನ್ನ ಸ್ಥಳವನ್ನು ಗುರುತಿಸಿ , ನಿಯಮಿತವಾಗಿ ಲೊಕೇಶನ್ ನ ಮಾಹಿತಿಯನ್ನು ಸಂಗ್ರಹಿಸಿಡುತ್ತದೆ. ಒಂದು ವೇಳೆ ನಿಮ್ಮ ಡಿವೈಸ್ ಕಳೆದು ಹೋದರೆ ಈ ಮಾಹಿತಿಯನ್ನು ಉಪಯೋಗಿಸಿ ಆ ಸಾಧನವನ್ನು ಪತ್ತೆಹಚ್ಚಬಹುದು.

ಈ ಫೀಚರ್ ಬಳಸಿ ನಿಮ್ಮ ಡಿವೈಸ್ ಅನ್ನು ಪತೆಹಚ್ಚಬಹುದು, ಆದರೆ ಅದರಲ್ಲಿರುವ ಮಾಹಿತಿಯನ್ನು ದೂರದಿಂದಲೇ ಅಳಿಸುವ ಅಥವ ಡಿವೈಸ್ ಅನ್ನು ಲಾಕ್ ಮಾಡುವ ಆಯ್ಕೆ ಇಲ್ಲಿ ಲಭ್ಯವಿಲ್ಲ. ಎಚ್ಚರಿಕೆಯ ಘಂಟೆಯನ್ನು ಬಾರಿಸುವುದಾಗಲಿ ಅಥವ ವೆಬ್ ಕ್ಯಾಮ್ ಮೂಲಕ ನಿಮ್ಮ PC ಅನ್ನು ಬಳಸುತ್ತಿರುವ ವ್ಯಕ್ತಿಯ ಫೋಟೋ ತಗೆಯುವುದಾಗಲಿ ಸಾಧ್ಯವಿಲ್ಲ. ಸಧ್ಯಕ್ಕೆ ನಿಮ್ಮ ಡಿವೈಸ್ ಇರುವ ಸ್ಥಳವನ್ನು ತೋರಿಸುವುದಷ್ಟೇ ಸಾಧ್ಯ. ಭವಿಷ್ಯದಲ್ಲಿ ಈ ನಿಟ್ಟಿನಲ್ಲಿ ಮೈಕ್ರೋಸಾಫ್ಟ್ ಹೆಚ್ಚಿನ ಫೀಚರ್ಗಳನ್ನು ನೀಡಲೂ ಬಹುದು.

ನಿಮ್ಮ ಡಿವೈಸ್ ನ ಸ್ಥಳವನ್ನು ಗುರುತಿಸಿ ಅದನ್ನು ವರದಿಮಾಡಲು ಡಿವೈಸ್ ಇಂಟರ್ನೆಟ್ ಸಂಪರ್ಕ ಹೊಂದಿರಬೇಕಾಗುತ್ತದೆ. ಈ ಫೀಚರ್ ಸರಿಯಾಗಿ ಕಾರ್ಯನಿರ್ವಹಿಸಬೇಕಾದರೆ ಡಿವೈಸ್ನಲ್ಲಿ ಮೈಕ್ರೋಸಾಫ್ಟ್ ಅಕೌಂಟ್ ಇರಬೇಕು. ಅಲ್ಲದೆ ಡಿವೈಸ್ GPS ಚಿಪ್ ಮತ್ತು ಸೆಲ್ಯುಲಾರ್ ಸಂಪರ್ಕ ಅಥವಾ ಸ್ಥಳವನ್ನು ಗುರುತಿಸುವ ಬೇರೆ ಯಾವುದಾದರು ಸಾಮರ್ಥ್ಯ ಹೊಂದಿರಬೇಕು.

ಈ ಮೇಲೆ ಹೇಳಿದ ಫೀಚರ್ಗಳು ಹಳೆಯ ಡೆಸ್ಕ್ಟಾಪ್ ಅಥವ ಲ್ಯಾಪ್ಟಾಪ್ಗಳಲ್ಲಿ ಲಭ್ಯವಿರುವುದಿಲ್ಲ.ಆದರೆ ಇತ್ತೀಚಿಗಿನ ಟ್ಯಾಬ್ಲೆಟ್ ಅಥವಾ ಹೈಬ್ರಿಡ್ ಡಿವೈಸ್ಗಳಲ್ಲಿ ಈ ಮೇಲೆ ಹೇಳಿದ ಫೀಚರ್ಗಳಿರುವ ಸಾಧ್ಯತೆಯಿದೆ. ಈ ಮೇಲೆ ಹೇಳಿದ ಮಾಹಿತಿಯನ್ನು ಮನದಲ್ಲಿರಿಸಿಕೊಂಡು, ಈ ಫೀಚರ್ ಅನ್ನು ಸಕ್ರಿಯಗೊಳಿಸಲು ಹೀಗೆ ಮಾಡಿ

ಹಂತ 1 : ಪಿಸಿ ಯ ಸ್ಟಾರ್ಟ್ ಮೆನು ಬಟನ್ ಮೇಲೆ ಕ್ಲಿಕ್ ಮಾಡಿ ಸೆಟ್ಟಿಂಗ್ಸ್ ಅನ್ನು ಆಯ್ಕೆ ಮಾಡಿ

ಹಂತ 2 : ನಂತರ "ಅಪ್ಡೇಟ್ ಆಂಡ್ ಸೆಕ್ಯೂರಿಟಿ" ಮೇಲೆ ಕ್ಲಿಕ್ ಮಾಡಿ "ಫೈಂಡ್ ಮೈ ಡಿವೈಸ್" ಅನ್ನು ಆಯ್ಕೆ ಮಾಡಿ.

ಹಂತ 3 : ಈ ಆಯ್ಕೆಯನ್ನು ಸಕ್ರಿಯಗೊಳಿಸಲು , ಮೊದಲು ನಿಮ್ಮ ಮೈಕ್ರೋಸಾಫ್ಟ್ ಅಕೌಂಟ್ ಗೆ ಲಾಗಿನ್ ಮಾಡಿ.

ಹಂತ 4 : ನಂತರ "ಫೈಂಡ್ ಮೈ ಡಿವೈಸ್" ನ ಮುಂದಿರುವ ಚೇಂಜ್ ಬಟನ್ ಅನ್ನು ಆಫ್ ನಿಂದ ಆನ್ ಗೆ ಬದಲಿಸುವ ಮೂಲಕ ಈ ಫೀಚರನ್ನು ಸಕ್ರಿಯಗೊಳಿಸಿ

ಹಂತ 5 : ನಂತರ ನಿಮ್ಮ ಮುಂದೆ ಬರುವ " ಸೇವ್ ಮೈ ಡಿವೈಸ್ ಲೊಕೇಶನ್ ಪೀರಿಯಾಡಿಕಲಿ" ಎಂಬ ಆಯ್ಕೆಯನ್ನು ಆನ್ ಮಾಡಿ

ಹಂತ 6 : ನಂತರ ನಿಮ್ಮ ಡಿವೈಸ್ ಅನ್ನು ಟ್ರ್ಯಾಕ್ ಮಾಡಬೇಕಾದರೆ, "account.microsoft.com/devices" ಗೆ ಹೋಗಿ ನಿಮ್ಮ ಡಿವೈಸ್ ನ ಸ್ಥಳದ ಮಾಹಿತಿಯನ್ನು ಪಡೆದುಕೊಳ್ಳಿ