ಟೆಲಿಗ್ರಾಮ್‌ನಲ್ಲಿ ನಿಮ್ಮ ಪ್ರೊಫೈಲ್ ಫೋಟೊವನ್ನು ಹೈಡ್‌ ಮಾಡುವುದು ಹೇಗೆ ಗೊತ್ತಾ?

ಟೆಲಿಗ್ರಾಮ್ ತನ್ನ ಬಳಕೆದಾರರಿಗೆ ಗೌಪ್ಯತೆ ಸೆಟ್ಟಿಂಗ್‌ಗಳನ್ನು ಬದಲಾಯಿಸಲು, ಅವರ ಕಾಂಟ್ಯಾಕ್ಟ್‌ ಮತ್ತು ಪ್ರೊಫೈಲ್ ಫೋಟೊವನ್ನು ಹೈಡ್‌ ಮಾಡಲು ಅನುಮತಿಸುತ್ತದೆ. ಬಳಕೆದಾರರು ತಮ್ಮ ಬಳಕೆದಾರ ಹೆಸರಿನಿಂದ ಮಾತ್ರ ಹೋಗಲು ತಮ್ಮ ಹೆಸರನ್ನು ಮರೆ ಮಾಡಬಹುದು. ಬಳಕೆದಾರರು ತಮ್ಮ ಕೊನೆಯದಾಗಿ ನೋಡಿದ ಮತ್ತು ಆನ್‌ಲೈನ್ ಮಾಹಿತಿಯನ್ನು ಮರೆ ಮಾಡಲು ಅಪ್ಲಿಕೇಶನ್ ಅವಕಾಶ ನೀಡುತ್ತದೆ. ಅಲ್ಲದೆ, ಯಾವುದೇ ಬಳಕೆದಾರರು ಅವರನ್ನು ಯಾವುದೇ ಗುಂಪಿಗೆ ಸೇರಿಸಲು ಸಾಧ್ಯವಿಲ್ಲ ಎಂದು ಖಚಿತಪಡಿಸಿಕೊಳ್ಳಬಹುದು.

ಪ್ರೈವಸಿ ಸೆಟ್ಟಿಂಗ್‌ಗಳನ್ನು ಬದಲಾಯಿಸಲು ಈ ಕ್ರಮಗಳನ್ನು ಫಾಲೋ ಮಾಡಿ:

ನಿಮ್ಮ ಕಾಂಟ್ಯಾಕ್ಟ್‌ ಮತ್ತು ಪ್ರೊಫೈಲ್ ಫೋಟೊವನ್ನು ಹೈಡ್‌ ಮಾಡಲು, ಮೊದಲು ಟೆಲಿಗ್ರಾಮ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ಗೌಪ್ಯತೆ ಮತ್ತು ಸುರಕ್ಷತೆಗೆ(privacy and security) ಹೋಗಿ. ಫೋನ್ ಸಂಖ್ಯೆ ಆಯ್ಕೆಯನ್ನು ಆರಿಸಿ, ನಂತರ my contacts ಆಯ್ಕೆಯನ್ನು ಆರಿಸಿ ಅಥವಾ ನೀವು ಅದನ್ನು ಸಂಪೂರ್ಣವಾಗಿ ಮರೆ ಮಾಡಲು ಬಯಸಿದರೆ ಯಾರೂ ಇಲ್ಲ. ಬಳಕೆದಾರ ಹೆಸರನ್ನು ಹೊಂದಿಸಲು, ಸೆಟ್ಟಿಂಗ್‌ಗಳಿಗೆ ಹೋಗಿ ಮತ್ತು ಬಳಕೆದಾರಹೆಸರು ಆಯ್ಕೆಯನ್ನು ಆರಿಸಿ. ನಿಮ್ಮ ಆಯ್ಕೆಯ ಬಳಕೆದಾರ ಹೆಸರನ್ನು ಟೈಪ್ ಮಾಡಿ. ತದನಂತರ ಖಚಿತಪಡಿಸಲು ಟಿಕ್ ಗುರುತು ಆಯ್ಕೆಮಾಡಿ.

ನಿಮ್ಮ ಪ್ರೊಫೈಲ್ ಫೋಟೊವನ್ನು ಹೈಡ್‌ ಮಾಡಲು, ಗೌಪ್ಯತೆ ಮತ್ತು ಸುರಕ್ಷತೆಗೆ ಹೋಗಿ ಮತ್ತು ‘ಪ್ರೊಫೈಲ್ ಫೋಟೋಗಳು' ಆಯ್ಕೆಮಾಡಿ ನಂತರ ಮೈ ಕಾಂಟ್ಯಾಕ್ಟ್‌ ಆಯ್ಕೆ ಮೇಲೆ ಕ್ಲಿಕ್ ಮಾಡಿ ಮತ್ತು ಅಪ್ಲೈ ಆಯ್ಕೆ ಕ್ಲಿಕ್ ಮಾಡುವ ಮೂಲಕ ಪ್ರಕ್ರಿಯೆಯನ್ನು ಮುಗಿಸಿ. ಗೌಪ್ಯತೆ ಆಯ್ಕೆಗಳಿಂದ ನಿಮ್ಮ ಕೊನೆಯದಾಗಿ ನೋಡಿದ ಮತ್ತು ಆನ್‌ಲೈನ್ ಸ್ಥಿತಿಯನ್ನು ಮರೆ ಮಾಡಲು, ಕೊನೆಯದಾಗಿ ನೋಡಿದ ಮತ್ತು ಆನ್‌ಲೈನ್ ಆಯ್ಕೆಮಾಡಿ ಮತ್ತು nobody ಆಯ್ಕೆಯನ್ನು ಕ್ಲಿಕ್ ಮಾಡಿ.

ಯಾರಾದರೂ ನಿಮ್ಮನ್ನು ಟೆಲಿಗ್ರಾಮ್‌ ಗುಂಪುಗಳಿಗೆ ಸೇರಿಸುವುದನ್ನು ತಡೆಯಲು, ಗೌಪ್ಯತೆ ಮತ್ತು ಭದ್ರತಾ ಆಯ್ಕೆಗೆ ಹೋಗಿ ಮತ್ತು ‘ಗುಂಪುಗಳು' ಆಯ್ಕೆಯನ್ನು ಆರಿಸಿ. ಆ ನಂತರ ‘ಮೈ ಕಾಂಟ್ಯಾಕ್ಟ್‌ ಹೊಂದಿಸಿ. ನಿಮ್ಮನ್ನು ಯಾವುದೇ ಗುಂಪುಗಳಿಗೆ ಸೇರಿಸಲು ಇದು ನಿಮ್ಮ ಸಂಪರ್ಕಗಳನ್ನು ಹೊರತುಪಡಿಸಿ ಬೇರೆ ಯಾರನ್ನೂ ತಡೆಯುತ್ತದೆ.

ಟೆಲಿಗ್ರಾಮ್ ಆಪ್‌ ಬಗ್ಗೆ ಈ ಸಂಗತಿಗಳನ್ನು ತಿಳಿದುಕೊಳ್ಳಿ

ಅಂತರ್ಜಾಲದಲ್ಲಿ ಕಾಣಿಸಿಕೊಂಡ ವರದಿಗಳ ಪ್ರಕಾರ, 32% ಪ್ರತಿಕ್ರಿಯಿಸಿದವರು ವಿಮರ್ಶಾತ್ಮಕ ಅಥವಾ ರಹಸ್ಯ ಸಂದೇಶಗಳನ್ನು ಕಳುಹಿಸಲು ಟೆಲಿಗ್ರಾಮ್ ಅನ್ನು ಬಳಸುತ್ತಾರೆ. ಅಲ್ಲದೆ, ಟೆಲಿಗ್ರಾಮ್ ವಾಟ್ಸಾಪ್ ಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವವರನ್ನು ಗುಂಪಿನಲ್ಲಿ ಸೇರಲು ಅನುಮತಿಸುವ ಸಾಮರ್ಥ್ಯವನ್ನು ಹೊಂದಿದೆ.