ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಫೇಸ್‌ಬುಕ್‌ ಮೆಸೆಂಜರ್‌ ರೂಮ್ಸ್‌ ಕ್ರಿಯೆಟ್‌ ಮಾಡುವುದು ಹೇಗೆ ?

ಹೌದು, ಆನ್‌ಲೈನ್‌ ಕ್ಲಾಸ್‌, ಆನ್‌ಲೈನ್‌ ಮಿಟಿಂಗ್‌ ಗಳಿಗೆ ವಿಡಿಯೋ ಕಾನ್ಫರೆನ್ಸಿಂಗ್ಅಪ್ಲಿಕೇಶನ್‌ಗಳು ಸಾಕಷ್ಟು ಉಪಯುಕ್ತವಾಗಿವೆ. ಈ ನಿಟ್ಟಿನಲ್ಲಿ ಫೇಸ್‌ಬುಕ್‌ ಕೂಡ ರೂಮ್ಸ್‌ ಎನ್ನುವ ವಿಡಿಯೋ ಕಾನ್ಫರೆನ್ಸಿಂಗ್‌ ಫೀಚರ್ಸ್‌ ಅನ್ನು ಪರಿಚಯಿಸಿದೆ. ಇದನ್ನು ಬಳಸಿಕೊಂಡು ವರ್ಚುವಲ್‌ ಮೀಟಿಂಗ್‌, ವಿಡಿಯೋ ಕಾಲ್‌ ಮಾಡುವುದಕ್ಕೆ ಅನುಮತಿಸುತ್ತದೆ. ಸದ್ಯ ಈ ಫೀಚರ್ಸ್‌ ಅನ್ನು ಫೇಸ್‌ಬುಕ್‌ನಲ್ಲಿ ಎಲ್ಲರೂ ಬಳಸಬಹುದಾಗಿದೆ. ಆದರೆ ಇದನ್ನು ಫೇಸ್‌ಬುಕ್‌ ಮೆಸೇಂಜರ್‌ನಲ್ಲಿಯೂ ಸಹ ರೂಮ್ಸ್‌ಗಳನ್ನು ಕ್ರಿಯೆಟ್‌ ಮಾಡಬಹುದಾಗಿದೆ. ಹಾಗಾದ್ರೆ ಫೇಸ್‌ಬುಕ್‌ ಮೆಸೇಂಜರ್‌ನಲ್ಲಿ ರೂಮ್ಸ್‌ ಕ್ರಿಯೆಟ್‌ ಮಾಡುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಫೇಸ್‌ಬುಕ್‌ ರೂಮ್ಸ್‌ಗಳನ್ನು ಮೆಸೆಂಜರ್‌ನಲ್ಲಿಯೂ ಸಹ ಕ್ರಿಯೆಟ್‌ ಮಾಡಬಹುದಾಗಿದೆ. ನಿಮ್ಮ ಸಂಪರ್ಕಗಳಿಗೆ ವೀಡಿಯೊ ಕರೆಗಳನ್ನು ಮಾಡಲು ಮೆಸೆಂಜರ್ ನಲ್ಲಿ ಪ್ರಯತ್ನಿಸಿದ್ದರೆ, ನೀವು ಜೂಮ್ ಸಭೆಗಳಿಗೆ ಹೇಗೆ ಹಾಜರಾಗುತ್ತೀರೋ ಹಾಗೆಯೇ, ಫೇಸ್‌ಬುಕ್ ಮೆಸೆಂಜರ್ ನಿಮಗೆ ಕೊಠಡಿಗಳನ್ನು ಸೇರಲು ಮತ್ತು ಗುಂಪು ವೀಡಿಯೊ ಕರೆಗಳನ್ನು ಮಾಡಲು ಸಹ ಅನುಮತಿಸುತ್ತದೆ. ಸದ್ಯ ಫೇಸ್‌ಬುಕ್ ಮೆಸೆಂಜರ್‌ನಲ್ಲಿ ರೂಮ್ಸ್‌ಗಳನ್ನು ರಚಿಸುವುದು ಸುಲಭವಾಗಿದೆ. ಅದು ಹೇಗೆ ಈ ಕೆಳಿನ ಹಂತಗಳಲ್ಲಿ ತಿಳಿಯಿರಿ.

ಫೇಸ್‌ಬುಕ್‌ ಮೆಸೆಂಜರ್‌ನಲ್ಲಿ ರೂಮ್ಸ್‌ಗಳನ್ನು ಕ್ರಿಯೆಟ್‌ ಮಾಡುವುದು ಹೇಗೆ ?

ಹಂತ 1: ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಫೇಸ್‌ಬುಕ್ ಮೆಸೆಂಜರ್ ಅನ್ನು ಪ್ರಾರಂಭಿಸಿ ಮತ್ತು ನಿಮ್ಮ ಖಾತೆಗೆ ಲಾಗ್ ಇನ್ ಮಾಡಿ. ನಿಮ್ಮನ್ನು ಪರದೆಯ ಮೇಲಿನ ಚಾಟ್‌ಗಳಿಗೆ ಕರೆದೊಯ್ಯಲಾಗುತ್ತದೆ.
ಹಂತ 2: ಮೇಲಿನ ಎಡಭಾಗದಲ್ಲಿ, ಹುಡುಕಾಟ ಪಟ್ಟಿಯ ಕೆಳಗೆ, ರೂಮ್ಸ್‌ ಕ್ರಿಯೆಟ್‌ ಟ್ಯಾಪ್ ಮಾಡಿ. ಈ ಆಯ್ಕೆಯನ್ನು ಫೇಸ್‌ಬುಕ್ ಅಪ್ಲಿಕೇಶನ್‌ನಿಂದಲೂ ಆಯ್ಕೆ ಮಾಡಬಹುದು, ಮುಖಪುಟದಲ್ಲಿ ರೂಮ್ಸ್‌ ಕ್ರಿಯೆಟ್‌ ಅನ್ನು ನೋಡಿ. ನೀವು ಜನರ ಪಟ್ಟಿಯನ್ನು ನೋಡಿದರೆ, ಅವರನ್ನು ರೂಮ್ಸ್‌ಗೆ ಇನ್ವೈಟ್‌ ಮಾಡಲು ಬಲಭಾಗದಲ್ಲಿರುವ ಇನ್ವೈಟ್‌ ಬಟನ್ ಒತ್ತಿರಿ.

ಹಂತ 3: ಒಮ್ಮೆ ನೀವು ರೂಮ್ ಕ್ರಿಯೆಟ್‌ ಆಯ್ಕೆಯನ್ನು ಟ್ಯಾಪ್ ಮಾಡಿದರೆ, ರೂಮ್ಸ್‌ ಅನ್ನು ರಚಿಸಲು ಕೆಲವು ಆಯ್ಕೆಗಳನ್ನು ನೀವು ನೋಡುತ್ತೀರಿ. Who can join automatically? ಎಂಬುದನ್ನು ಟ್ಯಾಪ್ ಮಾಡಿ? ಮತ್ತುAnyone with the link or Only invited friends ಬಯಸಿದ ಆಯ್ಕೆಯನ್ನು ಆರಿಸಿ. ಲಿಂಕ್ ಹೊಂದಿರುವ ಯಾರಾದರೂ ಸೇರಬಹುದು ಮತ್ತು ನಿಮ್ಮ ಕೊಠಡಿಯನ್ನು ಇತರರೊಂದಿಗೆ ಹಂಚಿಕೊಳ್ಳಬಹುದು.
ಹಂತ 4: ಸಂಪರ್ಕ ಹೊಂದಿದವರಿಗೆ ವೀಡಿಯೊ ಕರೆಯನ್ನು ಪ್ರಾರಂಭಿಸಲು ಈಗ ಜಾಯಿನ್ ರೂಮ್ ಅನ್ನು ಒತ್ತಿರಿ.