ನಿಮ್ಮ ಸ್ನೇಹಿತರ ವಾಟ್ಸಾಪ್‌ ಸ್ಟೇಟಸ್‌ ಡೌನ್‌ಲೋಡ್ ಮಾಡಬೇಕೆ?..ಹಾಗಿದ್ರೇ ಹೀಗೆ ಮಾಡಿ!

ಹೌದು, ಜನಪ್ರಿಯ ಇನ್‌ಸ್ಟಂಟ್‌ ಮೆಸೆಜ್‌ ಆಪ್‌ ವಾಟ್ಸಾಪ್‌ನ ಸ್ಟೇಟಸ್‌ ಜಸ್ಟ್‌ 24 ಗಂಟೆಗಳ ಕಾಲಮಿತಿ ನಂತರ ಆಟೋಮ್ಯಾಟಿಕ್ ಆಗಿ ಮರೆಯಾಗುತ್ತದೆ. ಹೀಗೆ ಎಷ್ಟೂ ವೇಳೆ ಸ್ನೇಹಿತರು/ಪರಿಚಯಸ್ಥರು ಹಾಕುವ ವಾಟ್ಸಾಪ್‌ ಸ್ಟೇಟಸ್‌ಗಳು ಇಷ್ಟವಾಗುತ್ತವೆ. ಆದರೆ ಬಹುತೇಕರಿಗೆ ಆ ಸ್ಟೇಟಸ್‌ಗಳನ್ನು ಸೇವ್ ಮಾಡಿಕೊಳ್ಳವ ಹಾದಿ ಗೊತ್ತಾಗುವುದಿಲ್ಲ. ಹೀಗಾಗಿ ಇಂದಿನ ಲೇಖನದಲ್ಲಿ ವಾಟ್ಸಾಪ್‌ ಸ್ಟೇಟಸ್‌ಗಳನ್ನು ಸುಲಭವಾಗಿ ಸೇವ್ ಮಾಡುವುದು ಹೇಗೆ ಎಂಬುದನ್ನು ತಿಳಿಸಲಾಗಿದೆ ಮುಂದೆ ಓದಿರಿ.

ವಾಟ್ಸಾಪ್ ಸ್ಟೇಟಸ್‌-ಜಸ್ಟ್‌ 24 ಗಂಟೆಗಳ ಕಾಲಮಿತಿ

ವಾಟ್ಸಾಪ್ ಸ್ಟೇಟಸ್‌ಗಳು ಜಸ್ಟ್ 24 ಗಂಟೆಗಳ(ದಿನದ) ವ್ಯಾಲಿಡಿಟಿಯನ್ನು ಹೊಂದಿದ್ದು, ಆನಂತರ ತಾನಾಗಿಯೇ ಮರೆಯಾಗತ್ತವೆ. ಈ ಅವಧಿಯಲ್ಲಿ ಬಳಕೆದಾರರು ವಾಟ್ಸಾಪ್‌ ಸ್ಟೇಟಸ್‌ಗಳನ್ನು ಡಿಲೀಟ್ ಮಾಡಬಹುದು, ಹೊಸದಾಗಿ ಫೋಟೊ ಅಥವಾ ವಿಡಿಯೋ ಸೇರಿಸಬಹುದು. ಹಾಗೆಯೇ ವಾಟ್ಸಾಪ್‌ ಲಿಸ್ಟ್‌ನಲ್ಲಿರುವ ಸ್ನೇಹಿತರು ಹಾಕಿರುವ ಸ್ಟೇಟಸ್‌ ಸೇವ್ ಸಹ ಮಾಡಬಹುದಾಗಿದೆ.

ವಾಟ್ಸಾಪ್‌ನ ಸ್ಟೇಟಸ್‌ ಸುಲಭವಾಗಿ ಸೇವ್‌ ಮಾಡಲು ಈ ಕ್ರಮಗಳನ್ನು ಅನುಸರಿಸಿ

* ಮೊದಲು ಸ್ಮಾರ್ಟ್‌ಫೋನ್‌ನಲ್ಲಿ ಫೈಲ್‌ ಮಾನೇಜರ್‌ ಅಪ್ಲಿಕೇಶನ್ ತೆರೆಯಿರಿ

* ಆ ನಂತರ ಫೋನ್‌ ಮೆಮೊರಿ ಆಯ್ಕೆಯನ್ನು ಸೆಲೆಕ್ಟ್‌ ಮಾಡಿರಿ

* ಫೋನ್‌ ಮೆಮೊರಿಯಲ್ಲಿ ವಾಟ್ಸಾಪ್‌ ಆಪ್‌ ಐಕಾನ್‌ ತೆರೆಯಿರಿ

* ವಾಟ್ಸಾಪ್‌ನಲ್ಲಿ ಮೀಡಿಯಾ ಫೈಲ್‌ ಆಯ್ಕೆ ಸೆಲೆಕ್ಟ್ ಮಾಡಿ

* ನಂತರ ಸ್ಟೇಟಸ್‌ ಆಯ್ಕೆ ಸೆಲೆಕ್ಟ್‌ ಮಾಡಿ, ಸ್ಟೇಟಸ್‌ಗಳು ಕಾಣಿಸುತ್ತವೆ.

* ಸೇವ್‌ ಮಾಡಬೇಕಾದ ಸ್ಟೇಟಸ್‌ ಪ್ರೆಸ್‌ ಮಾಡಿ ನಂತರ ಕಾಪಿ ಮಾಡಿ ಗ್ಯಾಲರಿಗೆ ಪೇಸ್ಟ್‌ ಮಾಡಿರಿ.

ಇತರೆ ಕ್ರಮಗಳು

* ಥರ್ಡ್‌ಪಾರ್ಟಿ ಅಪ್ಲಿಕೇಶನ್ ಮೂಲಕ ಸ್ಟೇಟಸ್‌ ಮಾಡಬಹುದಾಗಿದೆ. (ಸ್ಟೇಟಸ್‌ ಸೇವರ್).

* ಆ ಅಪ್ಲಿಕೇಶನ್ ತೆರೆಯಿರಿ ಮತ್ತು ನಿಮ್ಮ ಫೋನ್‌ನ ಸ್ಟೋರೇಜ್ನ ಆಕ್ಸಸ್‌ ನೀಡಿ.

* ನಿಮ್ಮ ಸ್ನೇಹಿತರ ವಾಟ್ಸಾಪ್ ಸ್ಟೇಟಸ್‌ ಡೌನ್‌ಲೋಡ್ ಮಾಡಲು ಅಥವಾ ಸೇವ್ ಮಾಡುವ ಮೊದಲು ಒಮ್ಮೆ ಅವರ ಸ್ಟೇಟಸ್‌ ವೀಕ್ಷಿಸುವುದು.

* ಆ ನಂತರ ಸ್ಟೇಟಸ್‌ ಸೇವರ್ ತೆರೆಯಿರಿ

* ಈಗ ನಿಮಗೆ ನೀವು ವೀಕ್ಷಿಸಿದ ನಿಮ್ಮ ಸ್ನೇಹಿತರ ವಾಟ್ಸಾಪ್‌ ಸ್ಟೇಟಸ್‌ಗಳು ಕಾಣಿಸುತ್ತವೆ.

* ಯಾವ ಸ್ಟೇಟಸ್‌ ಡೌನ್‌ಲೋಡ್/ ಸೇವ್ ಮಾಡಲು ಬಯಸುತ್ತಿಯೋ ಅದನ್ನು ಟ್ಯಾಪ್ ಮಾಡಿ ಮತ್ತು ಡೌನ್‌ಲೋಡ್ ಬಟನ್ ಒತ್ತಿರಿ.